Se fa istos diyas en Zaragoza un Congreso entrenacional sobre presas y entibos. Congreso que ye dende l’anviesta de qui fa ixas construccions. Como o Gobierno d’Aragon y a CHE refirman ixe congreso de incheniers o que digan y fagan istos diyas tendran prou mas repercusion que no as actividatz que tot iste mes se’n son fendo con motiu d’a esposicion Agua, Rios y Pueblos an se huellan ixas obras dende l’anviesta d’os afectaus, d’a chent a qui afogan y menazan con as suyas presas y entibos.

Ixo ye asinas. En iste pais nuestro ixo, por l’inte, no tien solucion. O que si tien solucion ye trucar o ficacio sobre a profesionalidat u no d’os periodistas. Porque en o periodismo no bi ha parolas inocents. Profes que no. Trigar una u atra parola de vegadas demana una mica de profesionalidat, pero garra decision que prenemos como periodistas ye inocent, u abria de no estar inocent.

Por ixo, ista tardi cuan EFE ha pasau a nota sobre a primera chornada d’o Congreso sobre Presas m’he carranyau. A triga de parolas que fan o tetular no ye inocent.

Experto en presas descarta la existencia de problemas de seguridad en el recrecimiento de Yesa

O tal experto ye Moisés Rubín. O sinyor Rubin no ye un experto sin mas. Rubin ye o president d’a Sociedad española de presas y embalses y tamien estio parti d’o Ministerio de Medio Ambiente y Marino en a epoca d’a prebatina d’o PP de fer un trescole de l’Ebro y de construyir os entibos de Santaliestra u lo recreximient de Yesa. De feito, un d’os suyos informes estio amagau por Benigno Blanco, lo que levo a Blanco a o banquet d’os acusaus.

Dica 2007, a lo menos, Rubín estio Chefe de l’Area de Presas d’o Ministerio de Medio Ambient, como diz a propia web d’a sociedat que agora preside.

Asinas que l‘experto Rubín (y no tiengo duda de que tien conoximient sobre o tema, como el diz) en reyalidat ye una d’as partis implicadas en o recreximient de Yesa. No ye inocent no aludir a la suya implicacion en o proyecto ni en o titol ni en testo pasau por EFE. No ye lo mesmo un experto independient que un que ye ficau en o proyecto de Yesa dende lo cabo d’os anyos 90. Un que ye parti implicada, d’os d’a parti que si o si quieren recrexer l’entibo afogando mas ixa val de l’Aragon y pasando por dencima de cualsiquier consideracion tecnica, cheografica, cultural u mesmo sentimental.

Insisto, no dudo que o sinyor Rubín conoxca o suyo triballo, pero insisto tamien o periodismo ha de saber no nomas que diz una presona sino porque diz ixo y no diz atra cosa esferent. As parolas, ditas u escritas, no son pas inocents.

O teletipo orichinal no ye accesible gratuitament, por ixo enrastro a web d’o Periodico d’Aragon an podez veyer-lo.

As Juventudes Comunistas de Aragón mos remeran que “La solidaridad es la ternura de los pueblos“. Podeban prencipiar por empentar o partiu an son ficaus y a coalicion a la que pertenexen, IU, ta que refuse d’una vegada os macroentibos. Por si no estase poco, amas decidioron meter o suyo cartel dencima d’o cartel d’a manifestacion contra os macroentibos que abio lo zaguer domingo. Solidaridat dentre pueblos, si, profes, tamien con a nuestra propia chent.

Apegando cartels dencima d'atros cartels

Yesa no. Por chusticia, por dinnidat

O zaguer cabo semana totz os partius aragoneses con ripresentacion en Cortes, convocaus por tres alcaldes, salion ta la carrera ta demanar no se sape bien que sobre unas obras d’arte propiedat d’a Ilesia. En a manifestacion se sintio charrar de dinnidat, chusticia y esfensa d’o patrimonio.

Totz ixos partius, fueras de CHA, refirman o recreximient de l’entibo de Yesa que afogara o patrimonio cultural vital d’os lugars d’a redolada y mesmo un tramo d’o Camin de Sant Chaime, patrimonio que, por lo que se veye, no amenista ser alzau. De feito, o siguimient d’a manifestacion contra Yesa, convocada por mas de 70 colectius, no ye ni de luen o que tenio a manifa d’os biens n’os diyas anteriors a fer-se’n. Y de seguras que o diya d’a manifestacion o siguimient d’os meyos aragoneses no estara ni de luen a mesma, independientment de cuanta chen i vaigamos.

Curiosidatz d’a vida, en a cantonada de casa mia bi ha un edificio albandonau que siempre ye plen de cartels de conciertos, manifestacions y movilizacions varias. Sobre o cartel d’os actos d’iste cabo semana contra o recreximient de Yesa os “rispetuosos” cartelistas d’a manifestacion d’os biens d’a Franja apegaron o suyo cartel. Sin querer, han dixau unatro lema ta la manifestacion d’o domingo: Yesa, no. Por chusticia y dinnidat.

O delegau d’o gobierno espanyol en Aragon, amas de tot o que ya dicie ayer, tamien aprobeito una entrevista en o Periodico ta dicir que, textual, “el recrecimiento de Yesa ha cogido velocidad de crucero“. Asabelas son as razons por as que o recreximient de Yesa ye una error. Son prou anyos ya que as chentz d’a val y a chent que los refirmamos, levamos luitando contra a sinrazon, una mas, que destroza una parti d’o pais, metendo, amas en periglo a las suyas chentz y a o suyo territorio. Garra d’as razons d’os pro-Yesa parixe prou funda. Zaragoza ya bebe augua de Yesa. As Bardenas, as no ocupadas melitarment, ya no son rendibles por muitas auguas que lis leven, que ya en son prou. O rio Aragon ya ye prou “controlau” por atras presas y por o mesmo entibo de Yesa. Tot ixo, sin recreximient, un recreximient que amas de no amenistar-se suposa un periglo reyal, como dicen os tecnicos y que afoga una mica mas os territorios y chentz d’o norte d’o pais.

Dezaga d’ixa continada intincion de recrexer si u si l’entibo mas gran d’Aragon bi ha atros intreses. Interpresas de chestion d’augua, interpresas constructoras, equilibrios de poder en os partius politicos y ves a saber que atras cosas. Contra tot ixo, contra a “velocidad de crucero” que diz Javier Fernandez, iste cabo semana mos manifestare-mos en Zaragoza. T’amostrar o refirme a la chent d’Artieda, de Ruesta y tamien a la d’atros puestos amenazatos por os que encara quieren fer politicas idraulicas d’o sieglo pasau. Con a chent de Santaliestra, de Biscarrues, de Mularroya, con mas de 70 organizacions d’o pais y de difuera d’o pais, iste cabo semana chilaremos unatra vegada: Yesa, no pas!

Yesa, no pas!

Iste ye o futuro

De conchunta con a chent d’Artieda tallemos a carretera no rematada dende Pamplona enta Lleida ta dicir bien altero que os lugars d’o costau de l’entibo quieren continar vivindo. A chent, mas chobena y mas viella tamien, baxo dende Artieda, Sigues, venio dende Uesca u Zaragoza, ta contrimostrar o refus social d’una obra que no s’amenista, que condena de muerte a la chent d’os lugars, que ye cara y que amas tien periglos prou importantz como ta dixar-los de banda.

Fendo mofla un d’os crios d’o lugar li deciba a atra nina: “Yesa, si! Yesa, si!”. A nina, tan seriosa como una nina de 8 anyos cuan se mete seriosa li dicio: “Yesa no, porque sino se te van a inundar todos tus juguetes“. Ixe ye o futuro que aspera a os ninos y viellos y chovens d’Artieda u Sigües si contina a sinrazon d’o recreximient de Yesa. S’inundaran totz os chuguetz, s’afogaran totz os suenios, se tresbatiran totas as remeranzas.

Ista chent que veyez en as fotos, istos ninos que encara chuegan y s’encorren por as carreras d’Artieda, istos viellos que filosofan en os bancos a la huembra d’o lugar, os chovens que treballan de sol a sol en os campos u que tornan t’o lugar dimpues de triballar en atros puestos…tota ista chent disparixera d’os suyos montz, d’as casas suyas, d’os bancals suyos. Por ixo chilan que no. Dicen que no. Suenian que no. Por ixo se comprometen con o patrimonio vital y cultural d’as suyas radices, d’o suyo pasau, d’o suyo mundo. Con ellos muitos atros continamos dicindo que si ellos quieren vivir asti, qui somos os demas ta fer-los marchar d’as suyas radices? Yesa no pas. Que no repitamos as errors de Chanobas u tiengamos que veyer atros lugars pantasmas baxo las auguas d’os entibos. O sieglo XXI planteya nuevas solucions.

Aqui tenetz, amas o manifiesto que se leyo en rematar a concentracion.

Yesa, no pas!

O domingo, 22 d’agosto, a las 12.30 os vecins d’Artieda feran una concentracion ta protestar contra o recreximient de l’entibo de Yesa. O puesto de trobada estara lo puent d’Artieda. Cal refirmar a os vecins d’o lugar, a la chent de l’asociacion Río Aragón, y a totz os que creyemos que atra politica idraulica ye posible. Una politica que no s’alacete en afogar lugars y chentz, que no pase por dencima d’os periglos, y que rispete os paisaches, a cultura y as radices.

Soz convidaus a venir-ie!

Si queretz saber mas sobre Artieda y o periglo que corre a suya forma de vivir con o recreximient, tos dixo l’enrastre a un triballo d’un d’os suyos chobens, Adrián Solana.

Yesa, no pas!

Diz que de vegadas os suenios tienen rilacion con o que charramos, sentimos, pensamos u veyemos. Puestar por ixo lo suenio que he teniu ista nueit. M’he dispertato sabendo o que sinnificaba, y ixo no ye guaire normal.

Yeranos dos periodistas, una buena amiga y yo. Con o mio yayo febanos una gambada por un lugar que no conoxebanos. Parixeba que sabebanos an queribanos ir. Plegabanos, allora, en plena nueit, a lo cabo d’un camin. Baxo os nuestros pietz, lo mar. Una mica dilla cuatre maquinas grataban a montanya. Grans piezas de tierra y piedra cayeban en o mar.

As maquinas no aturaban de gratar y nusatros de fer fotos, porque yera una obra ilegal. Cada vegada a montanya s’achiquiba mas y mas. Lugo no en quedaria. Con o zaguer truco d’una d’as maquinas m’he dispertato.

Sin decir-lo, a mia ment soniaba con as obras de Yesa, con a responsabilidat d’a prensa, con l’amistat y con os mundos, como lo que veyio o mio yayo, que somos amortando de mica en mica.

A traicion, como siempre, huei sabemos que o Ministerio espanyol de Meyo ambient (sic) ha dau luz verda a lo recreximient de l’entibo de Yesa. Asinas mos lo recentan (y digo bien) l’Heraldo y o Periodico.

En pleno sieglo XXI o PSOE contina fendo o mesmo que facio lo franquismo, afogar, inundar y amortar lugars d’Aragon con ochetivos mica claros. Se diz que s’amenista ta plantar en as vals, se diz que s’amenista ta que podamos beber augua d’o Pirineo en Zaragoza. De verdat no bi ha atra alternativa que no siga amortar a vida en os lugars ya menazatos dende fa anyos por Yesa? De verdat? De verdat no emos aprendiu cosa de Chanobas? De Santaliestra? De Biscarrues? De Valmont? De verdat?

De verdat ye posible fer una declaracion d’impacto ambiental positiva a una obra que os propios tecnicos d’o Ministerio espanyol no avalan? De verdat ye posible fer-lo en o puent d’agosto? De verdat ye posible que l’informe charre en condicional dicindo que “no debería afectar”? Tan poco claro tienen ixo? De verdat no han contau as grietas en as montanyas ya feitas? De verdat? De verdat piensan que ye “sostenible” y d’alcuerdo con a Nueva Politica de l’Augua o las directivas marco europeas recrexer un entibo ya chigant? De verdat? De verdat en pleno anyo Chacobeo fan lo posible por inundar a ruta tradicional? De verdat as chentz d’Artieda y la resta de lugars son  menos aragoneses que la resta? De verdat?

Soi “indignado”, carranyato, furo, triste. Soi farto d’ista colla de caciques que mos gobiernan. Soi farto de que un diya se implen as bocotas con “sotenibilidad” u “medio ambiente” y o diya dimpues tiengan os collons de fer tot lo contrario. Soi farto de que s’aigan malfurriato os mios diners ta creyar una “Expo de l’augua” ta dimpues, dos anyos dimpues, continar prebando d’afogar lo pais.

Ya ye prou, ya ye prou, y ya ye prou. No dicire cosa mas que o que dicen os que levan anyos y anyos luitando porque no torne a pasar o que paso ya en 1959 cuan forachiton a las chentz de Tiermas u Esco d’as casas suyas. L’Asociacion Rio Aragon leva anyos luitando contra lo recreximient de Yesa y continaran fendo-lo. Ye unatra oportunidat ta refirmar-los, ta estar con ells contra a barbaridat que caciques como Javier Lamban quieren fer con a complicidat d’o gobierno d’Aragon y agora tamien con ixo que dicen “Ministerio de Medio Ambiente”.

Fa cuatro diyas como qui dice, veyiba a os chobens d’Artieda leyer un manifiesto en esfensa d’o suyo lugar, d’as suyas chentz, d’as suyas familias. Que pensara huei ixa chobentut? Que pensaran cuan saban que as suyas tierras, o paisache suyo, a casa suya, contina menazata por un entibo que no s’amenista?

Hoy he abierto el grifo de la cocina para beber agua. Decían que sería mejor, más buena. La he probado con expectación. Tenía sed y el gato se restregaba contra mis piernas, pero nada ha impedido saborear el agua, si es que se puede saborear algo que no debería tener sabor. Con cada sorbo se me iba atragantando un sabor salado, salado. No parecía agua, o al menos no agua del Pirineo.

Fotografía de josugg

Esa imagen es Yesa. Es una hermosa imagen vista con ojos de artista. Esa es la imagen de Yesa idílica. Una llanura de agua rodeada de montañas en la que bañarse y disfrutar. Nuestros políticos nos quieren transmitir esa imagen sumada a la calidad del agua, a lo útil de ampliar regadíos, a lo hermoso que supone abrir un grifo en Zaragoza y beber nieve del Pirineo.

Foto de Rover0

Esta imagen también es Yesa. Lo que nos ocultan en mares de trigo regados con las aguas del pantano. Lo que nos ocultan con redes de tuberías que transportan ese agua. Es la imagen que no ven los ojos del artista ni del político sino los ojos de la persona. Especialmente de la persona sensible a los dolores del mundo. Yesa son pueblos expoliados e inundados. Lo mismo que Biscarrués, Chanobas, Mediano, Lanuza… Yesa es esa casa espaldada de donde sale lo que de verdad he bebido en mi grifo esta mañana. Zaragoza ya bebe las lágrimas de aquellos a los que dinamitaron sus casas.

…..

Si queréis firmar contra el pantano de Biscarrués podéis hacerlo aquí: http://punglas.free.fr/petition_Gallego/php/index.php
Para más información sobre las actividades contra el pantano de Biscarrués, el portal de la Asociación Río Gállego.

Hay sequía. Están los pantanos vacíos. Pero quieren hacer más. Dijo ayer la ministra Narbona que las grandes obras estarán entre 2011 y 2014. Recrecer Yesa, hacer Biscarrués (paralizado) y vete tú a saber cuantas cosicas más. Para regar, piensan los ilusos, quiá. Para jugar. Hoy mismo han detenido a una banda de chinos que tenían un casino en una peluquería. Debe ser que no les llega la modificación del ley del juego que planteará el Gobierno de Aragón para construir 35 veces más casinos de los permitidos por provincia.

Y como de cambiar leyes ad hoc se trata, pues podemos cambiar alguna más. Ya la cambiaron de hecho. Así que Valdespartera, ese barrio modélico y ecológico tendrá su macrocentro comercial que se unirá a Aragonia, a Plaza Utrillas, a Pla-Za imperial y a todos los que tengan que hacer. Estoy pensando yo que para todos esos proyectos que siempre tengo entre manos estaría bien presentar un powerpoint de esos tan modernos con un macrocomplejo ideal. A ver si hay suerte y cambian alguna ley de modo y manera que pueda ganar miles de euros sin dar un palo al agua. Como muchos que siempre pululan alrededor de los centros de poder, sean mediáticos, sociales o políticos.

Menos mal que Juan Alberto Belloch, alcalde de Zaragoza al que le gusta pasear por el rastro de la plaza de Toros (doy fe), se ha dado cuenta que la estación de Miraflores va retrasada . Tanto que casi ni trabajan. Y eso que llevan un año diciendo que las obras ya habían empezado. Chico que vista. Ni los abuelos que se arremolinan en la plaza Europa para ver la enorme zanja que han hecho. Y mira que allí si que trabajan. Claro, que no les entienden demasiado cuando les dicen que hagan la mezcla con más cemento. Como la cara de algunos.

Etiquetas: