Os uellos d’o mundo en Escocia

Miércoles, septiembre 17, 2014 17:42
Publicado en la categoría periodismo, purnas

Como yo, un periodista aragonés que triballa en Catalunya ta una televisión espanyola, decenas, centenars de periodistas de tot o mundo son istos diyas por Escocia. Iste referendum tiene bella cosa especial. Escocia ye un país que ye en l’imachinario d’o mundo, y por ixo iste referendum no ye cualsiquier referendum. Afecta amás a la Unión Europea, y en especial, a o Reino Unito, una d’as potencias economicas y politicas tradicionals.

Por ixo istos diyas por as carreras d’Edimburgo, m’he trobau periodistas chinos, chaponeses, holandeses, americans, espanyols, catalans, vascos, franceses, coreans, italians… Con bells d’ells he estau charrando d’as implicacions d’ista votación, con atros, d’o folklorismo simpatico que siempre tienen os escoceses en o pensamiento colectivo, con atros más, mesmo d’as implicacions ta la resta d’Europa y en especial, ta l’Estau espanyol.

Os escoceses se miran iste desembarco pacifico de bislai, porque ta ells ye important o referendum sin importar que piense o mundo. Han feito una achuga por votar, por creyer-se que pueden continar entabant como pueblo. Decidan Aye o Naw, os uellos d’o mundo son sobre ells, pero ells, arguellosos como pueblo que son, piensan poco en as implicacions ta lo mundo, fueras de bella referencia a “hemos de ser eixemplo t’atros pueblos”, a realidat ye que os escoceses son autoconscients de que, qui y como son. Y agora decidirán qué, qui y como querrán ser. Y periodistas de tot o mundo esplanicarán lo que puedan en decenas de luengas, mesmo en ista chicota luenga aragonesa que se mos eslampa de dentre las mans enta la suya muerte.

Puedes dejar una respuesta, o un trackback desde tu sitio.

6 Respuestas to “Os uellos d’o mundo en Escocia”

  1. Bitacoras.com says:

    septiembre 17th, 2014 at 17:46

    Información Bitacoras.com

    Valora en Bitacoras.com: Como yo, un periodista aragonés que triballa en Catalunya ta una televisión espanyola, decenas, centenars de periodistas de tot o mundo son istos diyas por Escocia. Iste referendum tiene bella cosa especial. Escocia ye un p…

  2. Os uellos d’o mundo en Escocia - AraInfo says:

    septiembre 18th, 2014 at 7:08

    […] Chorche Romance | Publicado en Purnas […]

  3. A voz d’a carrera (Escocia diya 2) - AraInfo says:

    septiembre 18th, 2014 at 10:24

    […] [Chorche Romance dende Edimburgo. Publicado en Purnas] […]

  4. No ye identidat, ye autoesfensa (Escocia diya 1) - AraInfo says:

    septiembre 18th, 2014 at 10:24

    […] [Chorche Romance dende Edimburgo. Publicado en Purnas] […]

  5. Asinas han ubierto los colechios (Escocia decide) - AraInfo says:

    septiembre 18th, 2014 at 10:28

    […] [Chorche Romance dende Edimburgo. Publicado en Purnas] […]

  6. O Sí estió en a carrera pero no en prou votos (Escocia, o diya dimpués) - AraInfo says:

    septiembre 19th, 2014 at 16:16

    […] [Chorche Romance dende Edimburgo. Publicado en Purnas] […]

Dixa un comentario