L’absurda guerra (en presonal) entre o libro electronico y o libro de paper

Sábado, enero 21, 2012 18:00
Publicado en la categoría purnas

Os libros no duermen, nomás que descansan

Os libros no duermen, nomás que descansan

Puestar que isto que digo siga una perogrullada, pero de vegadas, siento bells comentarios diciria que “mitomanos” sobre as lecturas en e-book u en paper, y mira, como que siento la obligación presonal de fer a mia opinión sobre o tema. Pueden acusar-me de muitas cosas, pero no de no estar un mitomano d’os libros. A mia biblioteca ye plena de libros que m’he mercau nomás ta tener-los, edicions esferents, traduccions de libros ya leyius, versions orichinals…

Tener un libro, ta yo, ye bella cosa d’especial. Tan especial, que os que me conoixen saben que no goso deixar libros. M’aimo más de regalar-los, pero  no me fa goi deixar-los salir d’as quatre paretz de casa mia si no van con yo. Pero por qué ixo ha d’estar incompatible con leyer en un e-book? Como que tamién me fa goi viachar, y como quan que viacho goso mercar libros en o puesto en que i voi, l’e-book ha esdeveniu un gran companyer en a maleta u la mochileta. Asinas en o viache puedo levar-me totz os libros que quiera, y si dimpués en merco más, no tiengo que fer espacio entre os viellos, que ya lo levo parau de casa.

Si que m’aimo la ulor d’os libros, viellos y nuevos. Si que m’aimo pasar as fuellas imprentadas y deixar que o peso d’o libro me faiga ficar-me dentro d’as suyas historias. Pero ixo no deixa que faiga servir l’e-book como una ferramienta esencial. Ta leyer más, ta conoixer más, ta viachar más.

Y tamién, y no ye que no siga important, como saben a chent d’Ara Cultural, porque en ista chicota luenga en a que escribo, a publicación dichital ye o futuro. No l’unico futuro, que tamién cal espardir a publicación en paper, pero en una luenga de no guaires fablants, u publicamos en dichital u no publicamos cosa. Por l’inte, os dos sistemas son compatibles, puestar que en un futuro no lo sigan, pero agora, huei, no cal trigar entre un y unatro. Desfrutar a lectura ye o feito concreto, sin importar en que formato. Leyer viachando y viachar leyendo ye l’horizonte deseyable, y ta ixo no cal estar, como en atras tantas cosas, maximalista.

Puedes dejar una respuesta, o un trackback desde tu sitio.

Una respuesta to “L’absurda guerra (en presonal) entre o libro electronico y o libro de paper”

  1. Bitacoras.com says:

    enero 21st, 2012 at 18:05

    Información Bitacoras.com…

    Valora en Bitacoras.com: Os libros no duermen, nomás que descansan Puestar que isto que digo siga una perogrullada, pero de vegadas, siento bells comentarios diciria que “mitomanos” sobre as lecturas en e-book u en paper, y mira, como que siento……

Dixa un comentario