Blecua y l’aragonés

miércoles, diciembre 14, 2011 10:00
Publicado en la categoría de l'aragonés, purnas

image

El aragonés José Manuel Blecua ye un más d’os directors d’a RAE aragoneses que han habiu. Teneba ista entrevista guardada de fa bells meses con ell en l’Heraldo, y no heba puesto encara fer un pensamient sobre ella. Aproveito que istos diyas Blecua recibe premios en Catalunya ta recuperar-la.

No sere yo qui meta en dubda a categoria como filologo de Blecua, pero sosprende en ixa zaguera pregunta de l’Heraldo que faiga un mezclallo entre o que se charra en a Cinca (catalán) con l’aragonés, que amás, diz que “no ye una luenga, sino atra cosa”. Puestar que bi’n haiga una categoria filolochica que siga “atra cosa”, que yo desconoixco. Mesmo puestar que o director d’una Academia que ha de dar como valida una frase como “a ver qué remera cojo del placard para ir al laburo” piense que as esferencias nomás que son importants en bellas luengas.

Pero me quedo más en o sendito d’o que diz, que me pareixe que no ye o que escribe a periodista de l’Heraldo. Porque o que diz Blecua ye que en no haber-ie normalización ye normal que bi’n haiga esferencias. “L’aragonés ye una multiplicidat de variedatz”. Verdat. “Como totas as luengas que no son unificadas”. Verdat a meyas, pero verdat. As luengas como l’espanyol, que si tienen una Academia que “fija y da esplendor” tienen variedatz, muitas y ricas. Y o catalán, luenga a la que Blecua tien carinyo y que ha refirmau dende a suya catedra en Barcelona, tamién.

Me pienso, quiero pensar, que Blecua no quereba dicir que as variedatz de l’aragonés fan que l’aragonés no siga una luenga, mientres que en o resto d’a entrevista as variedatz de l’espanyol que esfiende si que fan de l’espanyol una luenga. No seré yo qui diga o que Blecua ha quiesto dicir sin haber-lo escuitau, pero ixe parrafo ye tant rarizo y con mezclallos tan rarizos de luengas y conceptos, que me cuesta a-saber-lo pensar que ta Blecua bi ha variedatz que fan luenga y atras que fan “atra cosa”. Puestar a unica esferencia entre l’aragonés y as suyas variedatz, o catalan y as suyas variedatz y o castellan y as suyas variedatz siga, precisament, que encara no tenemos una Academia que “fije y de esplendor”, dillá d’as variedatz, pero veilando por ellas.

Ixo sí, l’Heraldo teneba o titular claro. A tamás que ixa estió a zaguera pregunta d’a entrevista, y que yera una pachina entera de preguntas sobre o castellán y as suyas variedatz, y que o propio Blecua, encara que ye filologo diz que no tiene guaire opinión sobre o tema porque en sabe poco, tituló l’articlo por “El aragonés no es una lengua, es otra cosa”.

Puedes dejar una respuesta, o un trackback desde tu sitio.

5 Respuestas to “Blecua y l’aragonés”

  1. Bitacoras.com says:

    diciembre 14th, 2011 at 10:06

    Información Bitacoras.com…

    Valora en Bitacoras.com: El aragonés José Manuel Blecua ye un más d’os directors d’a RAE aragoneses que han habiu. Teneba ista entrevista guardada de fa bells meses con ell en l’Heraldo, y no heba puesto encara fer un pensamient sobre ella. ……

  2. Blecua y l’aragonés | Purnas en o zierzo - La Franja says:

    diciembre 14th, 2011 at 12:52

    […] Miércoles, diciembre 14, 2011 10:00 Publicado en la categoría de l’aragonés, purnas 1 Comentario […]

  3. Borinot says:

    diciembre 19th, 2011 at 13:32

    Nomás una puntualización: en Alcoleya de Cinca (d’an que ye naixiu Ánchel Conte) no se i parla catalán, sino castellano con prou aragonesismos. Per tanto, no ye Franja stricto sensu, como ditz ell.

    Salut. 

  4. Chorche says:

    diciembre 20th, 2011 at 7:58

    Si, si. Pero por ixo digo que trafuca catalán, aragonés, Franja…a lo menos en ixa rispuesta.

  5. Borinot says:

    diciembre 20th, 2011 at 12:26

    Ok, que ebe entendiu mal ixo de: “mezclallo entre o que se charra en a Cinca (catalán) con l’aragonés”.

    Salut.

Dixa un comentario