#vada29M Prou d’agresions contra os triballadors y as triballadoras

jueves, marzo 29, 2012 0:20
Publicado en la categoría purnas


Prou d’agresions a las triballadoras y triballadors aragoneses. Prou d’imposicions. Prou de rebaixa d’as condicions socials y laborals.

Las reformas laborals succesivas d’os gubiernos espanyols y os pactos entre qualques sindicatos espanyols y a patronal han suposau una grieu menaza t’a salut social, laboral y economica d’os triballadors y as triballadoras aragoneses. Tal ye la menaza, que con a zaguera reforma d’o PP, os dreitos laborals son suspendius, quasi de raso.

Ye una reforma que suposa a implantación en a practica d’o despido libre. Despido de gufanya mientres o primer anyo, ampliación d’as causas de despido procedent, reducción d’a indemnización dimpués d’o despido, l’acumulación de baixas chustificadas podrá estar considerada absentismo laboral, obligación d’aceptar nuevas condicions exichidas unilateralment por a interpresa…

Ye una reforma que suposa a destrucción de l’emplego. As interpresas simplament habrán de comunicar os ERE’s, y encara sin a sinyatura de l’autoridat laboral en podrán acullir-se, imposando as suyas propias condicions y sin negociación. Solament a posteriori podrán os triballadors denunciar debant d’a chusticia.

Ye una reforma que suposa la rebaixa d’as condicions laborals. Qui no sían forachitaus veyerán rebaixadas as suyas condicions laborals. De traza unilateral, as interpresas podrán aplicar baixadas de salarios en virtut a os suyos propios criterios economicos. A fin d’a negociación colectiva suposa l’empioramiento d’as condicions laborals.

Ye una reforma que suposa un nuevo chiro de tuerca a la precarización d’os triballadors. Contractos de aprendizache de dica tres anyos, despido libre en un anyo, horas extras en contractos parcials, desaparición d’as categorías profesionals, equiparación d’as ETT a las achencias publicas d’emplego…

Frent a ista reforma y as anteriors, frent a los retalles socials, SOA-STA clama a la mobilización d’a clase triballadera aragonesa, dillá d’ista vada cheneral, ta aturar l’ataque contra nusatras, derogar a reforma laboral, aturar as retalladas y aconseguir establir nuevas condicions chustas en as relacions socioeconomicas, dentro d’un marco aragonés de relacions laborals.

Plega a hora de salir y luitar contra l’ataque contra a clase triballadera aragonesa. Plega a hora de aturar as reformas d’o gubierno espanyol. Plega a hora d’establir un marco exclusivament aragonés de relacions laborals y economicas.

Companyera, companyer, a ganar a carrera! Pro d’agresions a las triballadoras y triballadors aragoneses!. Pro de rebaixas d’as condicions socials y laborals!. Con as treballadoras y treballadors d’Aragón!

SOA-STA

Puedes dejar una respuesta, o un trackback desde tu sitio.
Tags: , ,

Una respuesta to “#vada29M Prou d’agresions contra os triballadors y as triballadoras”

  1. Bitacoras.com says:

    marzo 29th, 2012 at 0:22

    Información Bitacoras.com…

    Valora en Bitacoras.com: Prou d’agresions a las triballadoras y triballadors aragoneses. Prou d’imposicions. Prou de rebaixa d’as condicions socials y laborals. Las reformas laborals succesivas d’os gubiernos espanyols y os pactos entre qualq……

Dixa un comentario