Tiempo de suenios. Tiempo de triballar. Tiempo de fer muitas cosas. Tiempo de dandaliar. Ye tiempo d’encetar nuevas cosas. Pero tamien, y por ixo mesmo, de emplir a lista de fayenas dica la muga mesma de lo no facilment prexinable.

S’achuntan amas atras cosas, que no ye ora de recentar, pero que fan d’a vida ixe gran misterio. A menos enerchia mas ganas de fer cosas. O a lo contrario. Ye tiempo d’enrestir. En a vida, en os suenios, en os proyeutos, en os cerclos, en as mugas, en os tiempos, en as presonas, en as collas, en os roldes.

Ah, si, y amas, ha prencipiau l’estiu.

No alcompanya l’orache, ixo ye cierto, pero ya plega l’estiu y a Zaragoza de siempre sale ta la carrera. Iste cabo de semana ye a rebutir d’actividatz, bellas paradas por o Concello y atras muitas por a chent d’os bicos. Os bicos de siempre, a chent de siempre. Ista ye a clase de cosas que me fan muito goyo d’ista ciudat. Atamas d’una cutiana sensacion de “no femos cosa”, a chent de Zaragoza s’organiza y arrocla arredol d’ideyas, de bicos, de propuestas, que femos servir ta creyar ixo que dicen ciudadania.

Dos d’os bicos mas tradicionals d’a ciudat cilebran istos diyas as suyas fiestas. O Gancho y A Madalena levan concarando-se dende fa sieglos. Y cuan digo “concarando-se” lo digo en o sentiu mas literal d’a parola. A chent d’istos bicos s’han barallau dende siempre, por l’actividat tradicional d’os suyos abitadors. Artesans y labradors, uns y atros, han teniu una competencia fura con as suyas procesions, os suyos privilechios y o suyo prestichio dentro d’a ciudat dende manimenos o sieglo XV. Encara huet cilebran as fiestas a mesma semana, fendo que o centro tradicional d’a ciudat siga plen de vida y d’actividatz. Mosica, fogueras de San Chuan, pasabillas, jotas, karaoke, baile, cine, chentas populars tot isto y mas en a Semana Cultural d’a Madalena y tamien en as Fiestas d’o bico d’o Gancho.

Graffiteyando en l'Asalto

Amás d’isto, istos diyas se ye fendo o V Asalto Cultural que preba de emplir de color espacios albandonaus d’a ciudat con propuestas urbanas. A ciudat ye plena de graffiteros, mosica y atras actuacions que dan vida a espacios buedos, como l’anyo pasau se facio en a ribera d’o rio, y iste anyo se fa por as placetas d’o centro. Iste maitin, l’antiga churreria d’as murallas cambeaba de color por l’arte de tres u cuatro zagals con esprais. Tota la programacion la tenez asti en Asalto Cultural.

Y mas cosas que prencipian en no guaire tiempo, os Festivals de l’Ebro, u A la Fresca en os bicos rurals. Senyals de vida cultural dilla d’o que no parixe. Ista ye a Zaragoza que me fa goyo. Ista ye a Zaragoza en a que trigo vivir. Pero ye esclatero que cuan i manca, de vegadas, fan ganas de fuyir, pero ixo ye atra storia y s’abra de recentar a o suyo debiu tiempo.

Feliz solsticio!

Quema pasados y futuros!

Quema presentes y mundos de los que no!

Chispas, purnas y más espurnes que salten al aire y sin dejar de ser lo que cada uno somos nos convierta en algo igual y nuevo a la vez!

Preta fuego a la madera que reinventa las sonrisas y que arda la fiesta! Besos y abrazos!

Etiquetas:

Solsticio. Fuego. Hogueras. San Chuan. Sanchuanada. Quemar. Prender. Chispas. Vamos. Lo de siempre. Lo de nunca. Mitad de nada, mitad de todo. Un día que estoy aquí, pero que debía estar allí o allí más. Un año en Granada, en CAla Cortina, en Barcelona, en mil mundos a la vez. En mil personas a la vez. Mi papel está escrito. ¿Lo quemaré? Todo está en el celebro. Lo del papel es lo de menos.

Etiquetas: