“A deuda publica aduyará a salir d’a crisi”

sábado, noviembre 26, 2011 12:51
Publicado en la categoría purnas

Ixas parolas las ha prenunciau  no un ministro d’Economia de cuchas, y no pas un socialista. As parolas las dició ahiere Wolfgang Schäuble, ministro d’Economia d’Alemania. Mientres que Herrin Merkel demanda responsabilidat, retalladas y contencion d’a deuda publica a os gubiernos europeyos, que obedecen sin tartir, o suyo gubierno enamplará a deuda publica ta l’anyo venient.

Ye cierto que a puyada ye quasi anecdotica, y que a deuda publica alemana no tien garra problema en salir t’o mercau de deuda, pero o que truca o ficacio son as parolas d’o ministro, que debant d’as creticas d’a oposición no ha dubdau en dicir que sera ixa deuda publica y la inversión estatal o que aduyara a salir d’a coyuntura economica, a.k.a. crisi. Parolas, que, por cierto, han pasau sin pena ni gloria por os meyos de comunicación espanyols.

Y sosprende no porque siga verdat u mentira. En o contexto actual una declaracion asinas d’ampla no ye verdat ni mentira de raso. Sosprende porque ha estau o ministro d’Economia d’o gubierno que leva dos anyos dicindo lo contrario a totz os atros gubiernos d’Europa.

En l’actual contexto no ye a puyada u baixada d’o deficit o que fera que a crisi vaiga ta debant u ta zaga, no en ixe sentiu amplo. Lo que ferá que vaiga d’una manera u atra sera en que se empleguen ixos diners, ixe deficit, u ixe gasto. Enamplar o gasto estatal en sanidat, aduyas ta creyar emplego u educación no ye lo mesmo que fer-lo en aeropuertos que no s’emplegan, campanyas militars u fer toros en a television publica.

Puyar u baixar o gasto publico? En primeras m’habra de dicir ta qué, y dimpués ya en charramos.

Puedes dejar una respuesta, o un trackback desde tu sitio.

2 Respuestas to ““A deuda publica aduyará a salir d’a crisi””

  1. Bitacoras.com says:

    noviembre 26th, 2011 at 12:56

    Información Bitacoras.com…

    Valora en Bitacoras.com: Ixas parolas las ha prenunciau  no un ministro d’Economia de cuchas, y no pas un socialista. As parolas las dició ahiere Wolfgang Schäuble, ministro d’Economia d’Alemania. Mientres que Herrin Merkel demanda responsab……

  2. Raúl says:

    noviembre 27th, 2011 at 1:08

    Los medios no han hecho ni caso a las palabras del Herr. Tanto, que solamente las he leído aquí.

    Su actitud me recuerda a la de muchos gobiernos del primer mundo: obligan a Latinoamérica y África a “liberalizar” su comercio mientras protegen los campos de Europa y EEUU con uñas y dientes

    Ya les vale.

Dixa un comentario