As preferents, u como abusar d’a confianza

Lunes, febrero 25, 2013 12:33
Publicau en a categoría purnas

Inmaculada debant d'a Caixa Laietana en Mataró

Inmaculada debant d’a Caixa Laietana en Mataró

Ista sinyora ye Inmaculada. Vive en Mataró, y ye una d’as afectadas por o timo d’as preferents con que bellas entidatz bancarias (Bankia en iste caso, propietaria de Caixa Laietana) han abusau d’a confianza de muitisma chent.

L’atro diya estiemos grabando en Mataró una protesta d’ista chent que han visto como la caixa a qui heban confiau totz os estalbios d’a suya vida. Veyendo o perfil d’a chent que i protestaba se veyiba que yera chent de edat ta qui o sinyor d’o banco yera como un fillo adoptau. En muitos lugars y vicos o “banquero” ye quasi un familiar más, un en qui se deixa a confianza, os secretos economicos, mesmo os familiars, y que en l’universo mental de muita chent ye como lo mosén. Y puestar que antis si que estase asinas, pero agora no.

Protesta en Mataró contra las preferents

Protesta en Mataró contra las preferents

As caixas y bancos, con isto d’as preferents, ha preferiu abusar d’ista confianza, de chent que yera emplida d’ella, y sobre tot, de chent con pocos recursos (culturals y economicos) ta esfender-se. De feito, muita d’a chent que s’arroclaba debant d’a oficina d’a Caixa Laietana mos deciba que heban deixau os estalbios de tota una vida en mans d’o “banquero”. Y fa que pensar que os estalbios de tota una vida que mos deciban estasen en muitos casos no nomás de 50.000 euros. Tota una vida triballando ta estalbiar 50.000 euros y ta que te furten ixos mesmos diners por abusar d’a tuya confianza. No son grans inversors. No han quiesto chugar a la Borsa. No han quiesto aproveitar-se d’o sistema ta especular. Simplament, heban confiau o triballo de tota la vida a qui pensaban que no lis podeba fer burro falso.

Por ixo, no ye estranio que Inmaculada, que heba invertiu os diners que recibió por l’accident d’o suyo mariu, ya muerto, lis adedicase, sin importar cosa que a mia camara estase debant d’ella, istas parolas que tos transcribo tarcual mos las dició.

Me han pescado 64000 euros. Firmes o no firmes estáis copados…y ¿por qué? Si esto me lo quedó mi marido por un accidente de tráfico, no lo he robado y ellos sí. Son ladrones, criminales, canallas, porque si no fueran criminales esto nos lo daban y son unos criminales, ¿qué han hecho? Ladrones, canallas, macarras, cornudos, hijos de una puta, no tienen padres conocidos, si tuvieran padres conocidos, estarían honrados y ellos no la tienen.

Con a suya capeza, as nuestras libertatz

Jueves, diciembre 20, 2012 10:24
Publicau en a categoría purnas


En 1591 un exercito castellan plegaba en Aragon, se enfrontinaba en Epila a una banda achuntata por bells nobles aragoneses y dentraba en Zaragoza sin garra oposición. Asinas remataba un d’os episodios mas tristes d’a nuestra historia. Por esfender a un convicto, Antonio Perez, Aragon facio una crida a os suyos dreitos y institucions. Pero no tenio a fuerza ta esfender-los.

Con a capeza de Juan de Lanuza, “O mozo”, cayeban a tierra buena parti d’os fueros d’o pais, retallaus en Tarazona a l’anyo siguient por Felipe I d’Aragon, II de Castiella. Con a suya capeza rodaban tamien os tiempos en os que Aragon sabeba esfender os suyos fueros y o suyo pasau y present. Con as capezas talladas y amostradas mientres meses d’os nobles rebeldes s’amostraba tamién una parti d’a fin d’o país.

Un historiador frances esplanicaba en o sieglo XIX: “Os aragoneses, yeran y son, un pueblo que guarda o suyo pasau y a suya historia, y curoso con as suyas libertatz y chusticias, pero en ixe tiempo, encara que argüellosos d’a suya libertat ganada, no sabioron esfender-la

En Zaragoza, mientres os soldaus castellans feban guardia en o cadalso, os ciudadans s’amagaban en as casas suyas. Nomás que a boira estió testimonio de l’astral que li tallo a capeza a o Chusticia. Huei, 421 anyos dimpues, se remera a figura d’o Chusticia. A suya estatua preside una centrica plaza de Zaragoza, huei se levaran flors y banderas y os aragoneses han tornau a fer d’o Chusticia un simbolo y una institucion publica…o simbolismo de l’acto queda en ixo, y os huellos parixen querer veyer, encara, os cuerpos podrius d’os muertos que penchoron d’as murallas ta remerar a os aragoneses que no heba de debantar-se contra os forans y o rei.

Nos que somos tanto como vos, pero juntos más que vos, os hacemos principal entre los iguales, con tal que guardéis nuestros Fueros y libertades, y si no, no

Entalto Aragón Libre! Independencia!

15-D Inundemos a CHE

Miércoles, diciembre 12, 2012 9:44
Publicau en a categoría purnas

Con iste video con as parolas de muita bienquiesta chent d’Artieda y solidarios con o lugar mos claman a manifestar-nos o venient sabado 15 devant d’a CHE, principal culpable de l’expolio que ye sufrindo Artieda y d’as agresions policials d’o zaguer octubre. Artieda ye un lugar vivo que continará vivindo. Yesa no pas! Artieda no rebla!

 

Soniando en o mar

Martes, noviembre 20, 2012 14:48
Publicau en a categoría prexinando, purnas

A placha de Platja d'Aro, de maitins

A placha de Platja d’Aro, de maitins

Os humans d’interior mos miramos a mar una mica de bislai. Ixe horizont infinito mos enlucernia como nomás a infinitut d’as nuestras planas y disiertos fan.  Os nuestros disiertos y planas mos apegan a la tierra, y mos fan pensar en os quefers y triballos que mos quedan a fer ta creyar espacios nuevos y vitals. Pero la mar, “ai, la mar”, mos enlucernia d’atra traza. Mos fa soniar en futuros y  pasaus, mos desapega d’o present y mos carria con o suyo ritmo enta os nuestros prexins.

Yo soi un hombre d’interior. D’interior d’un país que ye interior. D’interior d’una ment que ye interior. Y debant d’a mar, y digo a mar porque m’agana, os mios uellos se fan luminetas, como os d’os ninos quan lis fan un present ta reis. Me’n deixo levar por as olas y me veigo volando por baixo l’augua. Ye un esconxuro que me  fa vuedar os pensamientos negros y m’imple de mundos posibles. No fa guaire soniaba con una placha asinas, y encara que no ye a mesma placha, y encara que en ista placha de Platja d’Aro yera yo solenco, no podié evitar pensar en as sensacions que me deixan bells suenios.

Ayer me miraba de fito en fito un punto cualsiquier en ixa mar que me redolaba. Deixé dezaga a unidat movil con que hebanos de ninviar as imachens d’un crimen, deixé a os companyers difuera d’a mia anviesta, y me capucé en a mar con a fuerza d’os suenios. En os tiempos d’antis mas esnavesar a mar yera aventura, y si hue somos aquí ye porque bells homo sapiens sapiens tenioron a fuerza y a valura de chitarse a navegar con barcas de fusta mal atrapaziadas.

Dimpués d’a mar dicen que bi’n ha tierra an que aterrizar-se.

Casamuda y paismuda

Domingo, noviembre 18, 2012 11:53
Publicau en a categoría prexinando, purnas

O balcón de casa mía

O balcón de casa mía

A primer vegada que venié ta Barcelona sabendo qué feba estió en 1996 u 1997, no lo remero guaire. Venibamos os pais y yo en o 127 familiar que adugaba la mai. L’auto se quedó aturau en plegando a lo peache que i heba en El Vendrell. L’auto se quedó en un taller d’allá y nusatros veniemos enta Barcelona en un taxi Mercedes que mos deixó en l’Eixample, en a carrera Calabria con Gran Vía an que i heba l’hotel, muit amán d’o puesto an que agora vivimos Sputnik y yo. D’ixos diyas remero que a ciudat m’enlucernió. Coincidiba que yera La Mercé, y que indo solenco a bell concierto una colla de chent m’acullió ta salir de borina con ells. Tamién conoxié un bar que se deciba “Los de Aragón” y que risultó ser un bar gay.

Continé tornando-ie dende ixe primer viache, porque ya Barcelona m’heba empliu una parti d’a mia vida. Con o pasar d’o tiempo torné ya ta quedar-me, con totz os mios libros en a pocha, y a vida me levó unatra vegada ta Zaragoza en 2006. En os seis anyos que he pasau en Zaragoza, y por muitas razons, siempre he teniu una parti d’a mia cabeza a l’atra banda d’o disierto. 6 anyos vivindo en Zaragoza con parti de l’esmo en Barcelona. Y a la fin, fa tres meses, se dio la oportunidat de tornar-ie. Y aquí soi. Con ixe balcón de dos banderas que son a mesma bandera con as estrelas en puestos diferents.

Aquí vivimos agora Sputnik y yo. En un piso en que ya heba estau y an cal puyar 7 pisos d’escalas. Amán d’o puesto an que estié dormindo a primer vegada que estié en Barcelona. Un piso en que tres meses dimpués ya conoixco an son os interruptors d’a luz quan i soi a escuras. En un vico una mica especial pero an que en o bar de baixo casa ya saben qué café quiero fer de maitins y que biera de nueitz. Amán d’una estación de metro que ya conoixeba y que marca o prencipie d’a chornada laboral. Amán, tamién d’a parada d’un bus que tamién teneba amán en Zaragoza, a d’o 20, que en Zaragoza no agafé nunca y que en Barcelona he agafau menos d’o que habría d’haber feito y que m’aganaría d’agafar muito más.

Prou que no ye a mesma Barcelona que deixé quan marché en 2006, igual que yo no soi o mesmo de fa 6 anyos. Prou que encara soi fendo os trangos que amenisto ta tornar a sentir-me parti d’ista ciudat que me agafó por l’esmo ya fa tantos anyos. Prou que agora, con mas desperiencia, pero tamién con mas inseguridatz laborals, o ritmo d’a mia vida barcelonesa ha cambeau. Prou que, agora que vivo en Barcelona, tamién trobo a faltar muitas cosas de Zaragoza. Pero a vida ye un camin que no s’atura y que tien fitos que mos marcan ta cutio. Imos cambeando con o tiempo, pero i ha cosas que siempre remanen, siempre mos quedan, siempre mos remeran y remeramos. Puestar que o mio destín siga ser barcelonés en Zaragoza y zaragozano en Barcelona.

Puestar porque, como una vegada me esplanicó a mia mai, fa muitos anyos ufrioron un triballo a o pai en Barcelona, antis de que yo naixese. Ells no se decidioron a fer casamuda. Yo hese naixiu barcelonés, y puestar, por ixo, qui ha tornau a fer casamuda enta aquí he estau yo, ya naixiu, creixiu, y feito un hombre adulto. Y puestar por ixo que d’un tiempo dica agora suenio asobén con o pai. No con a suya muerte, ni con o feito que ya no i siga, sino con esplanicar-li as cosas que me pasan, fer gambadas con ell y con atros suenios, alufrar o mar pensando a vida y sentindo que cumplo o prochecto de vida que ell no fació.

“También los trabajadores tenemos responsabilidad de lo que está pasando, porque no hemos actuado a tiempo”

Viernes, noviembre 16, 2012 17:51
Publicau en a categoría purnas

Laurentino, en vada de fambre por un companyer

Laurentino, en vada de fambre por un companyer

Iste hombre que ye con o dito puyau ye Laurentino. De conchunta con atros companyers de Telefonica ye fendo una vada de fambre ta aconseguir que readmitan a Marcos, a qui han forachitau d’o triballo. L’atro diya, o 14N estié grabando una entrevista con ista chent que ha decidiu fer un acto arriscau ta salvar o puesto de triballo d’un companyer. Grabemos allora a Laurentino unas declaracions sobre o sentiu que teneba fer ista aicción y atras muitas cosas. No tos puedo meter o video, en que se i veye a sinceridat d’as parolas de Laurentino. Tanto me plegó o que diciba, que en un acto igual no guaire profesional, en que remató deixé a camara en o sulero y li facié un abrazo. Tos copio, tarcual as sentié, as parolas de Laurentino ta que veigatz porqué a dignidat ye una d’as cosas más importants d’ista vida.

Hay que pararles los pies a esta casta de corruptos que nos gobiernan por arriba, en empresas, en bancos y en gobiernos y defender a la clase más humilde de este país, que a unos los están echando, a millones, de los trabajos, a centenares de miles de sus viviendas. Y una sociedad que abandona a los más débiles, a los miembros más débiles de esa sociedad, va camino del fascismo. Y nosotros decimos que la lucha no sólo es por Marcos, la lucha es para denunciar todo lo que está pasando e intentar que vosotros, los más jóvenes, tengáis una vida más digna porque sentimos vergüenza de la vida que os estamos entregando. También nosotros, los trabajadores, tenemos responsabilidad de lo que está pasando. Porque no hemos actuado a tiempo, porque no nos hemos enfrentado a tiempo, pero yo digo, aún estamos a tiempo de enfrentarnos. Pero yo me siento responsable también de lo que os estoy entregando, porque yo recibí un puesto digno de trabajo no porque lo conquistara yo, porque los anteriores me lo dieron. Y yo tengo el deber de daros a vosotros lo mismo que he recibido, a ser posible mejorado. Y eso es lo que hoy no estamos haciendo, por tanto no estamos a la altura, la clase obrera, de lo que está pasando”

Os simbolos y a identidat

Viernes, agosto 24, 2012 11:49
Publicau en a categoría purnas

Istos diyas, mientres tot l’afer de l’Ecce Homo de Borcha, tamién s’ha feito publica a nueva marca institucional d’Aragón, empentada por o gubierno y feita por os disenyadors aragoneses Paco Bonel y Isabel Narro de Profesor Moriarty. Ye curioso que en meyo d’una crisi economica que ye afectando a os servicios alazetals, o gubierno haiga decidiu de fer un nuevo logo institucional ta las suyas campanyas, con diners publicos, prou que sí. Fueras de l’encierto u no d’o nuevo disenyo, una A chigant con un tochet, a nueva marca institucional no tiene garra referent aragonés. Ye una A, que puede estar d’ababol, d’Andalucia u de Alicia y un tochet, que si ye en a “A” pareixe refirmar os topicos sobre ixo que dicen d’os de Zaragoza que metemos acento en totas as vocals d’a ciudat. No se veyen as colors d’Aragón que han alcompanyau a iste país dende fa mil anyos, por eixemplo, ni garra atro simbolo que premita saber que ye ixa A.

No ye una sospresa, porque dende fa sieglos, bi’n ha una corrient de pensamiento en Aragón, d’aragoneses y de atros que han veniu de fuera, ta sacar tot cenyo d’identidat a lo país. Por ixo agora a Universidat de Zaragoza quiere fer un diccionario de “l’espanyol d’Aragón” con totz os repuis de l’aragonés que femos servir os castellanofablants aragoneses. Por ixo, a presidenta Rudi se cuida de dicir siempre “a comunidat aragonesa”, “a comunidat autonoma”, “a tierra”…y li cuesta prou de dicir nomás que Aragón. Y ni charrar-ne de dicir “país”, ye de dar. Por ixo, o cabo d’anyo d’os Sitios de Zaragoza se facioron baixo lo sinyal d’Espanya quan qui resistió lo fació clamau por as Cortes d’Aragón. U se rebaixa o folklore a la jota. U se trafucan luengas y parlaches en programas d’a televisión que pagamos totz.

Os simbolos no son a identidat, pero si que la ripresentan, y no ye casual que hue, por eixemplo, l’Heraldo d’Aragón haiga feito a noticia sobre a primer etapa d’a Vuelta a España que pasa por Aragón baixo ista fotografía de l’unico corredor aragonés, Ángel Vicioso, baixo un sinyal d’España.

Pero no sería porque ni bi’n heba de sinyals d’Aragón, como deixan veyer istas dos fotos, una de Reuters y unatra d’EFE.

Que l’Heraldo, o diario más important d’o país, trigue una bandera d’Espanya no ye casual. Que EFE u Reuters triguen unatra foto, an se veyen banderas aragonesas (estreladas, con escudo y sin escudo), tampoco. Puestar en Heraldo s’haigan pensau que o simbolo fa la identidat, y cal deixar claro que os aragoneses somos espanyols, y por ixo, no nomás ye una bandera d’Espanya, ye con un ciclista aragonés y con un sinyal espanyol an que mete “Jaca”, y muit poco publico arredol. Puestar, manimenos, que EFE y Reuters nomás haigan apostau por as fotos an se bi veye a masiva presencia de publico. No ye casualidat. Ni una cosa y tampoco no l’atra.

Artieda, un lugar que luita, canta y baila

Martes, agosto 14, 2012 10:53
Publicau en a categoría purnas

Son más de 50 anyos luitando contra l’entibo de Yesa, en primeras, y contra o suyo recreiximiento dimpués. Tres cheneracions d’Artieda, unidas por l’esprito d’a luita contra qui quiere fer-los marchar de casa suya, d’o suyo lugar, d’o suyo espacio, d’a suya historia. Anyos de luita contra las expropiacions, as menazas, os decretos, as declaracions d’os politicos, o disprecio d’atros aragoneses. Pero terne que terne, Artieda contina sin reblar. A suya luita contina porque ye una luita transversal que pasa por todas as presonas que viven en o lugar u que bella vegada mos i hemos amanau. Porque l’esprito de luita d’os y d’as d’Artieda no ye ta ells solos, que se pasa d’un t’atro y se te fica en o corazón y en a cabeza.

Si ells han puesto concarar as pinyoras, as ocupacions, as expropiacions y continar luitando, cantando y bailando ye porque luitan por casa suya, y son un eixemplo ta totz y todas de que cal continar resistindo as enrestidas y a la vegada, con a cabeza bien alta, continar esfrutando d’a vida y d’os espacios comuns. Hue, como dende fa tanto tiempo, podemos continar dicindo “Yesa, no!” porque a dignidat imple a caramuello os corazons d’Artieda y no han quiesto marchar ni s’han deixau forachitar. Y por ixo cantan, bailan, chilan y creyan un lugar que ye un mirallo que ni ye ni será crebau.

Azaña y o Consello d’Aragón

Lunes, agosto 13, 2012 12:08
Publicau en a categoría purnas

O zaguer sabado 11 d’agosto se feban 75 anyos d’a disolución d’o Consello d’Aragón, por orden d’o gubierno d’a Republica espanyola y feito por as tropas d’o comunista Lister. Fa pensar que en iste país que fa grans fiestas en bells feitos historicos (os Sitios de Zaragoza, o Compromiso de Caspe…) o 75 cabo d’anyo d’a destrucción de l’unico gubierno autonomo aragonés dende 1707 no ha teniu garra repercusión ni dende o gubierno, prou que no, ni en os meyos de comunicación, ni en buena parti d’a sociedat.

Tropas de Lister ocupando Caspe

Tropas de Lister ocupando Caspe

Pero la intinción d’iste post no ye remerar ixa experiencia de gubierno libertario (sí, suena rarizo, pero ye asinas) y autonomo, con todas as suyas luces y uembras, sino trucar o ficacio en as intincions de qui acotoló ixe modelo, o gubierno republicano espanyol, con a suya bandera tricolor que beluns aragoneses encara fan servir en manifestacions y actividatz varias. A republica espanyola d’a guerra no yera la mesma que se creyó en 1931, por a situgación belica y por a puyada d’a influencia d’os comunistas, pero bells d’os personaches si que estioron os mesmos.

Os tanques d'a Republica espanyola ocupando Caspe

Os tanques d'a Republica espanyola ocupando Caspe

Por eixemplo, o president Manuel Azaña. Os suyos diarios deixan veyer que permitió que l’exercito republicano ocupara Caspe, capital d’o Consello, detenese a o president Joaquín Ascaso y acotolase una experiencia unica en o mundo, como estió lo Consello d’Aragón. Os diarios amuestran un gran clasismo, un component mesmo mesianico como unico salvador d’a Republica espanyola contra totz os entrepuces, y mesmo ciertas dosis de antiaragonesismo, amás, de, prou que sí, un refús intenso contra o movimiento libertario. Resulta curioso, tamién, comprebar, que os prechudicios contra o gubierno autonomo aragonés no yeran iguals contra os atros gubiernos autonomos que feban y desfeban en ixa Republica de guerra, o catalán y o vasco.

Manuel Azaña, president d'a Republica espanyola

Manuel Azaña, president d'a Republica espanyola

Diz en os suyos diarios Azaña que “o Consello d’Aragón ye un más d’os entrepuces” que ha de sufrir en cuentas d’aduyar ta ganar a guerra. Diz que bells cargos d’o Consello yeran poco más que criados fa no guaire. Diz que o president d’a Republica no ha de recibir a os ripresentants d’o Consello d’Aragón una vegada que s’ha decretau a suya declaración. Diz y diz. Pero millor que siga ell qui mos aclare qué pensaba sobre Aragón, o Consello y os aragoneses.

En Benasque, las gentes del valle, acudieron a la raya a convencerse de que otra vez ondeaba la bandera nacional. Como allí se han mandado carabineros, los sacripantes del Consejo de Aragón, creación de Galarza, se permitieron no darse por enterados. Con este motivo le he preguntado al Presidente (del gobierno) cuando disuelve este Consejo, sustituyéndolo por uno o varios gobernadores. Está dispuesto a hacerlo. Y a meterlos en la cárcel, para lo que hay motivo sobrado, en particular respecto de Ascaso. He sabido con asombro que uno de los “consejeros” (entre cometas en l’orichinal) de Aragón es un sujeto que fue chauffeur mío en Madrid, en 1935. Ahora gobierna en Caspe como sucesor de don Martín el Humano. Los consejeros, con Ascaso, han venido a Valencia para tratar con el Gobierno. Ni el Presidente, ni los ministros, los han recibido. Bien está, pero hay que suprimir el Consejo.

Asinas pensaba Azaña, o bienquiesto Azaña, d’o Consello d’Aragón. En as siguients dentradas d’o suyo diario tamién lis clama “banda”, se pena que no detenesen a Ascaso en a visita a Valencia, y respira tranquilo quan o president d’o gubierno espanyol li asegura que ninvian 11 batallons, comandaus por Lister contra o Consello d’Aragón. Unatra ocupación, como en 1591, en 1707, en 1808, y como la que dende o 1936 empentaba dende l’occident d’Aragón con as tres capitals en mans d’os faixistas.

Puestar ya ye hora de meter en valor lo que suposó o Consello d’Aragón, más que más, en Aragón. Con as suyas errors y as suyas virtutz, pero como experiencia unica, de raso aragonesa, d’autogubierno libertario y colectivista. Y ta ello, agora que se fan 75 anyos d’a suya ocupación militar, no ye de más remerar una d’as suyas declaracions d’intencions politicas. En letras d’oro.

El Consejo de Aragón aparece, por la voluntad del pueblo aragonés liberado del fascismo, como exponente de su propia singular personalidad que resurge, a través de siglos de sometimiento a un poder despótico y centralizador.

Arredol (y yo mesmo) en l’Info Occità de BTV

Lunes, julio 16, 2012 19:00
Publicau en a categoría de l'aragonés, purnas


www.btvnoticies.cat

L’atro diya que yera por Barcelona, Ferriòl Macip, de Jornalet y de l’Info Occità Aranès de BTV me fació ista entrevista en o bar occitán Jan Petit de Barcelona. En charremos d’Arredol, d’a lei de luengas y de l’emplego d’as nuevas tecnolochías como parti vital ta las luengas minorizatas, como l’occitán u l’aragonés.

Pachina 2 de 21412345...101520...Zaguera »