O 19 de setiembre, un diya sinyalero: Labordeta y Arredol

lunes, septiembre 19, 2011 17:55
Publicado en la categoría purnas

Fa un anyo, y en buena companyia, plorabamos a muerte de José Antonio Labordeta. Estioron aquells uns diyas intensos, plens d’emocions, con a sensibilidat a flor de piel. Companyers de luitas retrobaus dimpues d’a-saber-los tiempos, compartibamos o dolor por a muerte d’un hombre digno. Con as suyas luces y huembras, con as suyas errors y enciertos, pero con a suya dignidat, voz y luita a cuestas. A suya voz mos tornó o significau d’estar aragoneses, mos emplió de l’argüello d’ista tierra dura, salvache, y toba por dentro. A suya gorra, a suya guitarra y as suyas gambadetas son parti ya de l’ADN d’iste país y d’istos paisans.

Son tiempos duros. Os aragoneses han quiesto que mos gobierne la chent contra la que luito tota la suya vida Labordeta. Ixos a los que ninvió “a la mierda” porque no li dixaban charrar. Ixos que, chunto a o PAR que antis demandaba que o Canto a la Libertad estase l’himno d’Aragón, no han quiesto nian charrar en as Cortes d’o tema.

Pero o ciclo d’a vida ye como ye. As simients han de morir ta fer l’arbol, l’ordio, o fruito. Qui deciba que nomás somos enans dencima d’os huembros de chigants teneba tota la razón. Por ixo, y con tot lo que hemos aprendiu, con tot o que atros han luitau, con os fruitos d’as suyas asperanzas, hemos de continar marchando entabant. Por a memoria d’os que s’han iu, por as suyas fuerzas gastadas contra mallacans y paretz, por o suyo esprito y esmo. Por tot ixo, iste mesmo diya 19 de setiembre naxe Arredol. Contra o silencio d’as leis y o chilo d’o ignorant. Por a información en aragonés y a normalización d’una luenga menazata de disparixer como diz la Unesco.

Somos. Hemos. Imos. Ista tierra ye Aragón y continamos esnavesando a historia, siempre entabant. Ta cutio entabant.

Puedes dejar una respuesta, o un trackback desde tu sitio.

4 Respuestas to “O 19 de setiembre, un diya sinyalero: Labordeta y Arredol”

  1. Bitacoras.com says:

    septiembre 19th, 2011 at 17:58

    Información Bitacoras.com…

    Valora en Bitacoras.com: Fa un anyo, y en buena companyia, plorabamos a muerte de José Antonio Labordeta. Estioron aquells uns diyas intensos, plens d’emocions, con a sensibilidat a flor de piel. Companyers de luitas retrobaus dimpues d’a-saber-……

  2. en Cabat says:

    septiembre 19th, 2011 at 22:55

    L’enhorabona pel nou projecte!

  3. Chorche says:

    septiembre 19th, 2011 at 22:57

    Moltes gràcies, Roger! 🙂

  4. Xavi Alberich says:

    septiembre 20th, 2011 at 11:21

    ista frase ye  muy bonica somos  enans demciam  d os  huembros  de chigants, la memoria  de laboderta  ye encara .felicidatz por ardebol.

Dixa un comentario