Terry Pratchett, os politicos y a garchola

miércoles, noviembre 9, 2011 10:53
Publicado en la categoría purnas

Leyer as novelas de Mundodisco de Terry Pratchett ye re-pensar dende una anviesta esferent o nuestro mundo. Ye lo que fa ell quan que escribe. En un mundo plen de machia y seres rarizos podemos reconoixer muitas trazas d’o nuestro mundo. Bien se vale que o nuestro Universo no ye alazetau en quatre alifants que viachan dencima una tartuga, pero en as suyas novelas Pratchett ha volcau o suyo pensamiento y ha ripresentau lo bueno y dolent d’iste planeta y as suyas chents.

En o Mundodisco veyemos paises, presonas, profesions que pueden ser d’o nuestro mundo. Podemos veyer as medranas sobre a enerchia (machia en Mundodisco, nuclear en o mundo reyal ya que Pratchett triballó ta una central nuclear), sobre as mafias, sobre o mundo urbano, o mundo rural, sobre a vida en cheneral, relichión, mitos y creyencias. Sobre o periodismo escribió “A Verdat” y sobre o mundo politico siempre ha deixau cayer bella coseta. Por eixemplo, en “O país d’o fin d’o mundo”, an que veyemos ripresentau un pais que se pareixe sosprendentement a Australia mos dice Pratchett lo siguient:

-Y por qué habio de ser ficau en a garchola?

-Siempre ficamos a os nuestros politicos en a garchola en que plegan d’estar eslechius. Vusatros no?

-Por qué?

-Estalvia tiempo.

Prou que ye una cheneralización, pero leyer-lo huei, en plena campanya electoral, con acusacions de corrupción contra a Corona espanyola vinculadas a politicos balears, con as cifras de opliticos corruptos en os partius, con a detención d’o tenient d’alcalde Becerril de Zaragoza…pues mira, tien a suya gracia.

Puedes dejar una respuesta, o un trackback desde tu sitio.

Una respuesta to “Terry Pratchett, os politicos y a garchola”

  1. Bitacoras.com says:

    noviembre 9th, 2011 at 10:56

    Información Bitacoras.com…

    Valora en Bitacoras.com: Leyer as novelas de Mundodisco de Terry Pratchett ye re-pensar dende una anviesta esferent o nuestro mundo. Ye lo que fa ell quan que escribe. En un mundo plen de machia y seres rarizos podemos reconoixer muitas trazas d’o ……

Dixa un comentario