Jodopetaca.com, o como matar o tiempo creyando chorradetas

lunes, febrero 20, 2012 11:37
Publicado en la categoría purnas

Asinas se veye Jodopetaca.com

Asinas se veye Jodopetaca.com

Mientres que remato o post sobre os seis anyos que he pasau en Aragón Tv (que va muit rezagau porque nunca no trobó o tiempo ta meter-me a escribir-lo), decidié l’atro diya meter en valor un dominio que heba merca fa quantos anyos. Se tracta de jodopetaca.com. “Jodo, petaca” ye una esprisión d’ampla tradición d’emplego en iste país nuestro que contrimuestra sorpresa en a mayoría d’os casos u mesmo incredulidat. En Twitter s’ha feito un foradet con o hashtag #jodopetaca, asinas que fa bells anyos merqué o dominio pero no heba teniu tiempo encara de fer cosa d’ell.

Siguindo o trango d’atras propuestas similars, como etfelicitofill.cat u os famosos WTF! de Microsiervos, jodopetaca.com ye un escaparate an que se puedan compartir feitos, noticias, videos, vinclos, textos, que faigan a un dicir “Jodo, petaca”.

A millor traza de fer-lo, m’he pensau que seria a traviés d’un tumblr, un sistema de gufanya de blogueyar que premite espardir rapedament os contenius y que ye facil de fer servir. No ye tant facil presonalizar as plantiellas de serie, porque emplega un sistema propio derivau de htm que presenta bellas dificultatz. Encara asinas he puesto presonalizar una plantiella ta amostrar lo que quereba amostrar, poder emplegar adsense, y fer fácil que tota presona que quiera pueda ninviar contenius dende un formulario. A la fin, ye ixo lo que cuenta, que pueda emplegar-se como plataforma colectiva.

Como totz os prochectos que he feito en zagueras, a parti grafica (ye dicir o logo, l’icono, etcra) l’ha feito Laira Gonzalo, que siempre ye disposada a colaborar con yo ta fer istas chorradetas, y que tenió la ideya d’as gafas crebadas t’amostrar a sospresa. Amás, he creyau un twitter propio ta iste jodopetaca que podetz siguir en jodopetacacom. En menos de tres diyas ya tien 100 followers, asinas que creigo que o triballo d’o community manager (u siga yo) ha estau sobrebueno, parando cuenta que la pachina la he puesto en servicio hue.

En fin, que si queretz pasar-tos por a pachina, u ninviar cosetas t’arreguir-nos una mica de tot iste mundo, ya ye disponible #jodopetaca.

Puedes dejar una respuesta, o un trackback desde tu sitio.

Una respuesta to “Jodopetaca.com, o como matar o tiempo creyando chorradetas”

  1. Bitacoras.com says:

    febrero 20th, 2012 at 11:40

    Información Bitacoras.com…

    Valora en Bitacoras.com: Asinas se veye Jodopetaca.com Mientres que remato o post sobre os seis anyos que he pasau en Aragón Tv (que va muit rezagau porque nunca no trobó o tiempo ta meter-me a escribir-lo), decidié l’atro diya meter en valor un……

Dixa un comentario