A primera en o centro ta lolos que La Caixa, creigo que ye, tien en o prencipie de Sant Blas. Fumarreando os suyos Ducados, que feba ixa ulor, tres yayos ascuitaban parando muita cuenta, a un quatreno. Sentindose bien ascuitau, iste zaguer lolo dentraba en modo “Arrabal” y sentenciaba “L’Apocalipsis ya está aquí! En las revelaciones hay una bestia con nosecuantas cabezas y ya ha llegado“.

Y lo deciba en serio. No se si se referiba a Papandreu y o suyo referendum, a la Merkel, u mesmo a ZP/Rubalcaba u Rajoy. Porque lo deciba tant serioso y se l’ascuitaban tant y tant seriosos que feba medrana y he eslampau ascape enfilando a carrera sant Blas entabant.

Encara no recuperau d’os susto, he habiu de fer un tallau (con leit d’o tiempo, por favor), y quan que m’he sentau en a silleta, leyendo l’Heraldo, he parau cuenta que a o mio costau bi’n heba dos mullers que por o que he sentiu yeran d’as “de hacer casas“. Una feba “la de la Inés, la de la Luisa, la de su hija, la de una amiga de la hija, y chica, no me puedo quejar“. L’atra, que amás feba, por o que he sentiu, “la empresa esa que te dije“, tamién en feba buena ripa, pero no ha concretau.

La que feba la casa “de la Inés” ha recentau a suya nueit d’ahiere. Con o suyo mariu heban de baixar bells zarrios a la basuera. “y oye, se me viste como para salir, claro, como lleva meses entre el ERE y el paro, ahí lo tengo en casa, y oye, le digo, pero chico, donde vas?“. Por o que pareixe, o buen hombre teneba intinción de cenar fuera, aproveitando la salida ta chitar la basuera. Pero rai, “dos cenas, 20 euros, y chica, con eso comemos cuatro o cinco días“. Os cenyos d’aprebación de l’atra muller y os mios propios, han refirmau a firme actitut d’a muller que fa “la casa la Inés“.

Ya no he sentiu cosa más, pero ye claro que l’apocalipsi ye plegando en forma de bella cosa porque como ha dito la muller “a ver si encuentra algo, porque entre que no podemos salir y eso, ahí lo tengo plantificau todo el día“. Y ixo sí que no…”hasta ahí podíamos llegar“.

Posts relacionados:

1. Ortega Cano, o suyo auto y yo
2. Una muller

Pero be-de haber tamien unatra motivacion politica quan a lo mesmo tiempo, ni o gobierno d’Aragon ni o d’Espanya, han paralizau as obras de l’entibo de Mularroya, que continan china chana, encara que l’Audiencia Nacional espanyola ha anulau as declaracions d’impacto ambiental u que o suyo coste ya ye sobredimensionau en mas d’un 20% sobre os primers presupuestos.

As obras de Mularroya continan entabant, pues, sin a preceptiva declaracion d’impacto ambiental, u siga, en fraude de lei, y sin que garra organismo haiga dito cosa sobre l’alegalidat de facto d’ixas obras. Ni o gobierno actual popular, ni, profes, l’anterior socialista (os dos refirmaus por o PAR) han puesto garra problema a unas obras que no cumplen a lei como dicto l’Audiencia Nacional espanyola.

Por que ta unas obras si, y t’atras no? mos podemos preguntar dende a inocencia orichinal…Be-de estar que a politica tien istas cosas y nusatros, simples ciudadans, no podemos que aplaudir a valentia d’os nuestros gobernants por aplicar una solucion y la contraria a lo mesmo tiempo.

Posts relacionados:

1. Desaragonesizar Aragon
2. A politica, Aragon, Zaragoza y Dios
3. “Autonomico” como esprision d’espanyolismo

Pero mientres a cosa quede dentre nusatros, pues rai. Pero huei, como ripresentant de tota la ciudat, y una vegada que Sant Sebastian ha estau nomenada como Capital Cultural d’Europa en 2016, ha dixau por o sulero a tota la ciudat con as suyas parolas de mal perdedor y, sobre tot, con o suyo quiste de tiempos de chuez.

Belloch ha charrau de politica (a que diz que ha menau a decision d’o churau) pero no pas de Cultura, ye esclatero. Ha dito que puestar impugnara a decision, y que no puede ripresentar a Espanya uns que no son espanyols. Fueras de que a historia ista va de ciudatz europeas y no espanyolas, Belloch no ha charrau de porque a vida cultural de Zaragoza queda luen de Sant Sebastian, o suyo festival de Jazz, u de cine, as suyas alportacions a la gastronomia europea, etc… Mientres que en Zaragoza a politica cultural ha estau dando bandazos, ha consistiu en trancar salas de conciertos, fer desfiladas militars, fer continament recreyacions de feitos militars, plantar banderas d’Espanya en plazas prencipals, sacar conciertos d’as carreras t’as fiestas, sacar ferias culturals como Amostranza, dixar amortar festivals de cine como Cinefrancia, retirar cartells en aragones en quanto cambeoron o socio de gobierno…

Ye verdat (y por suerte) que n’ha habiu atras actuacions mas encertadas, muitas d’ellas por iniciativa privada, social y ciudadana. Y bien se vale que si hesen trigau Zaragoza como Capital Cultural, suposo que habrian cambeau bellas cosas (encara que a desperencia d’a Expo contrimuestra que no siempre t’amillorar). Pero tot isto son elucubracions.

O que no ye una elucubracion ye que Belloch ripresenta malament a os ciudadans zaragozanos, que as suyas formas autoritarias, puestar que derivadas d’o suyo tiempo chudicial u d’os tiempos como ministro de quasi tot, dixan en mal puesto a os zaragozanos. Iste si que no me ripresenta pas.

Posts relacionados:

1. Sin perder lo que era…
2. A politica, Aragon, Zaragoza y Dios
3. Troballa en Aragon Tv

L’atro diya colabore dende Troballa con Aragon en Abierto ta charrar d’os zaguers (y bells de mas viellos) cambeos de nombre de carreras en Zaragoza.

Posts relacionados:

1. Troballa en Aragon Tv
2. A luenga que no esiste: o “romance”
3. Desaragonesizar Aragon

Ista vegada venio tamien un equipe d’Aragon Tv que facio con nusatros una parti d’o camin y que ha posibilitau que s’emitise en os informativos d’a television publica aragonesa. Aqui tos dixo a noticieta, gracias a Chuse que la grabo con o movil, mientres prebo de tener una copia millor.

Posts relacionados:

1. A politica, Aragon, Zaragoza y Dios
2. Desaragonesizar Aragon
3. C.H. Jaca y Voleibol Teruel, fendo un Aragon campeon

Bombas de racimo (NY Times)

Ye cierto que Instalaza, como asegura en a suya web, dixo de fer istas bombas en 2008, quan se sinyo a convencion contra las bombas de racimo, pero as bombas que son cayendo sobre Misrata son anteriors. O negocio d’a muerte parte d’a nuestra ciudat, como leva fendo dende 1942, quan Instalaza estio creyata por o rechimen franquista.

O curioso d’ista fabrica ye que muitos zaragozanos innoran a suya esistencia. No son guaires os zaragozanos que sapen que ye ixa paret en a carrera Monreal. Sin dembargo, ye una fabrica conoxita mundialment por os suyos productos. En tiene pachina de wikipedia en angles, y en bells paises mesmo se diz “Instalaza” a os morteros u cohetes, como diciriamos Kalashnikov.

As naus d'Instalaza

Mas encara, mientres anyos, os poders publicos aragoneses han concediu aduyas a ista fabrica de muerte ta que contine producindo-ne. Y agora, quan queda malament tener muerte en a ciudat, en cuentas de forachitar a fabrica, s’han recalificau os suyos terrenos ta que puedan vender con sobre coste (mas de 150 viviendas) y metan a produccion en atro puesto.

Asinas que no nomas hemos de sufrir a sobreexplotacion melitar d’a ciudat en poligonos, vuelos y presencia, que tamien adedicamos parte d’a produccion industrial zaragozana a producir ferramientas de muerte que exportar a tiranos. Zaragoza, ciudad de paz…sí, de cojón.

No related posts.

En una trobada con chovens empresaires o divino Belloch ha dito que aspera que “dios viede un tripartito de cuchas”. (Tenez o testo en iste PDF penchau d’o blog de CHA en Zaragoza). Dentre atras cosas ya dixa esclatero Belloch que ell no ye de cuchas, y no ye a primer vegada, pero tamien, que confita prou mas en as secretas desinnacions d’o sinyor que no pas en os electores (aka ciudadans). Y tampoco no ye a primer vegada.

Por si no lo remeraz, podez veyer a Belloch aqui bien alcompanyau u remerar o Santo Evanchelio seguntes Belloch, que antimas veyio que yera bueno. Sicut erat in principio

Posts relacionados:

1. Desaragonesizar Aragon
2. Zaragoza en pleno (cap. 4) Dende a dictadura enta la democracia
3. Cathalanes ni valencianos en Aragon officios no puedan exercir

En as fichas de cadagun d’ixos documentos s’anotan bells datos, como se gosa fer quan se “buedan” archivos, ye dicir, quan s’inventarian, porque asinas ye mas facil ta la resta d’historiadors trobar un documento concreto. En os que alza o Concello a ficha tipo, como en iste documento sobre a reparacion d’o Puent de piedra, mete a calendata, un titulo esplicativo, un breu resumen, l’estau de conservacion y l’idioma en que ye escrito. Y aqui ye an prencipian os problemas.

Ta l’archivero d’o Concello de Zaragoza esistiban istas luengas en a documentacion medieval: latin, catalan, castellano y romance (dividiu en romance a secas y romance con rasgos catalans). Lo mas curioso ye que ixe romance ye dicir, ixa luenga que no esiste, s’estendilla en a documentacion dica o 1577, encara que a luenga no siga la mesma en os zaguers documentos que en os primers, por a sustitucion de l’aragones por o castellan en a documentacion.

Ye dicir, que seguntes l’archivero d’o Concello de Zaragoza, u de qui ha feito l’estudeo d’ixa documentacion, os zaragozanos charraban una luenga, o romance, que nunca no ha esistiu, mientres que la resta de luengas si que teneban a consideracion de tals luengas. Luengas romances son o castellan y o catalan que si son referidas como tals, y tamien l’aragones, a luenga que siempre han quiesto fer disparixer, mesmo d’a documentacion an s’atestigua que esistiba y que yera a luenga habitual que emplegaban, dica o sieglo XV u XVI os habitadors de Zaragoza.

Cal una rectificacion, cal consignar como aragones a luenga que ye escrita en ixos documentos, porque ye aragones y separarla d’os testos en castellan consignados tamien como “romance”, como queriendo dar una continuidat a la modificacion d’una luenga, en cuenta de distinguir entre as dos luengas y asinas atestiguar o proceso de sustitucion que se facio (por unas u atras razons). Cal demanar a o Concello de Zaragoza o cambeo pertinent en a documentacion, en ixa documentacion, que nos ye furtando, como tantas atras vegadas, un parti d’a nuestra memoria y historia.

Posts relacionados:

1. Diya entrenacional d’a luenga materna

Antis d’a muerte d’o dictador, o 20 de noviembre de 1975, l’alcalde yera Mariano Horno Liria, que estio en o cargo dica febrero d’o 1976 y que estio o sucesor de Cesareo Alierta. Os dos tienen carrera en Zaragoza, y os Alierta encara tienen relevancia publica en interpresas como Telefonica. En os zaguers plenos de Mariano Horno istos yeran os concellers de Zaragoza:

En la Inmortal Ciudad de Zaragoza, a ocho de enero de mil novecientos setenta y seis. Citado el Ayuntamiento Pleno a sesión ordinaria, en primera convocatoria (…), bajo la Presidencial del Ilustrísimo señor Alcalde, don Mariano Horno Liria, los Tenientes de Alcalde: don Cristóbal Navarro Casaus, don Alfonso Solans Serrano, don Pedro Hernández Montero, don Zwonimir Putizza Matich, don Juan Manuel Villa Gutiérrez, don Antonio Mur Manero y don Emilio Eiroa García.- Concejales: don Antonio Martínez Martínez, don Enrique Palomares Arcusa, don Alfredo Villalba Arlegui, don Manuel Nivela Vicente, don Féliz Alférez Rodríguez, don Primitivo Pemán Cativiela, don Cristóbal Millán Alloza, don Esteban-Miguel Merino Pinedo y don José Luis Martínez Candial. [queda excusa l'asistencia d'atros concellers como Julio Descartín Cristellys (directivo d'o Real Zaragoza y chugador de baloncesto en o Real Madrid), María Pilar Fernández Portolés (que escribio un libro ta las viudas) e Ignacio Boné de Sandoval (churidico militar)]

D’ixa Corporación podemos veyer, por exemplo a Cristóbal Navarro Casaus rendindo pleitesia a Franco en ista foto, podemos veyer tamien a José Luis Martínez Candial, president d’Ibercaja dica l’anyo 94 , u a Alfonso Solans Serrano, amo de Pikolin dica la suya muerte y president d’o Real Zaragoza d’a Recopa. Presidents d’a FIMA, como Pedro Hernández, u mesmo dimpues presidents d’Aragon por o PAR como l’asturiano Emilio Eiroa, tamien yeran concellers d’o debant zaguer concello franquista, miembros d’Accion Catolica, como Primitivo Pemán, u qui sostiene o batiaguas sobre a capeza de l’actual rey, y allora heredero de Franco, Antonio Mur. Sosprende tamien a presencia d’un nombre forano, Zvonimir Putizza, medico croata, resident en Zaragoza.

En marzo d’ixe anyo de 1976 cambea la corporacion. En un movimient suposo que aperturista, se preba d’incluyir chent vinculada a lo que dimpues estaria UCD, ta dar paso mas entabant a las primeras eleccions municipals democraticas. Ista ye a corporacion que presidio Miguel Merino, que dimpues estaria d’o PP y o padrino politico de Antonio González Triviño, alcalde de Zaragoza redolau por l’escandalo.

Bajo la presidencia del Ilustrísimo señor Alcalde, don Miguel Merino Pinedo, los Tenientes de Alcalde; don Cristóbal Navarro Casaus, don Alfonso Solans Serrano, don Antonio Martínez Martínez, don Sebastián Contín Pellicer, don Manuel Nivela Vicente, don Alfredo Villalba Arlegui, don José Luis Martínez Candial, don Cristóbal Millán Alloza, doña María Pilar Fernández Portolés y don Emilio Eiroa García. Concejales: don Zvonimir Putizza Matich, don Juan Manuel Villa Gutiérrez, don Ignacio Boné de Sandoval, don Antonio Mur Manero, don Enrique Palomares Arcusa, don Félix Alférez Rodríguez , don Primitivo Pemán Cativiela y don Pedro Hernández Montero

No bi ha guaires cambeos con l’anterior, pero si que s’incorpora chent nueva como Sebastián Contín, pai de l’actual conceller por o PP Sebastián Contín Trillo-Figueroa. Dentra tamien Manuel Nivela Vicente, que dimpues estio diputau en Cortes d’Aragon, cambeando d’o grupo Popular enta o grupo Mixto en o meyo d’a lechislatura. Un nombre que repite ye Enrique Palomares Arcusa, industrial quimico, propietario d’a conoxita botiga Gilca y de bellas industrias quimicas mas.

O pleno de Mayo de 1979 estio por fin, o primer pleno democratico, presidiu por Ramón Sainz de Varanda, y an que l’alternancia de nombres ya ye mas eloquent. Istos son os nombres d’o primer pleno democratico d’o concello de Zaragoza dende la II Republica:

Bajo la presidencia del señor Alcalde, Ramón Sáinz de Varanda, los concejales: Esteban-Miguel Merino Pinedo, don Hipólito Gómez de las Roces, don Luis Roldán Ibáñez, don Gonzalo Máximo Borrás Gualis, don Santiago Vallés Cortés, don Juan Rivero Lamas, don Emilio Eiroa García, doña María Urrea Martín, don Carlos Lahoz Mustienes, don Francisco Polo Blasco, don José Luis Soto Cardero, don Francisco Gaviña Rivelles, don José María Andrés Navarrete, don Luis García-Nieto Alonso, don Alfredo Villalba Arlegui, don Isabelo Alfonso Forcén Bueno, don Juan Monserrat Mesanza, don José Antonio García Pérez, don José Luis Martínez Blasco, don Javier Alvo Aguado, don Carmelo Ráfales Sanz, doña María Antonia Avilés Perea, doña Isabel Pérez Grasa, don Pedro Franco Maldonado, don Luis Gascón Caco, don Jesús Soriano Uriel, don Vicente Rins Alvárez, doña María Arrondo Arrondo y don Daniel Casas Puntes.

Repiten pocos nombres, Emilio Eiroa, Alfredo Villalba u Miguel Merino, pero la gran mayoria ye chent nueva que dimpues tendria cargos de responsabilidat. Estio president d’Aragon l’asturiano Hipólito Gómez de las Roces, a qui encara se leye en o Periodico d’Aragon bells diyas, Chusticia d’Aragon estio Juan Monserrat, sustituyendo a o verdadero chusticia, Emilio Gastón. Bi ha tot un catedratico d’arte como Gonzalo Borrás, tamien qui estio man dreita de González Triviño en os concellos posteriors, Luis García Nieto… chent que con os suyos actos facion o camin enta l’estau actual d’as cosas en a ciudat y o pais. Pero de totz istos nombres bi’n ha un que destaca: Luis Roldán Ibáñez que prencipiaba en o concello a suya carrera politica que remato con a suya detencion implicau en escandalos varios, y de qui, cosas d’a vida, no se puede trobar garra fotografia en os fundos dichitals d’o Concello. Lastima.

Posts relacionados:

1. Uellando enta o futuro
2. Comentarios dende Facebook y Twitter
3. Uellando enta zaga

A web de La Pantera Rossa

Un camaton de chent abio ayer en l’enguero de La Pantera Rossa, o prochecto de libreria asociativa y centro social que ubrio ayer as suyas puertas en Zaragoza dimpues de muitos meses fendo vida nomada. Que i abese tanta de chent ya ye un buen sinyal de que bella cosa asinas amenistaba ista ciudat.

Dende os primers trangos d’o prochecto yo estie implicau, pero a la fin, abie de dixar-lo por manca de tiempo. En tot caso, lo que si tos recomiendo ye que faigaz una huellada por as  baldas plenas de libros y que vaigaz a os actos y charradas que i organicen que de seguras seran bien intresantz, prencipiando por a presentacion d’o libro en aragones O despertar de l’onso,

A imachen ye d’a pachina web d’a Pantera Rossa, que gracias a o puesto que me han dixau en A Flama y a base de crepes de chicolate he puesto creyar alacetada, profes, en WordPress. Dimpues d’unas cuantas horas de triballo o resultau ye ixe que podez veyer en La Pantera Rossa y que aspero que faiga buena onra a la ilusion y as ganas de creyar y compartir d’os colectivos que presentoron ayer o suyo nuevo espacio.

Bienplegaus y entabant!

No related posts.