Encara no s’ha rematau de fer o cambeo d’as carreras de Zaragoza con nombre franquista, y encara, de feito en as notas municipals meten nombres como “Alferez Provisional” y ya tenemos un nuevo nombre de carrera en a ciudat.

Con caracter d’urchencia, y sin pasar por o pleno, como manda Belloch, Zaragoza tendra una carrera ta la seleccion espanyola de futbol, esdevenida campeona mundial de futbol. Empliu lo peito d’arguello rojigualdo os nuestros mainates ciutadans han decidiu meter ixe nombre a una glorieta aman d’o Pabellon Principe Felipe (an podeba estar millor?). Proposo que leven enta asti totz os nombres espanyols que en quedan (Marina Española, Viva España, Plaza de España) y mesmo Escrivá de Balaguer y que se vaigan totz a vivir a ixe nuevo bico. A plaza toros tamien la se podeban portiar, de paso, y asinas, prou, qui quiera ya sabe an marchar ta cutio.

Tendrianos allora un bico ta o cine, atro ta os videochuegos y atro que podebanos dicir “Bico Espanyol”. Bien pincho que quedaria.