Tradicions familiars

domingo, mayo 29, 2011 17:27
Publicado en la categoría purnas

Plebe en a ciudat. Plebe como si no hese maitin. L’augua que caye d’o ciel no dixa ni veyer os edificios de debant de casa. Mientras veigo as glarimas d’o ciel cayendo a yo me da por pensar en as viellas tradicions familiars que tenebanos en casa quan yo yera chicorron y encara i yeranos totz.

Con as primeras chislas d’augua de tronada u quan a ciercera prencipiaba a bufar por o bico, siempre mos mirabanos de apostar por una d’as siellas d’o balcon. O viento las empentaba d’una banda t’atra d’a balconada, pero como ye normal, una siempre plegaba antis que no l’atra. Yera una d’as nuestras apuestas.

Tenebanos unatra, quan en primeras o seiscientos, dimpues o 127 y en zagueras o Fura endrezaban camin ta Logronyo, yo, de chicot asperaba con ilusion l’inte en que quasi en plegabanos. No por plegar-ie, que tamien, sino por veyer quants helicopteros bi’n heba en a base de l’exercito espanyol de Recajo. Dende o primer inte d’o viache ya febanos suposicions os mios pais y yo sobre o lumero exacto de avions y helicopteros que bi’n heba.

Son viellas tradicions que encara huei m’han motivau a fer un tweet con risultau d’a carrera dentre siellas, y que siempre fan que mira t’a dreita quan paso por Recajo, aman d’an agora vive una cosina mia con o suyo mariu y a suya polida filleta.

Mientres que caye a plebia difuera a mente se’n va a atros mundos pasaus an as viellas tradicions te portan a un mundo de buenas remerenzas familiars. La ulor d’a plebia emplindo o naso tapa quasi la ulor a ordio d’a fabrica d’a Zaragozana, pero no puede parar o sentimient de que estie un nino feliz.

Puedes dejar una respuesta, o un trackback desde tu sitio.

Una respuesta to “Tradicions familiars”

  1. Bitacoras.com says:

    mayo 29th, 2011 at 17:30

    Información Bitacoras.com…

    Valora en Bitacoras.com: Plebe en a ciudat. Plebe como si no hese maitin. L’augua que caye d’o ciel no dixa ni veyer os edificios de debant de casa. Mientras veigo as glarimas d’o ciel cayendo a yo me da por pensar en as viellas tradicions fami……

Dixa un comentario