Huet o vicepresident d’o Gobierno d’Aragón, José Ángel Biel se trobaba en Zaragoza con milenta mullers de a provincia de Zaragoza. En o discurso ha dito que a muller ha adebantau mas en os zaguers 30 anyos que no pas en os cuatromil d’antis. Dixando a un costau o feito que atamas de zilebrar-se l’auto en Aragon con mullers d’o PAR o contesto de que charraba Biel yera Espanya, a frase m’ha remerau atra que dicio no fa guaire.

Fendo un balance de l’estatuto d’autonomia d’Aragón José Ángel Biel dicio que Aragón eba adebantau mas en os zaguers tres anyos con o nuevo miniestatuto que no pas con os 30 anyos d’0 viello.

O denominador comun d’ixas dos frases son os “30 anyos” que son, manimenos, os 30 anyos que José Ángel Biel ha teniu cargos de responsabilidat en o ta Aragón. Ye por ixo curioso que diga que en istos 4 anyos s’ha adebantau mas con l’Estatuto cuan el estio un d’os que sinyó l’estatuto de l’anyo 82, que mos adugo por o camin d’as rechions y no d’as autonomias, y agora, cuan s’enceta lo camin d’as nacions mos leba por o d’as autonomias, refusando acollir-se a o rechimen foral, u mesmo regalando diners a l’Estau.

Asinas que si en 30 anyos no emos adebantau ye por a suya culpa (dentre atros). Lo mas curioso ye, por atra parti que agora reconoxe que ixos 30 anyos estioron tiempo tresbatiu, tot y que allora no lo deciba. Ye cosa d’a neolengua aragonesa, ixa que leba a dicir tot argüelloso a o nuestro president que o pauto d’as mermas alcordau con l’Estau ye unico en Espanya. Cosa que parixe positiva (a lo menos en iste nuestro Aragon), pero en reyalidat no esclarece si ye buena o dolenta.

Como totz os anyos, ya son aqui un atra vegada as Chornadas d’as Luengas d’Aragon que para l’A.C. Nogara-Religada.

Iste ye o programa:

Viernes 9, 19:00 horas
DESENVOLIQUE D’A LEI DE LUENGAS
Juan José Vazquez, viceconsellero d’Educacion, Cultura y Esporte d’o Gobierno d’Aragón.

Lunes 12, 19:00 horas
SITUACION DE L’ARAGONES EN AS ESCUELAS
Mª Pilar Benitez Marco, coordinadera d’o proyeuto d’animacion arredol d’a luenga e a cultura aragonesa.

Martes 13, 19:00 horas
FAUNA Y CAMBEOS D’O PAISACHE EN ARAGÓN
Chabier González Esteban, albeitar de fauna salvachina

Miercols 14, 19:00
AS IKASTOLAS EN NAVARRA, UNA EXPERIENCIA EN A EDUCACION D’UNA LUENGA MINORIZADA
Representans d’a Coordinadera d’Ikastolas de Navarra

Chueves 15, 19:00
MOSICA EN LUENGAS MINORIZADAS
José Lera Alsina, mosico, director d’o Grupo Val d’Echo y miembro de l’Academia de l’aragones.
Xune Elipe, miembro d’a colla en asturianu Dixebra y productor d’o siello discografico L’Algüañaz.

Viernes 16, 19:00
SITUACION DE L’OCCITANO GASCON: RECUPERACION, INVESTIGACION Y ESPARDIDURA
Presentacion d’o prochecto de cooperacion Aragón-Gascunya, culturas pirinencas y nuevas tecnolochias.
Laurent Abrate (Nosauts de Bigorra)
Fernando Romanos (Parola)

CONCIERTO (en a sala The Cavern Prior, c/Santa Cruz, 7)
Biella Nuei & Azawan (chicota presentacion d’o disco Crebar o muro, con un poema en aragones d’o sieglo XI)
La orquestina del fabirol (folk aragones)

Actividatz complementarias en Tarazona: Sabado 17, 18:00 horas
A LEI DE LUENGAS: ANALIS D’O TEXTO Y POSIBILIDATZ D’O SUYO DESENVOLIQUE
Sala Albiana

Dimpues d’istos diyas de numerolochia monarquica an que s’han tornau a debantar as bozes contra “os catalans que mos furtan a istoria”, me pensaba que leyer a un catalan que no “preba de furtarnos” (sic) tendria o suyo forau en os meyos aragoneses. Pero no. Atamas que cuan un catalan trafuca os numeros d’os reis o no diz Corona d’Aragon bi ha meyos que mos esplanican como os catalans (toz sin distinzion) mos furtan a istoria, no pasa lo mesmo cuan un d’els “dentra en razon” (sic).

Isto diz Antoni Dalmau en l’Avui.cat.

Amb aquesta aventura ens ha retornat, com un glop venturós de l’antigor, el batec directíssim d’aquell final del segle XIII, en què el reialme d’Aragó va esdevenir senyor de la Mediterrània occidental. La història, doncs, ens torna un cop més la memòria, ens dóna noves informacions i interpretacions d’un passat gloriós que, tants segles després, sentim com a nostre de ple dret. Potser hi ha qui no es commou gens ni mica davant d’aquestes coses, ho sé perfectament. Però us asseguro que entrar a la cambra blanca i veure l’autèntica despulla d’un rei medieval ens aboca al vertigen dels segles remots, al misteri profund dels mons desconeguts…

Ixo si, como rispeta a conbencion de no emplegar os numeros ta os reis Pero, y mesmo diz que o rei d’Aragon tamien yera monarca en Catalunya, ye probable que no siga prou ta os fundamentalistas d’a istoria, casualment, pocos d’els istoriadors y que s’agafan a interpretacions tan fantasiosas como a de “Reino de Catalunya”, como dicir que o rei Pero o Pere se deciba Pedro o que Catalunya yera propiedat d’Aragon. Isto mesmo lo sentie yo ayer con istas orellas que os cucos bel diya se mincharan.

Ye o triste de tota ista istoria, d’a nuestra propia istoria, que dentre uns y atros mos la preban de furtar y os que mas ubren a puerta, batalera, ta uns furtaires son os que meten o grito en o ziel concarando a atros. Y mientres, o nuestro pasau remane en mans foranas y lo que ye piyor, en mans nuestras que deseyan, con tota la suya anima, ser foranas.

Fa unas semanas o bizepresident d’Aragon (por l’inte) Jose Angel Biel, ha prencipiau una intresant campanya endrezata a la comunicacion dichital. Fueras d’as pocas coincidencias ideolochicas, s’ha de reconoixer que ye un d’os pocos politicos aragoneses que s’ha dezidiu a baxar a charrar con a chen en Twitter, Formspring o a trabiés d’o suyo blog. Cada martes dende Formspring contesta preguntas d’a chen. Huet, dentre atras cosas, ha charrau d’a prosima sentencia d’o Constitucional espanyol sobre l’Estatuto catalan. En a rispuesta de Biel m’ha trucau o ficacio una frase:

Los aragoneses somos plenamente conscientes de lo que somos, de lo que hemos sido y de lo que queremos ser, todo lo demás son pérdidas de tiempo.

Ye una d’as frases tamién preferidas d’o president Iglesias. “Los aragoneses no tenemos problemas identitarios” ha dito en mas d’una y de dos ocasions. Ye a manera d’o Gobierno d’Aragon de rebaxar as tensions nacionals y sobre tot, remarcar a “lealtad” con o Gobierno d’Espanya. “No tenemos problemas de identidad”. Pero ixa frase no ye berdat. Ixa frase no da lo trango siguient. U puestar que l’anterior. Ye cierto que no tenemos problemas d’identidat, porque cadagun tiene la suya, pero ixa ye a trampa d’o Gobierno, que un por un no tiengamos problemas no quiere dicir que toz tiengamos a mesma identidat, que ye o que en o fundo, quieren dicir tanto Biel como Iglesias.

Y no, no tenemos a mesma perceucion d’a identidat en Aragon, o propio barometro que cada tres meses encarga o Gobierno diz que no toz pensamos igual de “que somos” “como somos” o que “mos sentimos”. En o zaguer, y d’as tres opcions que da la encuesta cuasi un 20% diz que ye mas aragones que espanyol, manimenos un 60% que son igual d’espanyols que d’aragoneses y a resta (fueras d’o marguinal ni una cosa ni atra) son ma que mas espanyols que aragoneses.

Puestar que un por un no tiengamos problemas, y de feito, as dos identidaz dominants (aragones y espanyol) tienen un equilibrio mayoritario que no tienen en atros puestos, pero no ye berdat que os aragoneses pensemos toz iguals d’o que somos y d’o que no somos.

Os triballos zientificos que se son fendo con os despullos d’o rei Pero III d’Aragón han tornau a serbir ta que por un costau os catalans faigan istoria-fizion y por atro os aragoneses tornen a dixar beyer l’autodinnidat que tienen contra istas manipulazions catalanas (y que prou d’ellos no tienen t’atras manipulazions).

Atamás que l’Heraldo ayer ficó en a suya web a nota d’Europa Press an meteba que Pero o fillo de Jacme, yera o II rei d’Aragon y no pas o III, huet ha titulau por a manipulazion istorica, puestar porque ellos mesmos se dixaron engañar.

Tamién sirben istas cosas ta que se sientan atras mentiras istoricas como “Cataluña pertenecía a Aragón” o “ese rey se llama Pedro III y punto”. Ye zierto que a istoria d’o prozeso de creyazion y fin d’a Corona d’Aragon ha prebau d’estar instrumentalizata dende Catalunya, pero no ye menos zierto que a refutacion d’ixo gosa estar por parti d’os aragoneses mas espanyolistas u espanyolizaus.

Por ixo, ye bueno conoxer bels feitos istoricos basicos ta refusar tanto unas manipulacions como atras.

Sobre o nombre de l’estau

A Corona d’Aragón no yera un estau nacion, sino que yeran as chens y territorios baxo o dominio d’os reis d’Aragon. Por ixo Jacme I querio trestallar-los dentre os suyos fillos u lo Reino de Mallorca estio independient en bel periodo. Por ixo l’estau no yera nomas poblau por aragoneses, que se deziban aragoneses, sino que bi eba aragoneses, catalans, oczitans, etzra. Y por ixo, o nombre, no yera estable ni fixo. Dentre atras, en a documentacion s’emplegan terminos como Corona d’o Rei D’Aragon, Corona d’o Reino d’Aragon, Corona d’Aragon o mesmo Aragon nomás.

Baxo ixa denominazion bi eba esferents paises, como o propio Reino d’Aragon, os condaus catalans, cuya capeza yera o de Barcelona u os dominios ozcitans. Dimpués s’adibion atros territorios repoblaus por aragoneses, catalans y d’atras chens, como Valencia, Mallorca y más entaban Zerdenya o Sizilia. Toz os atros terminos son conbenzions ta charrar d’a peculiar configuracion politica, y son guaire posteriors y por tanto, a-istoricos.

Sobre o nombre d’os reis

Garra rei aragones se dicio Pedro. En os territorios d’a Corona d’Aragon se charraban muitas luengas, pero nomas tres yeran as de cancilleria y uso comun. O latin, l’aragones y o catalan. A documentacion, as sesions de cortz, os nombres…y dica a dentrada d’una dinastia castellana (y por tanto, forana) yeran escritos en ixas luengas. O rei orichen d’a polemica agora sinyó os documentos como Pero, Petrus o Pere. Nunca no como Pedro. Mesmo o primer Pero teneba una particularidat, que siempre sinyaba os documentos en arabe, por cierto.

Cal dicir, amas, que, por exemplo en a Cronica de Jacme I (Llibre dels Feyts), l’infant Pero, agora desamortallau, s’adreza a o suyo pai en aragones, atamas que la cronica ye escrita en catalan.

Sobre os numeros d’os reis

Os numeros tamien son conbenzions posteriors ta saber de que rei se charraba, porque teneban a costumbre de dizir-se como os suyos pais o yayos, u como bel debanpasau famoso. En tot caso, o numero d’os reis d’Aragon s’ha de fer con a dinnidat de rei, que teneban como reis d’Aragon. Ye por ixo que o fillo de Jacme I ye Pero III y no Pero II, por mas que siga o segundo conde de Barcelona. Ta ebitar problemas dentre as istoriografias (aragonesa y catalana, mas que mas) se dezidio en bel inte nombrar os reis complicaus (u siga, os Alfonso y os Peros) por o suyo apodo y no por o numero, pero pocas begadas uns y atros rispetamos ista conbenzion. En tot caso, o rei fillo de Jacme I ye o terzeno Pedro.

A idiosincrasia d’a istoriografia aragonesa que mas que mas ha interpretau a istoria d’Aragon como lo camin enta formar Espanya y no como o proceso orichinal que esdebenio en a Corona d’Aragon. Ye por ixo que toz os odios y resquemors que debanta que dende Catalunya digan “Pere II” a o nuestro “Pero III” no se debanta cuan decimo sin dandaliar “Alfonso XII”, “Felipe II” o “Fernando VII”. Ye curioso, pero ye asinas. O normal seria que, puesto que o Reino de Castiella y a Corona d’Aragon dentroron como iguals en a unidat dinastica, dende Aragon numeremos a os reis como reis d’Aragon y no pas como reis de Castiella. Porque, en tot caso, si queremos nombrar a ixos reis dende 1467 como reis d’Espanya, abriamos de prencipiar de zero, ye dicir que Fernando II d’Aragon seria I d’Espanya, o Alfonso XII seria o I d’Espanya.

No se si he dixau esclatero tot isto que digo, pero soi ubierto a comentarios, profés que si, porque en tot caso, as conbenzions istoricas son as que creyan as corrients istoriograficas y configuran tamien as identidaz d’o pasau que plegan dica nusatros.

Iste pais nuestro ye como ye, porque nusatros queremos que siga como ye. Ixo ye esclatero. Podemos tener muitas ideyas, asperanzas y suenios de como abria d’estar, ixo tamien. Pero o pais nuestro, ixe que mos dixoron os nuestros pais, y antismas os pais d’os nuestros pais, o pais que tenio en as suyas mans l’esdebenidero y lo dixo tresbatir ye agora como ye porque toz os que bibimos en iste pais emos quiesto que estase asinas. Y si mas no toz, si una gran mayoria.

Tenemos un pais que suenia, d’un tiempo a ista parti, en granizas demostracions como estio a Expo (un fracaso que encara bosare-mos por muitos anyos), como estara a nueva Expo ixa d’os nabos, como as Olimpiadas d’ibierno, que con os precedents, no parixe que leben atro camin que o gasto, a destruzión y a la fin, o xubliu. Agora tenemos tamien ixe proyeuto de Gran Scala, una barrenada ilusion que choca con tot o que esfensemos fa uns anyos ta no dixar que fesen o trescole de l’Ebro. Tamien Motorland, un pais de motor, aintro d’atro pais, que quereba un equipe de formula 1 que nunca no benio, y que agora aspera a que Hungria no pueda rematar as suyas obras ta acullir una competicion de motos, que, profes, “dixara muitos diners y puestos de triballo” y, ye de suposar, grans atascos, bel accident de moto y ixo si, bellas fotos d’os nuestros politicos.

Mientres, se fa una Plataforma d’as Montañas que trenca o propio Gobierno, fendo antis de que remate, os trangos que s’amenistan ta malmeter, ta cutio, as montanyas de l’este d’o pais. Y no nomas ixo, que hue mos conoxemos que a Direccion Cheneral de Montanyas ye fendo o suyo propio plan de montanyas sin contar, profes, con a plataforma, ni mesmo con o Gobierno.

Ixo si, mientres, un anyo dimpues de estar engarcholau meyo conzello d’A Muela, os plans de recalificazion continan y a suya alcaldesa contina en o cargo, sin que pase cosa. Y me prexino, y no ye defizil de prexinar, que si agora tenesen eleccions en o lugar Maria Victoria Pinilla ganaria sin guaires problemas. Ixe ye o pais nuestro. Pero as solucions que se planteyan como reyalistas tampoco no son mica millors. Rudi, UPyD y a dreita que agora ripresentan o PAR y bella parti d’o PSOE aragones son os que continaran fendo o triballo ta fer d’Aragon una tierra, que no un pais. Por a cucha, IU sin guaires opcions y CHA que contina luitando contra o suyo destino y as suyas luitas internas dentre Aragon y o federalismo, dentre os poders y os contrapoders, nunca no conseguiran fer-se zerenyos contra ixas menazas. Y a soziedat zebil? Pues como siempre, feble, trestallada, dixando-mos enganyar y fendo como que no sentimos. “Y los coches de la OPEL”

Dos notizias esplanican prou millor que cualsiquier analisis a reyalidat d’o país:

• Aragón, a comunidat que más cayó mientras o 2009

Y fa menos d’una semana:

• Marcelino Iglesias: “Emos concarau a crisis millor que atras comunidaz”

Qué cosas.

Cuan estié en Estaus Unitos me trucó o ficazio a reyalidat identitaria d’o país. Allí tienen prou esclatero qué ye a nazionalidat y qué a ziudadanía. Por ixo, son “ziutadans americanos” chen de nazionalidaz esferens, italians, irlandeses, angleses, chinos, alemans, mexicans, afroamericans o griegos. No pasa lo mesmo en España, an se trafuca o sentiu d’as dos cosas mesmo en a Constituzión que charra de begadas de ziudadans y a begadas de nazionals. Si a Constituzión española rispetase a tradizión d’o liberalismo politico d’an emanan totas as constituzions dende a Constituzión d’os Estaus Unitos, no trafucaria ixas dos cosas. De feito, si las trafuca, ye por un intrés politico en esbafar as tensions y esferenzias nazionals d’os paises que a lo luengo d’a istoria han conformau un estau que se diz España.

Repasando a Istoria beyeremos que España no surtió d’un feito nazional (como Alemania, o Italia, por exemplo) sino por intreses dinasticos d’os reis. Primer os Trastamaras que abión de conquerir Navarra y Granada, amás de chunir politicamén baxo o suyo dominio a resta de territorios. Dimpués d’os Austrias, que baxo o suyo dominio tenión paises tan esferéns nazionalment como os Paises Baxos, Aragón, Castiella, o mesmo territorios alemans). Mas tardi, dos Borbons, os unicos que consiguión por conquista reduzir toz os territorios (menos os bascos) a una mesma lei, ixo si, por dreito de conquista, como bien esplanican os Decretos de Nueva Planta.

De a poco, s’identificó o feito nazional castellán con o feito nazional español, y se fazión sinonimos en o ideario d’o poder politico, y ixo contina igual dica agora. Por ixo, cuan bella presona ziudadana de España, porque bosa os suyos impuestos en España, triballa en España y rezibe serbizios d’España diz que no ye español o primer que li’n dizen ye: “mira en tu carnet de identidad”.

Y yo lo miro, y en garra puesto beigo que ixo diga que soy español. O DNI zertifica que soi ziudadan d’un estau que se diz España, pero no soy “español”, ye dizir, “castellán”. Soi aragonés, porque mesmo o Estatuto reduziu diz que Aragón ye una nazionalidat, y, por tanto, os suyos abitans son nazionals d’ixe país y no pas d’atro.

De feito, soi conbenziu que si os poders politicos (toz, dende Cádiz), esen quiesto creyar un sentimien de pertenenzia, como pasa en os Estados Unitos, esen puesto rispetar as esferens nazionalidaz de l’Estau. A Constituzión de Cádiz charraba de “españols d’ultramar” y agora ixos son ziudadans d’atros paises y nazionals d’ixos países. Ye un prozeso que continará china chana entabán dica o diya que o poder politico español repleque y explizite a esferenzia entre ser ziudadán español y ser “nazional” español. En ixa dualidat mos podremos sentir más comodos o no, pero responderá más a la sensazión “esferenziadora” que en Cataluña, Euskadi y en menor mida en Galiza o Aragón, se tiene d’a resta de l’Estau.

Yo por l’inte, soi ziudadán español, ye esclatero, porque boso os mios impuestos y tiengo un DNI, pero ixa no ye a mia nazionalidat. Igual que no soi catolico atamás que Ilesia catolica me tienga en a suya base de datos, o encara que estando europeo no siga lo mesmo que un ozitan, un franzés o un ruso.

Iste maitín se presentaba a web d’as carreteras de Aragón. En ixa pachina s’esbiella cada meya ora a situgazión d’as carreteras que penden d’o Gobierno d’Aragón.

A web ye una buena ideya que implementa o que ya fa tiempos que fa a web d’a DGT y muitas begadas, sobre tot en ibierno, ye important ta os usuarios saber como se troban as carreteras chicotas que emplegan ta plegar enta os lugars d’Aragón. En tot caso, ye una primer prebatina, parixe, porque atamás que tiene bella funzionalidat intresant, creigo, y ye una opinión presonal que li mancan bellas cosetas.

Cosas intresants

• S’esbiella á ormino, cada meya ora, y  ye de suposar que si pasa bella cosa grau s’esbiellará más rapedo
• Tien un podcast ta sentir l’estau d’as carreteras aragonesas (que aprobeitarán as radios, ye de dar)
• Tien un mapa de carreteras esbiellau y un mapa de puntos negros (o “pero” ye que son en PDF)
• Tien un canal de notizias sobre as carreteras aragonesas
• Tien informazión sobre a cantidat de chen que ha pasau por as carreteras aragonesas
• A informazión d’o portal ye de libre uso por toz os ziudadans

Cosas a millorar

• Cheolocalizazión d’as zonas afeutadas. No ye defizil integrar os puntos kilometricos con sistemas como Google Maps ta beyer en direuto as zonas afeutadas.
• Construyir mapas autibos (y no en PDF), mesmo planteyar integrazions con sistemas GPS
• Manca un RSS ta siguir as notizias d’as carreteras, y mesmo os inzidents que salen en pachina prenzipal (Ta isto, puestar con datos en XML ta integrar-los en atros sistemas)
• Integrazión d’as carreteras estatals que pasan por Aragón ta que o portal esdebienga un referent de totas as carreteras d’a Aragón
• Os datos de trafico son feitos en XLS (Excel), si se trigase atro sistema de publicazión sin codificar, se podrian fer cosas intresants con els.
• A ran diseño, me sobra tanta letra capital, bi ha atras formas de dizir as cosas sin fer serbir as mayusclas.
• No repleco tampoco l’intrés d’o Gobierno d’Aragón de emplegar siempre os dominios .es debán d’atros más chenerals y no cheograficos.

Creigo que bi ha camin ta fer con ista aina que puestar muit util ta toz os que adugamos por o país. A web l’han feito dende a interpresa Consultis, que dentre atros triballos, fazión o rediseño d’a web d’a Fundación del Medio Rural que agora ye o blog presonal d’a politica d’o PAR Anabel Lasheras, o meyo de comunicazión Goza Zaragoza u a web d’Aragón Alimentos, portal instituzional sobre alimentos aragoneses.

Como hiciera hace un tiempo La Vanguardia, el diario ABC ha publicado en internet toda su hemeroteca digitalizada para poder acceder a ella gratuitamente. Que dos de los diarios más antiguos se decidan a dar este paso, aportando una cantidad ingente de documentación accesible vía internet, es un recordatorio de que si hay voluntad se pueden hacer las cosas bien, o muy bien. Los diarios, incluidos ABC y La Vanguardia, incluso con toda su carga de subjetividad, proporcionan información relevante sobre un período histórico convulso desde finales de 1800 hasta nuestros días.

Para Aragón, sería interesante que Heraldo se decidiera a dar este paso. Heraldo, como el diario aragonés más antiguo en activo, aportaría un valor añadido a su página web, que crece día a día en contenidos propios, y además, supondría una interesante aportación al conocimiento histórico de los últimos 120 años en Aragón.

Como eso todavía no es posible, he perdido un rato mirando las primeras apariciones de Zaragoza, Huesca, Teruel y Aragón en ABC y La Vanguardia. Es una de las muchas búsquedas posibles que permiten ambas hemerotecas. Además de por el valor histórico del material, también supone una oportunidad de entretenimiento, claro. Puedes buscar el diario del día que naciste, los momentos claves de la historia, o simplemente, hurgar en la publicidad antigua (y sorprendente). Es decir, pasar un rato agradable repasando el periodismo del pasado, o, por ejemplo, usar estas hemerotecas como un importante material para la escuela. Infinitas posibilidades.

Aragón en ABC: 26/07/1891 El Sepulcro de Colón

Aragón en La Vanguardia: “Pues si es aragonés de buena ley el diputado disidente, y como tal, tozudo” 01/02/1881

Teruel en ABC: 03/01/1892 “Un sujeto de Teruel tenía 20000 duros en onzas de oro”

Teruel en La Vanguardia: 02/02/1881. “El caciquismo absorbente de los señores de Santa Cruz en la Provincia de Teruel”

Huesca en ABC: 16/02/1892. “Diga usté paisano, ¡Falta mucho para llegar a Huesca!”

Huesca en La Vanguardia: 03/02/1881. “Aragón, o mejor dicho, Huesca y Zaragoza, quieren el ferrocarril por Canfranch”

Zaragoza en ABC: 21/06/1891. “Piden para aquellos restos un sitio en la Basílica del Pilar de Zaragoza”

Zaragoza en La Vanguardia: 01/02/1881. “Y el alza que acusan las del ferrocarril de Zaragoza y Alicante”