Fa unos diyas ya que encete un proyeuto sobre os vins d’Aragon. En primeras cal reconoixer que yera un proyeuto una mica mas angluzioso, pero a la fin no ha puesto estar. A lo menos ya son feitos os alazetz por si un diya puet amillorar.

Aragón es vino

O proyeuto se diz Aragón es vino y ye un adibidor de noticias sobre as denominacions d’orichen de vin d’Aragon, asinas como atras noticias que sigan d’intres ta os vins aragoneses o sobre o vin en cheneral.

Ye, como tot o que foi dende fa un tiempo, alazetau en WordPress y como toz os mios proyeutos tien alox en 1and1.es, que tos recomiendo. Con una serie de plugins he estau capable de adibir fuents de noticias tanto de webs oficials como de meyos de comunicacion que charran d’o vin. Amonico se ye emplindo de contenius, pero tos demanaria que si sabez webs de vin que puedan estar intresantz me las pasez.

Por l’inte no tien mas publicidat que a de Google AdSense, pero al estar un disenyo modular, se puede adautar ta ficar publicidat mas direuta si bella empresa, denominacion d’orichen o bodega ye intresada.

A web de noticias de vins d’Aragon: www.aragonesvino.com