A chent que fa Fendo Orella, un sobreintresant programa en aragones de Radio Topo, me ninvian iste mail ta proposar un chuego. Puez fer-te con un CD de Dixebra, a banda asturiana que tocara dentro d’as Chornadas d’as Luengas de Nogara.

¿Quiers un CD de Dixebra?

Te proposamos un chuego, participa-ie y fe-te con ell!

Escribe un comentario en o nuestro blog fendoorella.wordpress.com (pillamos amprau o formato 4:20 de l’amigo Purnas) baixo l’amplo bateauguas d’o títol “Baila la crisi” y fer-lo como quieras (poesía, relato breu, mazada, línias, parolas…) pero remera, has de respectar o títol y adequar-le o conteniu de l’escrito.

O lunes 18 d’abril ascuitaremos o CD en o nuestro programa (lunes de 18 a 19 horas en Radio Topo 101.8 FM) y bi leyeremos o post d’o ganador u ganadera. A la tisba con as vuestras radios en o 101.8 FM zaragozano u por o rete en iste vinclo.

Se tracta d’un CD clamau “Bailla la crisis” y que bi reculle cinco cantas: «Más que dos» (inedita, con una letra adaptada d’un poema de Mario Benedetti), «Yá cansé» (tamién inedita), «Gaiteru» (versión que nomás apareixió en un disco d’homenache a la colla gallega Os Diplomáticos), «Duérmite, neñu» (remezcla etnotechno) y «Pal Caribe» (un atra remezcla).

Estiemos en Fendo Orella (o programa en aragones de Radio Topo) Mario Sasot y yo charrando d’os medios de comunicacion y as luengas minorizatas. En reyalidat, prencipiamos charrando d’ixo, y a la fin rematemos fablando una mica de tot o rilazionau con as luengas d’Aragon. Sobre os meyos de comunicacion si que charremos d’o paper d’os meyos publicos, mas que mas, con l’aprebacion d’a lei de luengas. Mario Sasot y yo mesmo esfendiemos que os meyos publicos abrian de rispetar a diversidat lingüistica que tenemos en Aragon. Dentre atras cosas, porque ye en os suyos estatutos rispetar tota mena de diversidat en o pais.

Iste ye l’audio d’a charrada (que ye manimenos d’una ora y meya, tos aviso)

Sin dembargo, una d’as patas d’o Gobierno d’Aragon no ye por ixa labor, como ya no estió por l’aprebacion d’una lei que dinnificase o feito que una parti d’os aragoneses tienen atras luengas aragoneses como maternas. Jose Angel Biel, bicepresident d’o Gobierno, que en zagueras ye estendillando una ampla autibidat 2.0, contestaba asinas a una pregunta sobre o tema en o suyo formspring.

Ya sabe que mi partido ha sido contrario a la ley de lenguas que recientemente ha aprobado el Partido Socialista con el apoyo de Chunta Aragonesista. En esa ley no se habla de aragonés oriental, como hubiéramos aceptado, se habla de catalán y bajo ese planteamiento siempre nos vamos a oponer.

Creo que en estos momentos hay que dejar enfriar esa ley y esperar a la próxima legislatura para su desarrollo, en un sentido o en otro. Sólo un gobierno que respalda plenamente la ley puede desarrollarla y este gobierno no comparte ese criterio.

Ye dicir, que no nomas no refirma ixo, sino que amas, apuesta por dixar pasar o desembolique d’a lei ta que se refrede y asperar a la benient lechislatura, an confita en, con o refirme d’o PP, retirar a lei. No parixe que siga a opcion millor ta la lei, ni ta las luengas aragonesas, ni, sobre tot, ta un gobierno que se suposa que ha de rispetar a boluntat d’o parlament, d’as Cortes, que estioron as que apreberon una lei, de menimos, pero una lei.

O programa Fendo Orella (Radio Topo 101.8, miercols, de 19 dica as 20) zilebra o suyo 6eno cabo d’anyo, y amás de conbidar-me (y ya será a terzena ocasion que paso por asti) fan buena ripa d’autibidaz que prencipian ista semana. Iste ye o programa.

Fendo Orella
6eno cabo d’anyo

Marzo 2010
Todas as luitas que cullen en una luenga

Miercols 17
Programa especial “Luengas de resistencia”
Charramos con a Xunta pola defensa de la Llingua asturiana y l’AEK de Baztan (Navarra)
De 19 a 20 horas
Radio Topo 101.8 FM

Miercols 24
Programa especial “Comunicacion en luengas minorizadas”
Con Mario Sasot (periodista y mayestro) y Chorche Romance (periodista y historiador)
De 18 a 20 horas
Radio Topo 101.8 FM

Chueves 25
Procheccion cinta “Maldaus Bordes”
Inglorious Basterds (Q. Tarantino) en V.O. con subtitols en aragones
Cine con palometas de panizo y pinchos vechetarianos
20.30 horas
ZSA A Enrestida (Callizo San Cristobal)

Viernes 26
Presentacion d’o libro “Històries del Paradís”
Por o suyo autor Xavi Sarrià (Obrint Pas)
19.00 horas
ZSA A Enrestida (Callizo San Cristobal)