Nomás que cal saltar a cleta y prencipiar a caminar

Lunes, enero 23, 2012 17:00
Publicau en a categoría prexinando, purnas


No teneba guaires ganas d’escribir iste post. Ye la verdat d’o tema. En primeras, porque no quereba fer garra riflexion sobre o diya de huei, en que fa seis anyos que triballo an triballo. Dimpués, porque se que la riflexión nomás teneba una rispuesta, que no se si soi disposau a concarar agora mesmo.

A la fin, mientres que chentaba, he prencipiau a meter negro sobre blanco en o tozuelo os pensamientos que me redolaban dende a zaguer semana. Mesmo he feito tres u quatre tuitz sobre o tema. Me pensaba huei sobre os seis anyos que fa que deixé Barcelona y venié ta Zaragoza, ta la mia ciudat, una atra vez, ta fer un triballo que no heba feito nunca y que m’ha feito aprender muitismas cosas.

En seis anyos fa tiempo d’aprender muito, de fer muitas cosas, d’esfrutar d’atras quantas, de fer triballos dignos y atros no tanto, de barallar-se por contenius y rematar goyoso por o triballo feito. Han estau seis anyos bien activos en o profesional y tamién en o presonal. He conoixiu muita chent nueva, y atra que ha iu venindo y salindo d’a vida. He tornau a lo país con todas as consequencias, retrobando viellas luitas y viellos companyers, viellos bars, viellas amistatz, sin deixar atras luitas, companyers, bars y vidas de difuera. En seis anyos he creixiu y ya no soi o zagal que con 25 anyos marchaba de Zaragoza con as maletas quasi vuedas.

Huei, fendo o repaso d’istos seis anyos, me pensaba que han habiu más luces que uembras. Tamién han habiu uembras, y bien foscas. Bellas a ran presonal y más a ran profesional, porque de vegadas m’he sentiu infravalorau. Encara asinas, y gracias a las valoracions de difuera d’o triballo, siento que en istos seis anyos he asentau a mia carrera profesional. Bi’n ha chent que valora lo que foi y como lo foi, y ixo ya ye un goyo, porque amás, m’ha premitiu conoixer atras presonas y fer discurrir una vida profesional extra-laboral. Dende l’Aragoneame, en primeras, dende iste blog, dende a creyación d’Arredol, dende Radio Matarranya, dende as charradas que he puesto fer…me siento empliu d’agradeiximiento por haber puesto fer más d’o que me premitiba fer o triballo que m’ha feito posible minchar y bosar o loguero cada mes.

Pero agora siento, y digo siento, que bella cosa s’ha trancau. Siento que de bella traza una etapa se remata. Que agora, que encara guardo l’esprito de conoixer y creixer, os trangos mios han de prencipiar a sentir-se mientras s’aluenyan. Encara quiero fer cosas nuevas, encara quiero vivir atras vidas, encara quiero estudear, y mira, ixo lo tiengo claro, me feria goi fer una filolochía, ta conoixer a composición y historia d’as luengas que me redolan…

Pero encara quiero continar fendo periodismo, porque ye lo que he quiesto fer dende que yera chicorrón, porque me fan goi a-saber-las cosas d’ista profesión, a la que completo con a mia formación d’historiador, os mios sabers tecnolochicos, a mia labor profesional d’istos anyos y con a formación que encara quiero recibir ta explicar millor as cosas, ta comunicar-me millor con a chent, ta creixer, como digo, agora que encara quiero creixer.

Agora si que m’he vuedau, porque en o puesto an que i soi siento que no puedo creixer más. Ni as posibilidatz ni as intincions (no pas as mias) creigo que me premitan creixer más. Y bell camín habré de prencipiar, pero encara no se ni quan ni como, ni, sobre tot, a endrecera que levará. Pero mira, me quedo tranquilo de dicir isto, de mirar as montanyas d’o fundo d’a foto y saber que ta plegar enta ellas nomás que cal saltar a cleta y prencipiar a caminar.

Ficaus en o nuevo (que no ye mas que o viello) periodismo

Miércoles, noviembre 30, 2011 16:33
Publicau en a categoría periodismo, purnas

Convidau por Pepe Verón tenié a oportunidat de fer una charradeta a os alunnos de terceno de periodismo d’a Universidat San Jorge. Muitos d’ells ya triballan os nuevos conceptos d’o periodismo, esviellaus d’os viellos conceptos y los emplegan en a Cronica d’a USJ u l’Oficio del Periodista.

A ideya yera esplanicar por qué y cómo mos heba dau por creyar a chicota aventura (y una mica barrenada) que suposa Arredol. Asinas que prencipié por esplanicar o que mientres totz istos anyos hemos pensau d’iste nuevo periodismo, que, como digo, y pienso, no ye más que o viello periodismo pasau por un nuevo paradigma, nuevas ferramientas y nuevos modelos de negocio.

Tot ye dito en ista presentación que pasé ta ir charrando por dencima, y an que feba ficacio en temas como

  • l’emplego d’o software libre
  • a realidat d’una comunicación en dos endreceras
  • l’emplego d’as ferramientas y sabers propios d’o periodista que no cal xublidar
  • l’emplego de ferramientas libres (API’s, contenedors como Youtube, Google Maps, etc)
  • presencia en retz más grans (Facebook, twitter, etc)
  • ser conscients d’a realidat d’a gran quantidat d’información que se mueve en internet
  • trobar o forau d’intrés que queremos cubrir, ta que mos leigan y ta poder financiar os nuestros prochectos.

En fin, un ratet bien agradable en a universidat que resume, pero no esplanica de raso, a siguient presentación, en que bi ha eixemplos de tot lo que deciba antis, como NewsCoop, Futbol Aragonés u Aragón Social, y, profés, Arredol.

En defensa de la dignidad del trabajo de los periodistas

Lunes, enero 19, 2009 19:39
Publicau en a categoría Sin categoría

La Asociación de la Prensa de Madrid convoca una concentración el 13 de febrero, aniversario de la muerte de Larra, para reivindicar la dignidad del periodismo y de sus profesionales. Así lo explican:

Durante los últimos meses la pérdida de empleo de los periodistas es alarmante; no tiene precedentes, y lo que se avecina es aun peor. Miles de empleos de periodistas están amenazados, perdidos o a punto de perderse.
Las condiciones de trabajo de los periodistas se deterioran en la mayor parte de las redacciones ante la impotencia de quienes trabajamos en ellas.
Una crisis económica, intensa y profunda, que recorta los ingresos y los beneficios de los editores, se une a otras dificultades que venimos arrastrando y padeciendo y que afectan a la forma de ejercer el periodismo y a la calidad del trabajo.
Instamos a editores y directores a buscar soluciones a largo plazo que protejan el futuro de las empresas y de sus trabajadores.
Como un primer paso para expresar nuestra protesta, para trasladar un sentimiento de unidad y de preocupación y solidarizarnos ante el problema.

Concentración: 13 de febrero. Paseo de la Castellana/Juan Bravo, Madrid (España)

Entiendo el llamamiento y lo comparto. Aún ahondaría más en las causas del deterioro de nuestra profesión y no sólo tienen la culpa los editores, los directores y los empresarios. Los periodistas también tenemos que hacer algo más para defender el prestigio de nuestra profesión con nuestro quehacer, nuestro compromiso y nuestra ética, que se sumen a la dignidad.

En Aragón no hay convocada ninguna concentración al respecto, aunque los compañeros del Periódico de Aragón ya han salido a la calle.