O Consello d’Europa ha tornau a trucar o ficazio d’o Gobierno aragonés por a situgazión de l’aragonés y o catalán en Aragón. En un informe ofizial que podez leyer astí (en PDF) sobre as luengas minorizatas en l’Estau Español o Consello d’Europa demana a lo Gobierno d’Aragón a que alze y esparda o patrimonio lingüistico aragonés, l’aragonés y o catalán. De feito, leyendo entero l’informe, o Consello d’Europa dixa esclatera a responsabilidat d’o Gobierno aragonés en a situgazión d’inferioridat churidica y sozial de l’aragonés y o catalán en Aragón.

Tamién demana que se asegure un marco legal en Aragón que guaranzie o pluralismo lingüistico, y remera que encara no s’ha presentau o proyeuto de lei de luengas. Tamién remera que no bi ha garra estadistica fiable dende finals d’os 80, y aspera que se faiga un zenso de fablans y d’a situgazión lingüistica.

Enrastre: L’informe d’o Consello d’Europa sobre as luengas minorizatas (PDF)