Os simbolos y a identidat

viernes, agosto 24, 2012 11:49
Publicado en la categoría purnas

Istos diyas, mientres tot l’afer de l’Ecce Homo de Borcha, tamién s’ha feito publica a nueva marca institucional d’Aragón, empentada por o gubierno y feita por os disenyadors aragoneses Paco Bonel y Isabel Narro de Profesor Moriarty. Ye curioso que en meyo d’una crisi economica que ye afectando a os servicios alazetals, o gubierno haiga decidiu de fer un nuevo logo institucional ta las suyas campanyas, con diners publicos, prou que sí. Fueras de l’encierto u no d’o nuevo disenyo, una A chigant con un tochet, a nueva marca institucional no tiene garra referent aragonés. Ye una A, que puede estar d’ababol, d’Andalucia u de Alicia y un tochet, que si ye en a “A” pareixe refirmar os topicos sobre ixo que dicen d’os de Zaragoza que metemos acento en totas as vocals d’a ciudat. No se veyen as colors d’Aragón que han alcompanyau a iste país dende fa mil anyos, por eixemplo, ni garra atro simbolo que premita saber que ye ixa A.

No ye una sospresa, porque dende fa sieglos, bi’n ha una corrient de pensamiento en Aragón, d’aragoneses y de atros que han veniu de fuera, ta sacar tot cenyo d’identidat a lo país. Por ixo agora a Universidat de Zaragoza quiere fer un diccionario de “l’espanyol d’Aragón” con totz os repuis de l’aragonés que femos servir os castellanofablants aragoneses. Por ixo, a presidenta Rudi se cuida de dicir siempre “a comunidat aragonesa”, “a comunidat autonoma”, “a tierra”…y li cuesta prou de dicir nomás que Aragón. Y ni charrar-ne de dicir “país”, ye de dar. Por ixo, o cabo d’anyo d’os Sitios de Zaragoza se facioron baixo lo sinyal d’Espanya quan qui resistió lo fació clamau por as Cortes d’Aragón. U se rebaixa o folklore a la jota. U se trafucan luengas y parlaches en programas d’a televisión que pagamos totz.

Os simbolos no son a identidat, pero si que la ripresentan, y no ye casual que hue, por eixemplo, l’Heraldo d’Aragón haiga feito a noticia sobre a primer etapa d’a Vuelta a España que pasa por Aragón baixo ista fotografía de l’unico corredor aragonés, Ángel Vicioso, baixo un sinyal d’España.

Pero no sería porque ni bi’n heba de sinyals d’Aragón, como deixan veyer istas dos fotos, una de Reuters y unatra d’EFE.

Que l’Heraldo, o diario más important d’o país, trigue una bandera d’Espanya no ye casual. Que EFE u Reuters triguen unatra foto, an se veyen banderas aragonesas (estreladas, con escudo y sin escudo), tampoco. Puestar en Heraldo s’haigan pensau que o simbolo fa la identidat, y cal deixar claro que os aragoneses somos espanyols, y por ixo, no nomás ye una bandera d’Espanya, ye con un ciclista aragonés y con un sinyal espanyol an que mete “Jaca”, y muit poco publico arredol. Puestar, manimenos, que EFE y Reuters nomás haigan apostau por as fotos an se bi veye a masiva presencia de publico. No ye casualidat. Ni una cosa y tampoco no l’atra.

Puedes dejar una respuesta, o un trackback desde tu sitio.

6 Respuestas to “Os simbolos y a identidat”

  1. Bitacoras.com says:

    agosto 24th, 2012 at 11:51

    Información Bitacoras.com…

    Valora en Bitacoras.com: Istos diyas, mientres tot l’afer de l’Ecce Homo de Borcha, tamién s’ha feito publica a nueva marca institucional d’Aragón, empentada por o gubierno y feita por os disenyadors aragoneses Paco Bonel y Isabel Narro de ……

  2. Fernando says:

    agosto 24th, 2012 at 12:06

    Observa la bandera de Huesca en la foto del Heraldo…
    No se cómo interpretarla: ¿casualidad? ¿dualidad españolismo-localismo?

  3. Chesus says:

    agosto 27th, 2012 at 12:44

    Fernando, á ixo yo lo clamaría baturrismo u rechionalismo que ye d’a mesma mena. Istos “espanyolaires” tienen platero que cal acotolar u esbafar os simbolos d’a nuestra tierra, d’a patria nuestra, ta fer-nos formar parte d’a masa amorfa espanyola.
    D’atro canto, a Guerra Napoleóna, reniego clamar-la de”Independencia”, chito as chents aragonesas á brazos d’os Borbons y de Espanya, quant@s valiens muertos ta esfender os privilechios d’a Ilesia y á ixe carnuz somardon de Fernando VII . O nuestro patrimonio estricallau, una estroza economica total….
    Solo cal prexinar como sería Zaragoza agora, una ciudat monumental

  4. Manuel Trujillo says:

    septiembre 9th, 2012 at 17:37

    Uno d’os millors articlos que he leyiu istos zaguers tiempos. Parabiens.

  5. 39escalones says:

    septiembre 27th, 2012 at 8:36

    La identidad es el espejismo, la coartada, de los mediocres, una apología de la ignorancia, del analfabetismo político e ideológico. Un insulto a la inteligencia.

  6. Chorche says:

    septiembre 27th, 2012 at 12:25

    Totz tenemos una, d’identidat…seguntes ixo, totz somos mediocres, ignorants, analfabetos y insultamos a intelichencia. No se yo.

Dixa un comentario