Dimpues d’a bada d’ayer nomas queda continar luitando por os dreitos. Ixo mos queda. Queda tamien aber identificato qui son os enemigos. Queda haver visto, profes, qui son os companyers con qui se cuenta. Queda refirmar l’autostima d’ixa cucha que no la tiene. Ayer en a manifa alternativa i abio muita chent, tanta, que muitos mos febamos risos d’as posibilidatz d’achuntar tota ixa chent. Quedaban tamien fuera a chent d’a CNT, con qui se puede contar ta cambear o sistema. Y chent, porque no, d’a manifestacion oficial, que dimpues mos deciba que s’esen sentiu prou mas a gusto con nusatros.

Ayer mos veyimos as caras uns t’atros, fueras d’a convocatoria oficial, y paramos cuenta que somos chent, que cal estar mas chent, pero que somos chent que queremos un mundo esferent. Puestar que no coincidamos en muitas cosas, bi eba anticapitalistas, independentistas, anarquistas, sindicalistas, altermundistas…pero totz coincidimos en dicir que os nuestros dreitos no son en chuego. Y por ixo cal felicitar-se, pero no xublidar que a luita contina.

En l’Estato espanyol y en tota Europa, o 29-S estara una chornada de luita. Luita d’os triballadors y triballadoras por os suyos dreitos, contra as rebaxadas y as retalladas que os mercaus continan obligando a os gobiernos a fer. En l’Estato Espanyol, amas, os triballadors y triballadoras, por cuenta d’otri y tamien autonomos, amas de casa, pensionistas… totz os miembros d’ista sociedat sufrimos as enrestidas d’o capital, bien refirmatas por os gobiernos que aceptan totas as condicions que lis dicen.

Por ixo, por o que dicen as mullers, os sindicatos de presonas y no os macrosindicatos, a chent que sufre la crisis, y que sufrira as retalladas, os triballadors y triballadoras que veyeran mas feble a suya situgacion devant de l’empresario que preba d’esprimir-los…por tot ixo, purnas.com refirma a bada cheneral d’o 29-S y fa una crida a totz os miembres d’ista sociedat a que maitin partecipen en a chornada de luita, que no consuman y salgan ta la carrera a dicir prau!.

Totz os actos de Zaragoza asti y en o siguimient especial que faran as radios libres como Radio La Granja, Radio Topo u l’achencia de informacion Arainfo con a que puez colaborar ninviando-lis fotos, sonius o cronicas d’a bada.

Iste cabo semana han coincidiu tres noticias que amuestran una mica como ye o pais que mos ha tocau vivir. Candidatas, bispes y misses s’han metiu d’alcuerdo ta contrimostrar que Aragon s’esbafa y eslampa por o sumidero d’a storia.

O domingo venio o president espanyol, Jose Luis Rodriguez Zapatero ta refirmar a la candidata d’os socialistas espanyols a la presidencia d’Aragon, Eva Almunia, que ya estio consellera de Cultura con episodios gloriosos como as psicofonias con as monchas de Sixena. Por no charrar d’a situgacion d’o Teyatro Fleta de Zaragoza u d’ixe nunca feito Espacio Goya. Tamien mos ha dito que mos hemos de sentir muit espanyols, y profes que no facio guaire por as luengas d’Aragon mientres estio consellera de Cultura. Con istos avals y con dudas sobre o suyo curriculum, Zapatero la refirmo ta presentar-la contra Rudi. Y como? Charrando d’o legau d’Iglesias, de qui dicio Zapatero que “ha defendido a Aragón, pensando siempre en España“. Ye una manera curiosa ixa d’esfender o pais teniendo a capeza en atro puesto. Por si encara tenebanos dudas en o mitin d’o PSOE no i abio garra, pero garra ni una, bandera d’Aragon.

Iste mesmo domingo s’ha nombrato nuevo Bispe en o Bispau de Teruel-Albarracin. A presona trigata por a curia espanyola (ubiertament d’ultradreita) ha estau lo bispe gallego Carlos Escribano, dica agora, vicario d’a parroquia de Santa Engracia en Zaragoza, vinculada dende fa anyos a l’Opus Dei, como lo propio Escribano que ya estudio en o seminario de l’Opus en Bidasoa. Escribano, que si bien ye gallego, ye verdat que ye d’orichen aragones, ha estau miembro d’o Patronato d’a Fundacion San Valero y, mira tu, d’a Fundacion d’a Universidat San Jorge, por lo que no ye estranio que estase Jose Angel Biel o padrino politico de l’acto relichioso.

Sin salir de Teruel, o salindo, que d’ixo va iste post, a nueva Miss Espanya resulta que ye Miss Teruel. Sin dentrar (que daria t’atro post) en o casposo, masclista y rancio d’os concursos de Misses, resulta que a nueva Miss Espanya ye Paula Guilló, que ye d’Elx en a provincia d’Alicant, en o Pais valenciano. Muito han cambeato as cosas dende que se conoxeba a aragoneses, valencians y catalans como aragoneses, asinas que malament puede estar ista moceta turolense como dicen en os meyos. Atro presonache aragones que no ye aragones.

Y dimpues mos estraniamos que en o Diya Europeo d’as luengas os politicos aragoneses no fagan garra mencion a las luengas aragonesas, si lo que ye important ye estar aragones sin parixer-lo, u mesmo no estando aragones.

Iste ye o testo que m’ha plegato dende a Plataforma de Movimientz socials de Zaragoza. Bueno, ye a traduccion, mas bien. O 29-S sale ta la carrera ta dicir prou a las rebaxadas y retalladas. Ye o tuyo dreito y ye por os dreitos de totz.

Anda en chuego a vida de muitas presonas, en as nuestras mans ye endurar por mas tiempo o no iste viache sinsentiu enta la desigualdat que son forzando. A ista crisis mos ha levato o sistema economico de huei que agora demana mas y mas poder ta lo Mercau y garra poder ta la chent. As consecuencias son fatals ta la humanidat en atros continentz, ta la salut d’o planeta y ta la paz mundial; no estaran menos ta la nuestra vida cutiana asti. Si triballamos muito por poco, agora ne faremos mas y encara por menos, si no tenemos triballo, dende agora sera imposible tener-ne, si vivir ye caro, agora estara un luxo. Qué somos asperando? Que no en aiga posibilidat de tornar ta zaga?

No queremos quedarnos sin dreitos ni retallar-los mas ta alzar os privilechios d’uns cuants a lo pre d’apropiar-se d’a nuestra riqueza. Queremos dreitos ta totz y que naxcan tants de nuevos como calga. Queremos una vida en comun, un mundo an totz tiengamos un puesto. An no aiga pusto ta l’anglucia, ta lo desanimo y la impotencia, sin ixe odio ciego enta o zaguer que plega de luen, o mas feble.

O cement, os misils, as garcholas, os autos, as nucleyars, as mugas, os diners… no se minchan. Sabebas que l’exercito espanyol cosume diya zaga diya 1 millon y medio d’euros en a ocupacion d’Afganistan? No bi ha progreso, ni sabiduria en acotolar recursos, en malfurriar o nuestro esfuerzo en mas d’o mesmo, en mas d’0 piyor. No vale cualsiquiera forma de salir d’a crisis, y encara menos a suya forma, a que dixa difuera a las mesmas de siempre.

Amenistamos atra forma de vivir, atro modelo, y lo queremos agora. Por ixo mos metemos en baga, por ixo femos d’ista baga a nuestra bada. Y porque mos alticama iste ambient colectivo en que parixe aber marchau o remero d’as luitas pasatas, d’a solidaridat, d’as buenas cosas por pasar, d’o goyo de chunir-se ta prexinar, ta proposar, ta esfender-nos y prener a carrera por a man. Dende luego o “zapatazo” no estara lo final ta ells si lis ne dixamos. Pero ista bada, o 29-S puede estar o nuestro prencipie. Que dengun decida por tu. Que no triballe dengun que charre de chusticia. Que corra la baga y dica os relochs s’aturen.

Antis d’a bada cheneral

Sabado 25 de setiembre

18:00 oras. Escaleras d’a DPZ (Plaza Espanya). Concentracion “Contra la política represiva de la Patronal Aragonesa”. Baxo lo lema “Prou de represion”. Organiza: SOA -STA

19:30 oras. Plaza San Bruno. Concierto-Mitin d’a Plataforma Que los ricos bosen a crisis. I seran: OSTA, CGT, Intersindical de Aragón, SOA, SEI, CATA, Sindicato Ferroviario, STEA, Izquierda Anticapitalista, Coordinadora de Movimientos Sociales, Marcha a Bruselas. Actuacions de: Crisalida, Akademia de Alkimistas y Supermiriafiori

20:00 oras. CSO La Vieja Escuela (calle Biescas s/n). Concierto “Tod@s a la calle” contra a reforma laboral, con Insulino Dependiente y el puto de, Extensity y Justo Desprecio. Paran: Coordinadora Antifaxista Zaragoza y Plataforma Antifaxista Universitaria

Domingo 26 de septiembre

Marcha en bici por a ciudat. Contra as retalladas socials. 9,30 o. d’o maitin salida dende 4ª Avenida con C/ Zafiro (bico La Paz). Para: Bajada del Canal

11:00 oras. En a plaza Emperador Carlos a la dentrada d’a Sala Multiusos de l’Auditorio. Gran pitada a Zapatero mientres a vesita d’o president espanyol ta Zaragoza

12:00 horas. Carrera Mayor chunto a la Torre d’a Madalena. Vermú Vecinal y Obrero por a Baga Cheneral. Puestos informativos, reparto de banderolas pro-baga, mosica en lata, pasabillas de Ritmos de Resistencia, bebida y minchar… Para: Asoc. Vecinal de la Madalena Calle y Libertad

Lunes 27 de septiembre

Prencipia a semana de bada d’os triballadors/as de Tuzsa

18:30 oras. dende lo Parking de lo pabellon Prencipe Felipe. Caravana d’autos ta espardir a baga

19:00 oras. Mesa redonda “Crisis económica, crisis ecológica”. Centro Joaquín Roncal (c/ San Braulio 1-3-5) de Zaragoza. Para: Ecologistas en Acción

O diya la bada cheneral

Miercols, 29 de setiembre

7:00 oras. Bicipikete dende Plaza Os Sitios

8:00 oras. Piquetes informativos en empresas y en Centros educativos; en l’IES Pedro de Luna, y en o CEIP Hilarión Gimeno. Salida locals CGT Aragón (c/ Coso nº 157, local cucha, 50.001-Zaragoza)

8:30 oras. Piquetes informativos en o bico Torrero. Salida dende Plaza Canteras. Convocan: CNT, SOA, CATA, Vecins de Torrero

En as primeras oras. I abra mas piquetes en atros bicos y zonas de triballo. Para cuenta y acude.

Dende as 8:00 oras dica as 19:00 oras. Plaza Espanya. Punto informativo y de trobada, panels d’actividatz. Cobertura dende esferentz colectivos de contrainformacion (AraInfo, Diagonal, Centro de Medias). I abra cafe y bella cosa ta picar. Para: Coordinadora de Movimientos Sociales.

10:00 oras. Desayuno reivindicativo en a puerta lo Concello

11:30 oras. Concentracion en a Conselleria de Sanidat

12:00 oras. Concentracion en DGA Gómez Laguna

19:00 oras. Plaza Paraíso. Manifestación unitaria d’a Plataforma “Que los ricos bosen a crisis”. Enta la Plaza’l Pilar.

“He puesto sobre mi mesa todas las banderas rotas“.

Omenache d'un pueblo a o suyo cantor

O pueblo ha feito l’omenache a o suyo cantor. Ha pasau por devant d’o suyo cuerpo, gastau por o cancer, gastau por milenta barallas de rabia, mosica y parolas. Presonas de tot l’espectro sociopolitico aragones han quiesto dicir adios a Labordeta, y si a suya vida y cantas remaniran con nusatros, tamien remaniran istos diyas d’emocion que emos viviu totz chuntos. Me quedan os abrazos con chentz d’a cultura, d’a politica, as glarimas compartidas con companyers d’os meyos de comunicacion. Me queda cantar, una vegada mas, punyo en alto, o Canto a la Libertat devant d’as Cortes, mientres totz plens d’arguello d’aber compartiu o tiempo con Labordeta, yeranos conscientz de que a suya marchas nos dixa en erencio una luita, totas as luitas.

Han estau diyas d’emocion, de remerar anecdotas y trobadas con el, d’as vegadas que cantemos con el, tamien d’as vegadas que mos feba carranyar por dicir cosas con que no yeranos d’alcuerdo, pero totz coincidibanos que si bella presona eba feito que estase-nos aragoneses cabals y politicament conscientz, yera el. O pueblo ha charrato. O pueblo aragones y atros pueblos chirmans han remerato a suya vida y obra, as suyas cantas y o suyo refirme a luitas que de vegadas emos creyito tresbatitas.

Me quedan as emocions compartidas. Chentz que han veniu dende o norte y o sur d’o pais, de propio ta dicir adios a Labordeta. Chent que dica o zaguer inte s’enreligaba as mans ta cantar y dicir adios. Chent que ha feito que Labordeta conseguise mesmo chunir en cantas a chent que dica fa dos diyas no se charraba y que agora tornara a barallar-se. Chent que ha tornato a sentir que ye estar aragoneses. Chent arguellosa d’estar d’o mismo pais de qui ninvio a la mierda a qui l’insultaba y que metio en parolas o que totz sentibanos en ixos diyas que mos querian trescolar, ficar-nos en una guerra y dixar-nos, atra vegada, sin infrastructuras.

O cuerpo saliba d’as Cortes d’agora que estioron palacio d’os reis d’antis y a chent continaba chilando y cantando. Ixe ye l’esprito que ha feito radices en totz nusatros istos diyas d’emocion, pero agora, chirmans, chirmanas, companyers y companyeras…”Hay que seguir”

Labordeta se'n va ta quedar-se

No te quedes en el fuego
que no es cosa de dormir
átate las alpargatas
que sí, que sí es cosa de seguir.

Hay que defender la tierra
el agua, el ferrocarril
antes de que vengan otros
y los hagan producir.

Amas d’a prensa nacional y espanyola, meyos de comunicacion de tot o mundo han quiesto remerar a figura de José Antonio Labordeta. Rechirando una mica he trobato istas referencias.

Clarín (Archentina): Murió José Labordeta

San Francisco Chronicle (Estatos Chunitos): Spanish singer-songwriter Labordeta dead at 75

Al Día de Texas (Estatos Chunitos): Cantautor español José Antonio Labordeta fallece a los 75 años

La Jornada (México): Muere escritor y político español José Antonio Labordeta

Canada Press (Canadá): Spanish singer-songwriter, politician Jose Antonio Labordeta dead at 75

Ria Novosti (Rusia): Умер испанский музыкант, политик и писатель Хосе Антонио Лабордета

Abc News (Estatos Chunitos): Spanish singer-songwriter Jose Antonio Labordeta dead at 75

El Nuevo Herald (Estatos Chunitos): Cantautor español José Antonio Labordeta fallece a los 75 años

Focus (Alemania):Spanischer Dichter und Liedermacher Labordeta tot

Webnoviny (Eslovaquia): Zomrel spevák José Antonio Labordeta

Virgilio (Italia):E’ morto Labordeta, cantautore, scrittore e politico

Expresso (Portugal):Morreu José Antonio Labordeta (1935-2010)

Folha (Brasil):Escritor José Antonio Labordeta morre aos 75 anos na Espanha

O Labordeta d'os 70

Se mos va parti de l’alma d’iste pais. Se mos va lo cantor que mos facio recuperar l’autoestima. Se mos va la voz d’Aragon. Tantas vegadas, tantas y tantas vegadas. Dende o suyo esmo libertario y d’asti t’alla, Labordeta mos ha feito sentir aragoneses. Mos ha feito cantar a la libertat. Mos ha feito sentir, vivir y creyer. A suya idiosincrasia yera tan especial que a totz de vegadas mos ha puesto en contra, pero sobre tot, a totz mos ha metiu a favor mas vegadas encara.

Si yo pienso como pienso y soi como soi tamien ye por ti, Labordeta. De sentir as tuyas cantas, de pasar una y atra vegada as viellas cintas y LP prencipie a aimar iste pais nuestro. A voz tuya ye a voz nuestra, y ixo mos dixas. Mos dixas Aragon, Somos, Ya ves, La vieja, o Canto a la Libertat que ye l’imno d’iste chicot pais nuestro que tanto aimes. Se me borran as parolas mientres las escribo. I abra glarimas agora que mueres. I abra bellas glarimas de cocodrilo tamien, pero no m’alticaman. Te debemos una, abuelo, te debemos continar luitando por a libertat, por o pais, por as chentz que abion de marchar y por os que en tornemos, tamien por os que siempre estioron.

Dica siempre, Labordeta. Dica agora. Te’n vas pero lo tuyo esprito remane bien fundo en a tierra, con os de tantos atros que han feito d’Aragon lo que ye.

Huei sentirez muitas cantas d’el, pero sentindo ista, siento o suyo testamento vital. Que a tierra te siga leu, companyer. Entalto Aragon.

Ya ves
que vamos avanzando
cumpliendo este camino
no lo sé
ya ves.
ya ves
que vamos recordando
creciendo hacia el ocaso
no lo sé
ya ves.

Ya ves
qué pálidas palabras
se pierden en la noche
sin hallar solución.

Ya ves
que hemos ido surgiendo
de inciertas duras voces
de desesperación.

Recuérdame
como un árbol batido
como un pájaro herido
como un hombre sin más;
recuérdame
como un verano ido
como un lobo cansino
como un hombre sin más.

Ya ves
que fuimos agrietando
los muros mantenidos
no lo sé
ya ves.

Ya ves
que estamos añorando
unos niños perdidos
no lo sé,
ya ves.

Ya ves
que voces diferentes
se cruzan en el alba
buscando la verdad

Ya ves
que fuimos puente herido
de abrazos detenidos
por ver la libertad.

As cantas de Labordeta en Lista Spotify

Pasa la vida

Cuan corremos masiau xublidamos que o verdadero sentiu d’a vida ye nomas ixe, vivir. As chentz que mos afogan no son as millors companyeras, y o verdadero secreto d’a vida ye, de vegadas, posar-se en a carrera, leyer letra zaga letra un diario u bell libro y dixar os nuestros huellos libres ta mirar a vida de cara.

Nomas pasa que, de vegadas, notamos mas o buedo dixau en a silla d’o costau.

Si ayer meteba as proposas de resolucion presentatas por as collas parlamentarias de chusticia ye dicir as que han aprebato (d’as que escribie ayer asti, profes). Totas las atras las tenetz en l’enrastre d’as Cortes d’Aragon.

D’as resolucions d’o PP:

• Acelerar a construccion de l’entibo de Yesa

D’as resolucions presentatas por CHA s’han aprebato 9 resolucions, pero garra d’as que destaque en Purnas.

D’as resolucions d’IU:

• Demanar mas informacion sobre lo recreximient de Yesa y atras obras hidraulicas
• Creyacion d’un proyecto d’I+D ta la cria d’insectos ta lo control de plagas

D’as resolucions presentatas por o PAR:

• Mayor numero de programas de prevencion d’o cancer
• Mayor protagonismo d’a Comision Bilateral Aragon-Estato
• Traspaso de competencias a las Redoladas
• Equiparacion de profesors d’escuelas concertatas con os d’a escuela publica
• Guaranciar a rigurosidat de l’estudio d’a Storia d’Aragon

D’as resolucions presentatas por o PSOE

• Guaranciar l’acceso d’a poblacion rural a los servicios de Fisioterapia
• Creyacion d’un mapa de proteccion d’a montanya