Arredol: Fendo posible a normalidat d’una luenga

Jueves, abril 26, 2012 11:11
Publicado en la categoría de l'aragonés, purnas

Ahiere, chunto con a chent de Softaragonés y d’os creyadors d’o traductor y o corrector aragonés-espanyol, facié una chicota presentación d’Arredol, o diario dichital en aragonés que empentemos fa uns meses. Estió en as XIX Chornadas d’as Luengas d’Aragón que como cada anyo, para l’asociación Nogará. A mia intervención se centró en o que suposa creyar un meyo de comunicación d’intinción cheneralista dende cero, y porqué creyeba que yera menister ta una luenga chicorrona como ista. Tamién esplaniqué como triballamos, y as colaboracions con atros diarios dichitals d’o catalán, l’occitán u lo gallego.

A riflexión final, que no yera parada, y que facié, ye de buen entender. Si dicimos que ha d’estar a sociedat civil la que faiga un poder por fer pervivir a luenga, fueras de l’ambito institucional que no mos refirma ni brenca ni meya, as iniciativas de que charramos ahiere suposan un trango más. Suposan que una parti d’ixa sociedat quiere salir-se d’a dinamica atomizadera d’o mundo de l’aragonés y fer un poder por puyar l’aragonés en o carro d’o futuro con as ainas que tenemos a mán, ye dicir, as nuevas tecnolochías y internet. Por ixo agora tenemos un chicorrón meyo de comunicación dichital, un traductor y un corrector ortografico, un software que mos charra en aragonés y china chana, femos camín ta levar ista luenga enta una normalidat que a politica y bellas dinamicas mos niegan.

Una tardi bien goyosa ta mirar con uellos d’asperanza o futuro d’a luenga, con una sala a rebutir de chent que por o que mos deciban dimpués, veye en ista traza de triballar una goteta de futuro en una luenga con a saber los problemas y tres grafías esferents.

Ista estió a presentación que facié ahiere sobre Arredol, por si tos baga de mirar-la

Puedes dejar una respuesta, o un trackback desde tu sitio.

2 Respuestas to “Arredol: Fendo posible a normalidat d’una luenga”

  1. Bitacoras.com says:

    abril 26th, 2012 at 11:12

    Información Bitacoras.com…

    Valora en Bitacoras.com: Ahiere, chunto con a chent de Softaragonés y d’os creyadors d’o traductor y o corrector aragonés-espanyol, facié una chicota presentación d’Arredol, o diario dichital en aragonés que empentemos fa uns meses. Estió……

  2. Arredol: Fendo posible a normalidat d’una luenga | Purnas en o zierzo - La Franja says:

    abril 26th, 2012 at 12:41

    […] Arredol: Fendo posible a normalidat d’una luenga | Purnas en o zierzo abr 26 Activisme, Aragonès Arredol: Fendo posible a normalidat d’una luenga | Purnas en o zierzo. […]

Dixa un comentario