Nadal u Navidat...an son?

A Plaza’l Pilar de Zaragoza s’ha plenau istos diyas con puestos, carpas y milenta istorias. Tot ello se fa baxo iste cartel d’o Concello que deseya goyo en muitismos idiomas. Tantas luengas que no ese pasau cosa porque esen ficau as luengas propias d’Aragon, l’aragones y o catalan, como diz a Ley de Luengas. Una vegada mas o multiculturlismo con que se presenta a candidatura a Ciudat Europea d’a Cultura ye multiculturalismo con apelliu: “Multiculturalismo que, sobre tot, no dixe veyer a cultura propia d’Aragon y as suyas luengas d’Aragon, l’aragones y o catalan”.

Por isto, y atras cosas, por cierto, me soi repensando reubrir Aragon Colonial. Asinas lo digo.

Por segunda vegada en os zaguers dos meses han cremau bells contenidors en o mio bico. Ista vegada, por suerte, o mio auto no yera aman d’os contenidors cremaus. No han teniu ixa mesma suerte atros cinco autos que han quedau cremaus de raso.

Asinas ha quedau un d'os autos

Fa no guaire saliba en Heraldo que Zaragoza ha teniu iste anyo mas contenidors que cambear que ciudatz d’Euskadi con autividat d’o que se diz kale borroka o “luita en a carrera”. Sin dembargo, a repercusion d’una y atra cosa no ye igual, ni en Aragon ni fuera d’Aragon. En tot caso s’ha de dicir que huei os meyos de comunicacion espanyols si que s’han presentau en o mio bico a rechistrar imachens y mesmo ha saliu en os informativos espanyols.

Lo que ya no han feito, y tampoco no l’han feito a mayoria d’os meyos aragoneses, ye rilacionar istos autos d’ahiere con os que pasoron fa no guaire tiempo en o mesmo bico. Be de estar porque a memoria que os periodistas tenemos ye de curto plazo, sobre tot si la nota d’a Policia no recenta ixos atros feitos. Pero si, fa menos de dos meses cremaron atros contenidors. Y fa menos d’un mes una patrulla d’a Policia abio d’aturar a una presona que a las 3 d’o maitin trucaba a un timbre y chilaba como si no ese maitin, faltando a una mesacha. Tot isto en dos manzanas, lo que a yo me fa sospitar que tien rilacion, pero puestar que no en tienga, ye esclatero.

Puestar que sigan gaires que zascandilean por o bico, puestar que sigan capins tornando ta casa de borina, puestar que siga un mesache que quiere fer medrana, como un falso, a la suya mesacha o ex-mesacha, u puestar lo contrario, pero o que ye seguro ye que istos contenidors cremaus dan alas a las intincions de l’alcalde Belloch de meter camaras de seguridat por tota la ciudat y que, sin garra duda, no son actos politicos.

Esviellato: Si queretz veyer as fotos de lo fuego, chusto en l’inte en que pasaba Juan Antonio Molina ha decidiu creyar ista galeria de fotos sobrebuenas que facio dende una terraza.

No alcompanya l’orache, ixo ye cierto, pero ya plega l’estiu y a Zaragoza de siempre sale ta la carrera. Iste cabo de semana ye a rebutir d’actividatz, bellas paradas por o Concello y atras muitas por a chent d’os bicos. Os bicos de siempre, a chent de siempre. Ista ye a clase de cosas que me fan muito goyo d’ista ciudat. Atamas d’una cutiana sensacion de “no femos cosa”, a chent de Zaragoza s’organiza y arrocla arredol d’ideyas, de bicos, de propuestas, que femos servir ta creyar ixo que dicen ciudadania.

Dos d’os bicos mas tradicionals d’a ciudat cilebran istos diyas as suyas fiestas. O Gancho y A Madalena levan concarando-se dende fa sieglos. Y cuan digo “concarando-se” lo digo en o sentiu mas literal d’a parola. A chent d’istos bicos s’han barallau dende siempre, por l’actividat tradicional d’os suyos abitadors. Artesans y labradors, uns y atros, han teniu una competencia fura con as suyas procesions, os suyos privilechios y o suyo prestichio dentro d’a ciudat dende manimenos o sieglo XV. Encara huet cilebran as fiestas a mesma semana, fendo que o centro tradicional d’a ciudat siga plen de vida y d’actividatz. Mosica, fogueras de San Chuan, pasabillas, jotas, karaoke, baile, cine, chentas populars tot isto y mas en a Semana Cultural d’a Madalena y tamien en as Fiestas d’o bico d’o Gancho.

Graffiteyando en l'Asalto

Amás d’isto, istos diyas se ye fendo o V Asalto Cultural que preba de emplir de color espacios albandonaus d’a ciudat con propuestas urbanas. A ciudat ye plena de graffiteros, mosica y atras actuacions que dan vida a espacios buedos, como l’anyo pasau se facio en a ribera d’o rio, y iste anyo se fa por as placetas d’o centro. Iste maitin, l’antiga churreria d’as murallas cambeaba de color por l’arte de tres u cuatro zagals con esprais. Tota la programacion la tenez asti en Asalto Cultural.

Y mas cosas que prencipian en no guaire tiempo, os Festivals de l’Ebro, u A la Fresca en os bicos rurals. Senyals de vida cultural dilla d’o que no parixe. Ista ye a Zaragoza que me fa goyo. Ista ye a Zaragoza en a que trigo vivir. Pero ye esclatero que cuan i manca, de vegadas, fan ganas de fuyir, pero ixo ye atra storia y s’abra de recentar a o suyo debiu tiempo.

A inmortal ciudat de Zaragoza quiere ser a capital europea d’a cultura en l’anyo 2016. Lo diz a pachina web d’o Conzello y tamien o sitio oficial d’a candidatura. Ye una mas d’os macroeventos que mos para la ciudat, o que mos quiere parar. Cuan facion a primer intincion se convoco a os ciudadans a dar a suya opinion. Bi’n abio collas de triballo que cordino o periodista Fernando Rivares y l’actuacion mas relevant estio penchar cartels en o Paseo Independencia de Zaragoza. Cartels, que como denuncio Marisancho Menjon teneban graus faltas d’ortotipografia.

Yo no soi en contra de que Zaragoza siga Capital Europea d’a Cultura. Tot lo contrario. Pero que siga una Capitalidat ubierta, que aiga espacios ta totas as culturas, a clasica y no tan clasica, o viello, l’antigo, o moderno y o posmoderno. Que l’aragones tienga presencia dilla d’a presencia testimonial en a web d’o Concello en forma de parola (unica). Que bi aiga espectaculos de carrera que no sigan siempre recreyacions melitars, agora tan de moda en ista nuestra ciudat. Que a ciudat s’impla d’actividatz pero d’aqui a 2016, no nomas ixe anyo.

Allora, charrando d’ixo con Xarxes, me deciba que a capitalidat cultural se fa tamien no trancando salas de conciertos. A zaguera ha estau a Sala DeVizio (podez refirmar contra o suyo trancamient en ista colla de Facebook), pero no ha estau a unica. Dimpues de refirmar o suyo cabo d’anyo o Conzello decidio trancar a Sala Arrebato, por exemplo. A cultura se fa dende totz os ambitos, se fa emplindo espacios, se fa dixando fer a la sociedat civil, se fa rispetando as culturas. Ye verdat tamien que istos zaguers cabos de semana o centro d’a ciudat ha estau a rebutir de chents y actividatz. Ixe puestar que siga o camin ta fer d’ista ciudat un exemplo. Pero ta ixo, abran tamien de rispetar atras luengas (y no retirar cartels que no sigan en castellan), abran de refirmar a qui preba de tener una achenda de conciertos dinna y esferent, abran d’entender que no tota la sociedat s’imple d’arguello en veyer desfilar a buena ripa de chent disfrazada de militar (siga la suya profesion o no) y que ta celebrar a cultura ye millor emplegar a cultura d’a paz y no pas a cultura d’a guerra.

Ya ye oficial que torna Luisa Fernanda Rudi a la politica aragonesa, u, como ella diz, rechional. Como chusto onor ta ella, he decidiu adedicar un nuevo capitol de Zaragoza en Pleno, a o suyo zaguer auto como alcaldesa de Zaragoza. Una d’as dos vegadas que estando trigada por os aragoneses (con o sin encierto) decidio albandonar os suyos cargos y marchar a lo que ella diz “politica de verdat”, a d’Espanya. Acudo, una vegada mas, a las autas d’os plenos d’o Conzello de Zaragoza (ya sapez que cal tener un bisor espezial de Djvu).

A la fin d’o pleno d’o diya 31 de marzo de l’anyo 2000, dimpues de tratar atros temas, la en ixe tiempo alcaldesa de Zaragoza, deciba lo siguient:

De todos es sabido, porque así se ha dicho públicamente, que el próximo martes yo presentaré mi renuncia, mi dimisión como alcaldesa del excelentísimo Ayuntamiento de la ciudad de Zaragoza y mi renuncia al cargo de concejala de esta misma institución. El origen y el motivo de esta decisión es de todos sabido, y es que iniciaré, si Dios quiere y la mayoría de los diputados del Congreso, el próximo miércoles día cinco una nueva etapa en mi andadura política y en mi andadura personal.

Asinas pues, atamas d’aber estau trigada por os ciutadans, as prioridatz d’a senyora Rudi quedaban esclateras. Primero, José María Aznar, que estio qui la trigo ta presidir o Congreso d’os Diputados. Dimpues Dios, que por dencima d’os votos d’os diputaus la ferian presidenta d’o Congreso. Dimpues ixos diputaus que la eban de votar, y dimpues, nomas dimpues, os ciudadans que la eban votau t’alcaldesa. Continaba asinas, a declaracion de Luisa Fernanda Rudi:

Los sentimientos encontrados son por una parte,obviamente, la satisfacción del alto honor que probablemente, alto honor inmerecido, que se pondrá en mis manos probablemente el próximo miércoles, que es presidir las Cortes Generales de España, el lugar donde reside la soberanía del pueblo español; pero por otra parte un sentimiento de gran tristeza, de gran tristeza porque han sido casi cinco años muy intensos de mi vida personal y política los que he desarrollado en esta casa y además cinco años de conocer y ejercer día a día una actividad política que yo no había tenido oportunidad anteriormente ni tan siquiera como concejala de esta Casa.

Dimpues se dixaba levar por a emocion y daba gracias a totz os concellers, personal y atros puestos d’o Concello y tamien a os ciudadans. Os atros grupos con representacion en o Concello tamien fablaban de la ya ex-alcaldesa. Paraz cuenta que bi ha bellas alfayas.

En primeras Fernando Labena d’o Partido Aragones, en a mas pura tradicion colonial primero y dimpues con un platero interes por aprobeitar o cargo de presidenta d’o Congreso de Luisa Fernanda Rudi ta beneficiar Zaragoza (tot s’ha de dicir)

Para el Partido Aragonés el que una zaragozana,el que una aragonesa vaya a presidir el Congreso es, sin lugar a dudas, que no le quepa ninguna duda, un motivo de orgullo, un motivo de alegría y un motivo de satisfacción. Para nosotros, independientemente del partido político en que usted milita es un motivo que lo celebramos.
…
Usted ha adquirido una deuda que tendrá que ir pagando, que además de una forma muy sencilla, muy sencilla: como presidenta del Congreso y con la imparcialidad que caracteriza o que lleva implícito ese cargo, Zaragoza debería cobrar esa deuda histórica que otras ciudades como Vitoria,Valencia, Barcelona, Santiago, Sevilla, esa deuda histórica que otras ciudades ya han cobrado; porque Zaragoza ha sido en los últimos veinte años como la cenicienta, como una auténtica cenicienta respecto del papá Estado que en muchas ocasiones ha sido más padrastro que papá

Dende Chunta, Antonio Gaspar mediba asabelo bien as suyas parolas y manteniba un tono neutro:

Hemos vivido por lo tanto el mismo periodo político desde perspectivas distintas y no vaya entrar en nada que no sea yo creo el reconocimiento de un trabajo y de una seriedad que yo personalmente he valorado y que por mi parte pongo encima de la mesa y hago pública como un reconocimiento que espero que sea mutuo y que por encima de cualquier discrepancia política, que las ha habido y las ha habido duras, de cualquier perspectiva, de cualquier diferencia con respecto a los temas que se han ido tratando, yo entiendo que por encima del todo está la seriedad y el trabajo que creo que desde nuestro grupo hemos intentado desarrollar y que reconozco que desde su perspectiva ha hecho lo mismo. Por lo tanto, no quisiera entrar en más valoracíones.

A Juan Alberto Belloch, d’o P(SO)E ya lo conoxemos, asinas que o suyo mensache de parabiens ye dinno de leyer-se. Por o tono colonial d’o prencipie, por l’andanada contra o PAR y a suya prebatina d’aconseguir favors ta Zaragoza con o cargo d’a Rudi y por a suya definicion d’o que han de fer os politicos (y que no almite garra comparanza con o que fa el agora)

Efectivamente comparto que no es el momento de la crítica de la gestión política ni un momento en que tenga sentido el iniciar ese tipo de reflexión. Hay tiempo para todo en política y, desde luego también, para cuenta del momento presente y el momento presente es sin duda un momento de felicitación, de felicitación personal, sincera, de felicitación también a todos nosotros porque una mujer aragonesa en definitiva vaya a tener la alta responsabilidad de presidir las Cortes Generales.

…
Es sólo un momento para pedirle no que actúe de ministra de Fomento, porque no la han hecho ministra de Fomento, es un momento exclusivamente para que, con nuestra ayuda, sepa cumplir la función que tiene por delante (…) De usted se espera la imparcialidad, la protección de las minorías, la protección de nuestro sistema de libertades, es una de esas ocasiones en que a un político le dejan ser lo que realmente es, sin esas obligaciones de partido que todos tenemos en el cumplimiento de nuestra obligación que soportar.

En zagueras, Antonio Suárez, d’o PP, que como ye normal, alaba la figura de Luisa Fernanda Rudi, ya que, a lo menos cara t’afuera, totz os miembros d’o Partido Popular se refirman uns t’atros.

Felicidades, Luisa, en primer lugar porque vas a desempeñar un cargo importantísimo y vas a tener, sin ninguna duda, ocasión, porque te conocemos, de ayudar a Zaragoza, de ayudar a tu ciudad, de ayudar a Aragón y de ayudar a España. Te deseamos lo mejor en ese nuevo destino que vas a tener, pero, sin ninguna duda también y lo quiero recalcar para que lo sepamos todos, estoy convencido de que desde ese puesto vas a conseguir muchas cosas para tu ciudad y para Aragón. Nosotros también en el grupo tenemos sentimientos encontrados, igual que tú. No te puedes ni imaginar la tristeza que tenemos pese a la alegría que evidentemente también tenemos por tí personalmente y también por la ciudad, porque es muy importante que una alcaldesa de Zaragoza sea también presidenta del Congreso de los Diputados.

Ixe estio o zaguer parlament d’ixe diya. Se devantaba l’auta a las 12.30 d’o maitin y en o pleno siguient, 4 d’abril de 2000, estio eslexiu como alcalde de Zaragoza José Atarés que estio en o cargo dica o 2003 cuan gano as eleucions Juan Alberto Belloch.

Ya fa 15 anyos que Mohamed Ali Amar, Nayim, feba un chut que marcaria a istoria d’o Reyal Zaragoza, a suya propia leyenda como futbolista y mos dixaria marcau a fuego ser d’o Reyal Zaragoza. Fa 15 anyos ya que Nayim chutaba dende o centro d’o campo d’o Parque d’os Principes en Paris y dixaba a Seaman, portero de l’Arsenal anglés, en o sulero, dimpués d’encaxar un gol machico. Fa 15 anyos que en o zaguer segundo d’a prorroga d’a final d’a Recopa Nayima marco lo 2-1 que facio a lo Reyal Zaragoza campeon d’a Recopa.

Mil vegadas que veiga ixe gol y mil vegadas que me mete os nierbols a flor de piel. Remero ixe diya, remero como cantemos o gol, remero a fiesta de dimpues y remero l’argüello que sentibamos d’estar d’o Zaragoza. Ixe sentimient se’n quedara ta cutio en os nuestros corazons, atamas de descensos, fracasos… O gol de Nayim fa 15 anyos nos facio ta cutio zaragocistas, como ya yeranos antis, pero sobre tot, una mica mas. Ixa nueit que ardio Paris ha estau una d’as mas goyosas d’a mia vida.

Por disposicion d’o primer edil d’a ciudat de Zaragoza totz os edils d’a ciudat han d’asistir a os autos relichiosos municipals, atamas d’as suyas creyencias. Tamien Juan Alberto Belloch decidie no sacar a cruz d’os plenos d’o concello de Zaragoza. Cal dicir que ista cruz (y a imachen d’a Virchen d’o Pilar ye un erencio direuto d’o concello franquista, por cierto). A presencia d’ixa cruz estio denunciata por esferents coleutibos y fruito d’ixo, un chuez, Luis Carlos Martín, ha dito lo siguient (paraz cuenta).

“el hecho de eliminar toda manifestación de tipo religioso a ultranza, cualquiera que sea su signo, vendría a dar prioridad a una determinada consideración del fenómeno religioso, como es el agnosticismo”.

Por ixo o chuez ha decidiu priorizar unatra, o cristianismo, y continara antimas a obligacion d’os edils de ir a cualsiquier auto relichioso (cristiano, profes) an que i vaiga a corporacion.

A estrutura lochica dezaga d’ista decision dixa esclatera an se fundan as relichions, ye dicir, fuera d’a lochica, y profes d’a razon, pero sobre tot, dixa esclatero que o cristianismo catolico espanyol no ye un feito particular y privau (como abria d’estar), sino que a suya intincion ye siempre imposar-se sobre cualsiquier atro pensamient. Dios mediante.

ps. O chuez Luis Carlos Martín Osante, por cierto, ye o chuez que dicto sentencia a favor d’una familia que quereba fer ochezion a “Educacion para la ciudadania”. Una alfaya.

Coincidindo con a cumbre europea ta retallar os dreitos d’a chent ta vivir an quiera, en Zaragoza s’aplego asabela chent ta fer una trobada alternativa, profes, ta charrar d’os dreitos d’os migrantz. Iste ye o video que fazion d’ixos diyas, con un camaton d’autibidatz de reflesion y denuncia y profes tamien de borina.

Encuentro Alternativo por los derechos de los inmigrantes from Rednofronteras on Vimeo.

Os diyas 15 y 16 d’abril os ministros de inmigracion d’os paises d’a UE se troban en Zaragoza ta fablar d’a inmigracion. No ye ixa cumbre l’unico puesto an que se charrará d’o tema istos diyas, ni estaran nomas as politicas de mugas d’os gobiernos europeos as unicas politicas d’inmigracion que se’n construyiran ixos mesmos diyas en Zaragoza.

Coleutibos, retes y asociacions han parau una ripa d’autos ta denunciar a politica d’inmigracion europea y ta construyir politicas alternativas a traviés d’a creyacion d’alianzas dentre migrants y autoctonos, empentando manieras nuevas d’autorganizacion social, asinas como prauticas de rechira y afirmacion coleutibas y desichencias ta la plena igualdat de dreitos ta totas as presonas.

Programa d’autos

Chuebes 15 d’abril

Facultat de Estudeos Socials. c. Violant d’Hungría. Zaragoza
17:00-18:00 – Ponencia prencipal
No hay integración sin derechos. Régimen de fronteras y control productivo de las migraciones. Nicolás Sguiglia, Universidad Nómada

18:30 a 21:00 – Panels tematicos

- Rechimen de mugas, CIES, sin papers. Introduce: Plataforma Paremos los CIES
– Menors no alcompanyaus. Introduce: SOS Racismo Guipúzcoa
– Dreito d’asilo. Introduce: Mauricio Valiente, asesor churidico del CEAR
– Dreito a la ciudadania. Introduce: Tomás Herreros
—
Parau por la Plataforma Ciudadana por la Igualdad y la Interculturalidad

Viernes 16 d’abril

Crida por as carreras sin mugas
Autibidaz en os bicos de Zaragoza

17.30 Recentafalordias en Plaza San Felipe (Casco Istorico)
17.30 Chicolatada y chuegos en Plaza d’as Canteras (Bico de Torrero)
18.00 Masa cretica dende lo bico de l’Actur. Salida en c. Maria Zambrano 31 (Pta. Gran Casa)
Feremos una gambada en bici por a ziudat ta cridar por carreras libres de mugas.

Dimpues mos chuntaremos ta la manifestacion  “Dignidad, respeto y derecho para todas y todos” a las 20:00 h en Plaza Paraiso.

Bi abra esferens puntos de trobada ta ista aizion simultanea.

18.00 Malabars y teatro en c. Florentino Ballesteros (bico d’As Fuents)
18.00 Pasabillas dende o Campus d’a Universidat

Organiza Ciudades Sin Fronteras

20:00 Manifestacion “Dignidad, respeto y derechos para todos y todas”
Plaza Paraíso. Organizau  por a Plataforma Ciudadana por a igualdat y a interculturalidat

22:00 Borina Reclama la via
Asociacion Barrio Verde, c. Doctor Palomar 25. Organiza Ciudades Sin Fronteras

—

Sabado 17 d’abril

11:30 Presentacion d’a campaña Ziudatz sin mugas y presentacion de l’informe “Voces desde y contra el CIE de aluche”. Facultat de Filosofía y Letras. c. Pedro Cerbuna, 12

17:30 Ruta “Las fronteras de Zaragoza”. Prenzipiando en Plaza Agustina d’Aragon

22:00 Borina hip-hop Lab / Rap Contra las mugas Plaza Asso.

Organiza Ciudades Sin Fronteras

—

Domingo 18 d’abril

12:00 Plazas para la convivencia: “Plazas sin de mugas”
Plaza La Madalena
Chuegos tradicionals aragoneses – Animacion ta ninos – Taller de zancos – Autuacion mosical – Vermu – Chenta a cargo d’o rete de refirme a os sin papers – Mesas informativas d’entidaz socials -Presentacion d’as campanyas: Por una plaza Sin Fronteras y ¿Quién vigila a los/as vigilantes?. Convoca: AVV de la Madalena – Calle y libertad

12:00 Manifestacion A crisis que la bosen os ricos
Plaza San Miguel. Convocan: CATA, CGT, Intersindical de Aragón, OSTA, SEI, SF, STEA, SOA.

A traviés d’a colla de Google zAndroid (Android en Zaragoza) y gracias a Francho, he trobau ista funcionalidat d’a web d’o Concello de Zaragoza que no conoxeba. Ye Datos de Zaragoza, que ye una replega de toz os datos que s’esbiellan de contino, en esferentz formatos RSS, XML, o GeoRss. A la fin, una gran aina ta poder manullar a cuantidat d’informacion que o Concello ufre en a web. Istos son os datos que amuestra.

Agora nomas cal que podamos aprobeitar istos datos que mos ufre o Concello, pero encara no han publicau as condicions d’emplego. En tot caso, meten que si que publicaran as condicions ta poder emplegar os datos.