Una foto d’ahiere feita huei, una remeranza de huei feita ahiere

viernes, junio 17, 2011 10:14
Publicado en la categoría prexinando, purnas

L'esmolador y Casa Emilio

L'esmolador y Casa Emilio

Quan encara yeras vivo yera facil veyer ista imachen por as carreras. L’esmolador, con a suya bici, chuflando notas de mosica siempre iguals, devant d’un bar d’antis mas. Quan encara yeras vivo, sin dembargo, yera dificil fer ista foto, que la veyesen bells centenars de presonas, y tot en menos de cinco menutos. L’hesenos portau an que o tuyo amigo Sami, ixe que me facio una foto de chicorron, la que ye penchada en o cuarto d’estar de casa, y que estio en l’escaparate d’a botiga suya mientres anyos y anyos.

Dimpues, hesenos asperau bells diyas a tener-la en casa, a foto, con os colors radius d’os productos quimicos, y de seguras que la hesenos meso en bell album, d’ixos grans, an alzabas as tuyas remeranzas d’o lugar, d’os tuyos pais, d’os amigos d’o seminario, d’as excursions con a parroquia, de bellas chentas y cenas d’a publicidat, d’a mai, a mai que confito en tu, mientres que os medicos decibas que te moribas.

Te moribas 30 anyos dimpues. Dentre as mias mans y as mans de mai. Quan ye facil fer una foto, penchar-la y que la veiga a saber la chent. Quan ye facil dicir que te trobo a faltar, encara, doce anyos dimpues, y que m’hese feito goyo compartir tantas cosas con tu. Quan ye facil, encara, que te veiga en as fotos y mai te remere, y pensemos os dos en os tiempos en que compartibas os tuyos lapices de colors, que nunca no reconoxebas, con yo.

Encara tallo os papers con as estixeras granizas ixas que emplegabas ta fer chicorrons os papers que apegabas en os tuyos anuncios de publicidat. Si, ixas que no me dixabas tocar quan yera chobenet y que yo siempre quereba agafar. Con ellas agora tallo cada vegada menos papers, porque agora tot se fa con ordenador. L’ordenador que ha iu cambeando os habitos mesmo d’a tuya profesion. An que antis bi’n heba letras adhesivas agora bi’n ha tipos de letra, como os tuyos zaguers anyos profesionals, quan yera mas facil que imprentasenos bellas cosas en casa que no pasar horas apegando letras en os papers.

Pero ixo yera quan yeras vivo. Agora tot va mas rapedo. Agora, mesmo os anyos, se me pasan ascape. Agora plega o 17 de chunio quasi sin tartir. Pero agora, como cada anyo dende fa 12 anyos, encara tiengo o tiempo ta remerar-te, remerar a tuya man que m’agafaba cerenya igual quan yera un nino que quan dixes d’esistir, dixandonos a mai y a mi solencos ta concarar l’esdevenidero, pero con totas as armas que tu mos hebas dixau.

Puedes dejar una respuesta, o un trackback desde tu sitio.

4 Respuestas to “Una foto d’ahiere feita huei, una remeranza de huei feita ahiere”

  1. Bitacoras.com says:

    junio 17th, 2011 at 10:18

    Información Bitacoras.com…

    Valora en Bitacoras.com: L’esmolador y Casa Emilio Quan encara yeras vivo yera facil veyer ista imachen por as carreras. L’esmolador, con a suya bici, chuflando notas de mosica siempre iguals, devant d’un bar d’antis mas. Quan encara yeras vivo……

  2. Resumen d’o 2011 en purnas.com | Purnas en o zierzo says:

    diciembre 29th, 2011 at 11:39

    […] 17: Una foto d’ahiere feita huei, una remeranza de huei feita ahiere […]

  3. Y se quedó sondormiu | Purnas en o zierzo says:

    junio 17th, 2012 at 16:58

    […] país que cada diya m’aimo más y que amás me premite gracias a las parolas, un anyo más, remerar a o pai hue que fan 13 anyos que zarró os uellos ta siempre más y que yera d’un lugar en que […]

  4. As remors d’o diya 17 de chunio | Purnas en o zierzo says:

    junio 17th, 2013 at 11:33

    […] fundas que no deixa dolor que ye melancolía. Cada anyo a sensación cambea. He teniu anyos en que una foto me remeraba a tu. Atros, en que remeraba totas as cosas que una vegada m’amostrés. As pinturas que una vegada […]

Dixa un comentario