Contraposicions: Mularroya y o tranvia de Zaragoza

domingo, agosto 14, 2011 12:47
Publicado en la categoría purnas

O nuevo Gobierno d’Aragon ha feito ascape totz os posibles contra a destruccion d’o patrimonio derivau d’as obras d’o tranvia de Zaragoza. Fueras de consideracions esteticas d’a comision de Patrimonio sobre plazas en cerclo o quadradas, ye de dar que cualsiquier obra que s’encete ha de cumplir totas as normativas legals y protechir o patrimonio que afecten. Asinas, que parixe lochico que o Gobierno d’Aragon truque o ficacio sobre as normativas que no s’han rispetau en iste caso y veile por os posibles biens culturals d’o recorriu d’o tranvia. Curiosament, pero iste ye atro tema, istos “desvelos” por o patrimonio lis bufon a pocha quan facion a remodelacion d’Independencia os mesmos que agora sufren por os restos islamicos extramuros.

Pero be-de haber tamien unatra motivacion politica quan a lo mesmo tiempo, ni o gobierno d’Aragon ni o d’Espanya, han paralizau as obras de l’entibo de Mularroya, que continan china chana, encara que l’Audiencia Nacional espanyola ha anulau as declaracions d’impacto ambiental u que o suyo coste ya ye sobredimensionau en mas d’un 20% sobre os primers presupuestos.

As obras de Mularroya continan entabant, pues, sin a preceptiva declaracion d’impacto ambiental, u siga, en fraude de lei, y sin que garra organismo haiga dito cosa sobre l’alegalidat de facto d’ixas obras. Ni o gobierno actual popular, ni, profes, l’anterior socialista (os dos refirmaus por o PAR) han puesto garra problema a unas obras que no cumplen a lei como dicto l’Audiencia Nacional espanyola.

Por que ta unas obras si, y t’atras no? mos podemos preguntar dende a inocencia orichinal…Be-de estar que a politica tien istas cosas y nusatros, simples ciudadans, no podemos que aplaudir a valentia d’os nuestros gobernants por aplicar una solucion y la contraria a lo mesmo tiempo.

Puedes dejar una respuesta, o un trackback desde tu sitio.

3 Respuestas to “Contraposicions: Mularroya y o tranvia de Zaragoza”

  1. Bitacoras.com says:

    agosto 14th, 2011 at 12:58

    Información Bitacoras.com…

    Valora en Bitacoras.com: O nuevo Gobierno d’Aragon ha feito ascape totz os posibles contra a destruccion d’o patrimonio derivau d’as obras d’o tranvia de Zaragoza. Fueras de consideracions esteticas d’a comision de Patrimonio sobre plazas ……

  2. wivith says:

    agosto 18th, 2011 at 0:29

    Yo soy de Morata de Jalón y este tema hace que me encienda como pólvora.
    Muitas grazias por alcordarte do mio lugar.
    No charro cosa de fabla y me fa mal no ferlo.
    Esculpa las mancas

    Pochoncicos.

  3. Chorche says:

    agosto 18th, 2011 at 7:02

    Gracias, wivith. Lo que está pasando con Mularroya es escandaloso 🙁 ánimo

Dixa un comentario