Febrero feminista

Tot o mes de febrero se paran en Zaragoza as chornadas “Febrero feminista”. Quatro semanas de charradas, esposicions, conciertos, mundialitas y proyeccions audiovisuals con un factor en comun; o feminismo.

Mullers que vienen d’esferents colectius y individualidatz mos hemos organizato ta ufrir-te un espacio de debate, esprision y conoximient que mos adugara por as cantonadas d’a sexualidat femenina; d’as patrias que no son reconoxitas como estatos; d’o “romanticismo” de l’aimor; d’a veyibilidat d’os cuerpos, preferencias sexuls y sentimients fueras d’o binarismo y de la heteronorma, mesmo, o mundo laboral con reformas y tecnolochias que prechudican u mos fan inveyibles a nusatras, as mullers.

Tenetz tota la informacion en Febrero Feminista y en as webs d’os colectius que han parau istas sobreintresants chornadas, A Clau Roya, Dg8+, Stonewall, Mujeres Preokupando, Towanda, Komando Mico

Sergio Larraga ye cordinador d’o grupo parlamentario d’o PAR. Cada lunes, en o suyo intresant blog, repasa l’autualidat parlamentaria d’as Corz d’Aragón. Atamás d’o que dizió Jesús Miguel Franco o PSOE no parixe que aiga rechistrau o aban proyeuto de lei de luengas en iste mes de marzo que ya ye rematando. Ye por ixo que, una begada más, ha d’estar a soziedat zibil a que faiga trangos entabán en o conoximient (y reconoximient) d’as luengas aragonesas.

L‘Asoziazión Nogará prenzipia güe as XVI Chornadas d’as luengas d’Aragón. Deziséis años fendo unas chornadas, con poco refirme ofizial, en puestos publicos, y dando a conoxer reyalidaz d’as nuestras luengas y de luengas chirmanas filolochicament o legalment. Son asabelos años ta reconoxer o triballo serio y firme por l’aragonés, que iste año amás, tienen un programa prou intresant como ta amanar-se-ie a lo Zentro Joaquín Roncal de Zaragoza.

Lunes, 30 de marzo, 19 oras, centro Joaquín roncal (c/San Braulio 5-7. 50003 Zaragoza)

Luengas en o limite

• Aragonés (Asoziazión Cultural Nogará-Religada)
• Lionés (El Fueyu)
• Cornico (Keskowethyans an Taves Kernewek/ Cornish Language Partnership)

Miércols, 1 d’abril, 19 oras, centro Joaquín roncal

As luengas y as academias

• Manuel Castán (Academia de l’Aragonés)
• Ramón Sistac (Institut d’Estudis Catalans)

Chuebes, 2 d’abril, 19 oras, centro Joaquín roncal

L’atlas d’a Unesco sobre as luengas menazadas

• Christopher Moseley (Editor de l’Atlas d’a UNESCO sobre as luengas menazadas)

Biernes, 3 d’abril, 19 oras, centro Joaquín roncal

Taller practico de biquipedia (wikipedia en aragonés). Traye-te o tuyo portátil

Sabado, 4 d’abril

Cursa y combibenzia en Tarazona
Organizada en colaborazión con Ziesma, colla local de Nogará en Tarazona.
De tardes, conferenzia: ye posible bibir en aragonés en o sieglo XXI?