Por justo derecho de conquista

viernes, junio 29, 2012 12:52
Publicado en la categoría purnas

En un diya como hue de 1707 Aragón perdeba a presonalidat churidica propia y pasaba a fer parti d’o Reino d’Espanya. Tresbatiba asinas o país a suya independencia de facto baixo un mesmo rei, y meteba fin a 800 anyos d’historia d’un reino que heba teniu un esnavesar propio dentre totz os reinos d’Europa. No ye casualidat que iste feito no haiga estau tractau intensament por a historiografia aragonesa, siempre más adedicada a contrimostrar o paper d’Aragón en a configuración d’Espanya que no pas en a historia propia d’o Reino. Por ixo istos diyas son fendo tanto rudio con o Compromiso de Caspe, que meteba os alazetz ta la integración aragonesa en a corona espanyola, y que deixaba dentrar a una dinastia forana, d’un pais forano, y con que menos d’un sieglo antis encara yera en contina guerra con Aragón. En o Compromiso se truca o ficacio sobre “a concordia” dillá d’os feitos d’armas, pero no sobre o paper d’a Ilesia, o que suposaba de deixar dentrar a uns foranos en casa y mesmo a propia deriva castellanista d’o Reino.

Manimenos, ixa mesma historiografia no esplanica que 300 anyos dimpués, as tropas d’un rei Borbón, o primer d’ells, y con base en o centralismo francés, sacaba os dreitos y fueros d’o Reino de l’ordinamiento churidico y esferraba ta cutio a independencia sostenida baixo una mesma Corona y que ya unatro rei, Austria en iste caso, ya heba prebau d’acotolar en 1591. Y quan Felipe de Borbón fació os suyos decretos de Nueva Planta no lo fació por amor a o Reino, de seguras que no, sino por siguir o modelo d’o suyo orichen francés y por sacar totz os cenyos churidicos y identitarios que encara alzaba (baixo siet claus) l’antigo Reino d’Aragón. Y lo dició bien platero en a redacción.

Considerando haber perdido los Reinos de Aragón y de Valencia, y todos sus habitadores por el rebelión que cometieron, faltando enteramente al juramento de fidelidad que me hicieron como a su legítimo Rey y Señor, todos sus fueros, privilegios, exenciones y libertades que gozaban y que con tan liberal mano se les habían concedido, así por mí como por los Señores Reyes mis predecesores, particularizándolos en esto de los demás Reinos de esta Corona; y tocándome el dominio absoluto de los referidos reinos de Aragón y de Valencia, pues a la circunstancia de ser comprendidos en los demás que tan legítimamente poseo en esta Monarquía, se añade ahora la del justo derecho de la conquista que de ellos han hecho últimamente mis Armas con el motivo de su rebelión; y considerando también, que uno de los principales atributos de la Soberanía es la imposición y derogación de leyes, las cuales con la variedad de los tiempos y mudanza de costumbres podría yo alterar, aun sin los graves y fundados motivos y circunstancias que hoy concurren para ello en lo tocante a los de Aragón y Valencia.

Por dreito de conquiesta. Por as armas. Con luita y guerra, que tenió firmes eixemplos en o territorio d’o Reino, como a batalla de Zaragoza, en 1710, y con a fin d’una guerra que encara continó enta par de Catalunya, pero que suposó a muerte y l’exilio ta os austracistas aragoneses, uns d’os grans ixublidaus d’a historia aragonesa, y que estión estudiados dentre atros, por Ernest Lluch, y muit poco por os historiadors aragoneses. Hue ye un diya triste ta os aragoneses conscients, os que encara sabemos que somos un pais conqueriu por “justo derecho de conquista” y que no entendemos a capacidat de muitos aragoneses ta creyer que a formación d’o Reino d’Espanya se fació porque yera “una unidad de destino en lo universal” que heba de formar-se sí o sí. Conquerius, pero no chusmesos, encara somos aquí ta remerar lo que estiemos y lo que un diyas podriamos tornar a estar.

Puedes dejar una respuesta, o un trackback desde tu sitio.

Una respuesta to “Por justo derecho de conquista”

  1. Bitacoras.com says:

    junio 29th, 2012 at 12:54

    Información Bitacoras.com…

    Valora en Bitacoras.com: En un diya como hue de 1707 Aragón perdeba a presonalidat churidica propia y pasaba a fer parti d’o Reino d’Espanya. Tresbatiba asinas o país a suya independencia de facto baixo un mesmo rei, y meteba fin a 800 anyos dâ…..

Dixa un comentario