Yo votaré nulo

viernes, noviembre 18, 2011 14:47
Publicado en la categoría purnas

O venient domingo se cilebran eleccions en Espanya. En Aragón hemos de votar a 13 diputaus que habran d’ocupar cadieras en o Congreso espanyol. Mientres a campanya, la verdat que no he parau muita cuenta en o que deciban os partius. En primeras, porque os lemas publicitarios no me gosan afectar. Dimpués, porque a situgación economica se decide difuera d’o Parlamento espanyol. Y más encara, porque os intreses d’Aragón pocas vegadas se deciden en ixe organismo, ya que a mayoria d’os diputaus que son trigaus por Aragón no fan guaires preguntas o demandan cosas ta iste chicot pais nuestro.

Con istas premisas he iu pensando lo voto, y de verdat que encara que lo teneba bien platero dende o prencipie, ha habiu intes en que m’he repensau o sentiu d’o mesmo. No teneba guaires opcions, a verdat. A la fin, tot tornara a o suyo camin y fere o que me pensaba de primeras, votar nulo, con a papereta que ha pensau Puyalón con as linias programaticas.

Por conviccions, nunca no votaria a un partiu d’ambito espanyol. En ista ocasión, os partius aragoneses se presentan en coalición con partius espanyols. Con ixa premisa, a verdat que nomás a posibilidat de creyar una colla parlamentaria de cuchas important en o Congreso espanyol me fació por un inte dandaliar con o voto, por un matiz d’utilidat, pero a verdat que no duró guaire, por muitas razons, y no ye chicota la razón que ni os mesmos partecipants d’a coalicion se creyen de verdat l’asunto. Amás d’atras razons ideolochicas, ye platero, que fan complicau que o sentiu d’o mío voto se’n vaiga t’allá.

Asinas, que, a la fin, convenciu, votaré nulo, porque ye una manera de dicir “a democracia no ye isto” sin renunciar a lo dreito a dicir-lo y porque ye una manera de dicir “lo que yo pienso no ye en istas listas de nombres”.

En tot caso, y como siempre he manteniu, votes u no votes, votes blanco, nulo u candidatura, os tuyos dreitos ciudadans no te vienen por ficar un paperet en una urna, asinas que dende huei mesmo luita, triballa y protesta contra lo que no t’agane.

Yes en o tuyo dreito. Votes u no votes.

 

Puedes dejar una respuesta, o un trackback desde tu sitio.

Una respuesta to “Yo votaré nulo”

  1. Bitacoras.com says:

    noviembre 18th, 2011 at 14:50

    Información Bitacoras.com…

    Valora en Bitacoras.com: O venient domingo se cilebran eleccions en Espanya. En Aragón hemos de votar a 13 diputaus que habran d’ocupar cadieras en o Congreso espanyol. Mientres a campanya, la verdat que no he parau muita cuenta en o que deciban o……

Dixa un comentario