Aragón ye camín

Lunes, abril 23, 2012 10:36
Publicado en la categoría purnas


Un país. U dos.Un territorio que va de montanya ta montanya esnavesando un rio y un disierto. Un país de vals, y rios, y monts, y chent, y campos, y tierra, y agua, y cierzo, y nieu, y polvo. Atros ya han cantau antis que no yo ixe país. Un país que s’aima y se odia a si mesmo a partis iguals. Un país que se reconoixe a si mesmo y que ninvia a sus fillos a la emigración. Un país que creye más en os atros que no pas en ell. Un país que femos entre totz. Asinas como ye. Un país d’aragoneses, que saben que son, pero que de vegadas no s’atriven a fer-se. Un país de tres luengas y más d’un millón de dialectos. Un país xuto, plen d’augua que de vegadas nomás que s’emplega t’afogar a las suyas chents.

Un país. Con AVE ta salir por l’este u l’oeste. Un país permeable por as suyas mugas enta o norte y o sur, encara que lis chiremos la espalda a ixas realidatz. Un país de dragóns d’os buens, y de bells de dolents tamién, d’ixos que con o suyo fuego preban de borrar tota una historia compartida, tota cultura que no siga la suya, tota luenga que no siga la que ells entienden. Son ixos dragóns dolents os que fan d’Aragón un país cruel, que recibe a herencia de 1200 anyos d’historia, esnavesando por o mundo, y que cada diya preba de malfurriar-la y amagar-la. Con diyas d’Aragón institucional que no de luita. Con diyas d’Aragón en que nomás se siente que “comunidat”, “rechión” y “Aragón y Espanya”. Con diyas d’Aragón en que amás, no se veyen bandieras en os balcons, no se veye l’arguello casual de ser aragoneses y aragonesas libres.

Uno no ye millor por haber naixiu en iste país duro. Ni pior, prou que no. Ye una casualidat ser naixiu d’Aragón. Porque Aragón, amás, ye o puesto an que vive un aragonés. Por ixo, se me fa complicau escribir isto hue. Porque ya tiengo decidiu de levar-me Aragón enta l’este antis con antis. Recollir banderas y libros y tornar a fer un chicot Aragón en atro puesto. Porque de vegadas iste país furo no mos deixa atra opción. U ixo mos pensamos. Iste ye un gran país, pero con un esprito chicot. Luen queda l’argüello d’atros tiempos. Pero encara podemos subvertir a historia. Encara podemos fer eslampar a os dragons dolents. Encara quedan esmos y luitas que luitar. Encara queda l’esprito. Encara somos. Siempre somos. Somos Aragón. De tuca en tuca. De montanya en montanya. De rio en rio. De val ta val. De disierto en disierto. “Somos o cierzo que no podetz aturar”. Somos. Vivimos. Creyemos. Luitamos. Aragón encara ye por fer. Aragón ye un recorriu. Aragón ye vida. Aragón. Dende o puesto que siga. Aquí, astí, allá. Aragón. Casa mía, siga en o lugar que siga, en a ciudat que siga, siempre será Aragón.

Entalto Aragón libre!!!!

Puedes dejar una respuesta, o un trackback desde tu sitio.
Tags: ,

4 Respuestas to “Aragón ye camín”

  1. Bitacoras.com says:

    abril 23rd, 2012 at 10:37

    Información Bitacoras.com…

    Valora en Bitacoras.com: Un país. U dos.Un territorio que va de montanya ta montanya esnavesando un rio y un disierto. Un país de vals, y rios, y monts, y chent, y campos, y tierra, y agua, y cierzo, y nieu, y polvo. Atros ya han cantau antis que n……

  2. 39escalones says:

    abril 24th, 2012 at 8:54

    Siempre que veo eso de “Entalto Aragón libre” me pregunto: ¿Libre de qué?

  3. Chorche says:

    abril 24th, 2012 at 9:15

    No caben en este recuadro las cosas de.las que nos tenemos que liberar. Por darte algunos ejemplos… caciquismo, baturrismo, entreguismo, amiguismos, españolismo, cazurrismo…Así por encima, ya sabes.

  4. Aragón yes tú | Purnas en o zierzo says:

    abril 23rd, 2013 at 12:29

    […] a mermelada de moras por o pan mientres remero que l’anyo pasau feba o primer trango d’o camín que m’ha trayiu enta aquí. Foi dos fiestas en una. A d’aquí, plena de libros y flors, […]

Dixa un comentario