Dende o blog d’a colla d’autibidaz de Nogará podemos beyer a programazión de o Festibal Buena Chen d’iste año.

Buena Chen ye un procheuto que tien por finalidá fer un conzierto y atras autibidaz paralelas con caráuter añal en refirme y luita de causas chustas. En ista edizión o tema zentral ye a chen marguinada sozialmén, y o 50% d’o benefizio irá destinau a la creyazión d’una ofizina de dreitos sozials.
As autibidaz prenzipirán o día 20 de febrero a las 11 d’o maitín en a Plaza San Bruno, con pasabillas, palotiaus, mosica, chenta, teyatro y chuegos.

De tardis-nueis a borina continará en a Sala Multiusos de l’Auditorio, con un gran conzierto en que tañerán Tako, Lurte, Soziedad Alkoholica y Violadores del Verso entre atros.

En o puesto d’o conzierto amás, bi abrá mesas paradas por asabelas asoziazions y coleutibos, dentre atros, por exemplo, a Pantera Rossa, an podrez trobar informazión, materials, leutura o ropa. Una buena ripa d’autibidaz mientres tot o diya que de seguras amás, serbirán ta una buena causa.

Maitín diya sobreimportán ta l'aragonés. Un macroconzierto como feba tiempo que no se feba “L'aragonés en a carrera” con guena parti d'as collas que fan serbir l'aragonés ta la suya mosica.

Por zierto, que güe he parau cuenta d'o nuebo portal de Fablans, amás que en remenches mos rezentan de dos nuebos blogs en ista chiqueta y quiesta luenga nuestra. 

Etiquetas: