Lázaro Carreter y o castellán como luenga invasora

Lunes, junio 4, 2012 11:07
Publicado en la categoría de l'aragonés, purnas

Fernando Lázaro Carreter en 1971

Fernando Lázaro Carreter en 1972

Un d’os mios quefers de domingo ye fer una gambadeta por o rastro (antis d’a plaza de toros, agora d’o parking d’a Expo) u la plaza Sant Bruno. No goso fer uellos en atra cosa que no sigan os libros. En o rastro trobas, por eixemplo, muitos libros en aragonés y catalán, vuedaus de qui sape que biblioteca. En Sant Bruno, os libros son atros, y gosan d’estar una mica millor conservaus. En una d’ixas gambadetas de domingo me trobé ahiere con o “Diccionario de términos filológicos” de Lázaro Carreter. Como que tiengo a delera agora de fer bella cosa rilacionada con a filolochía lo merqué. Perteneixeba a Piluca Blasco Valentí, de COU A, como diz a tapa d’o libro, ye embolicau por un plastiquet transparent y ye a tercera edición d’un diccionario que prencipió a publicar-se en 1953. La que tiengo agora ubierta ye d’o 1971.

Lázaro Carreter, zaragozano y zaragocista, habió d’estar un tipo curioso. Con un aimor por a luenga castellana que li feba escribir cosas como “El dardo en la palabra”, habió de tener unatro aimor paralelo t’atras luengas, y luén d’a seriosidat academica un mundo tamién paralelo y tamién intresant. Asinas, rechirando por astí he trobau por eixemplo iste discurset en esfensa d’a concordia idiomatica. Como tamién he trobau, cosa que no sabeba, que Lázaro Carreter con seudonimo, estió lo guionista de “La ciudad no es para mí” de Paco Martínez Soria. Con istas referencias ya no m’estrania guaire que iste diccionario de 1953 fuya d’o que habría de ser pensamiento unico en ixa epoca y encara hue en bellas partis, mesmo academicas.

Por meter eixemplos, isto ye lo que diz de l’aragonés:

El aragonés ha cedido mucho terreno al castellano; sin embargo, hasta en las grandes ciudades, los hábitos lingüísticos, fonéticos sobre todo, tiñen el idioma invasor. Sus fronteras con el catalán y valenciano son mejor conocidas que las que tiene con el castellano. En el dominio aragonés moderno los rasgos más vivos se encuentran en las hablas pirenaicas.

Y isto lo que diz d’o valenciano, d’o lemosín y d’o catalán

Valenciano. Vid. catalán y lemosín

Lemosín. (…) También se aplicó el término lemosín para designar al catalán y todos sus dialectos. El trabajo posterior de los filólogos, demostrando que tal lengua no deriva de la Provenza, y mostrando las verdaderas relaciones que ligan al valenciano y al mallorquín en el seno del catalán.

Catalán. Idioma hablado en Cataluña, Valencia, Baleares, Rosellón y Alguer. Su límite con el aragonés es muy poco preciso desde los Pirineos hasta Benabarre, Purroy y Calasanz; se perfila mejor desde Támarite a Lérida y Fraga. Su línea de contacto con el castellano, en Valencia no coincide con la frontera administrativa de las tres provincias (…) El catalán occidental comprende el leridano (Andorra, Lérida, salvo Arán, Cerdaña, O. y S. de Tarragona; N. de Castellón; una larga y estrecha faja al E. de Aragón, y el valenciano.

Repito l’anyo, 1971, a lo menos en a edición que en tiengo. No he visto la de 1953, por o que no se si ista parti ye nueva d’os anyos 70 u ya amaneixeba en as más antigas. Y encara hue os politicos que mos gubiernan, y buena parti d’una sociedat ye metendo en custión o que charra la chent que charra catalán, y mesmo la propia existencia de l’aragonés. Y asinas mos va.

Puedes dejar una respuesta, o un trackback desde tu sitio.

2 Respuestas to “Lázaro Carreter y o castellán como luenga invasora”

  1. Bitacoras.com says:

    junio 4th, 2012 at 11:09

    Información Bitacoras.com…

    Valora en Bitacoras.com: Fernando Lázaro Carreter en 1972 Un d’os mios quefers de domingo ye fer una gambadeta por o rastro (antis d’a plaza de toros, agora d’o parking d’a Expo) u la plaza Sant Bruno. No goso fer uellos en atra cosa que no ……

  2. Lázaro Carreter sobre el català, el valencià, i el català a la Franja - La Franja says:

    junio 4th, 2012 at 18:14

    […] N. de Castellón; una larga y estrecha faja al E. de Aragón, y el valenciano. Llegiu més: http://www.purnas.com/2012/06/04/lazaro-carreter-y-o-castellan-como-luenga-invasora/#ixzz1wqFUeU1Y none Leave a comment […]

Dixa un comentario