Inside job

lunes, abril 18, 2011 17:28
Publicado en la categoría purnas

Tiempo de crisis. Tiempo de dubdas. Ature, baixada de sueldos, negocios trancaus. Qui tien a culpa de tot isto? Qui ha estau o responsable? Seguro que no os que somos bosando a crebadura en o sistema. Os que veyemos como se retallan os nuestros dreitos socials y laborals. Os que veyemos como nos demanan mayor flexibilidat, mas triballo por menos salario, menor proteccion social…

Os que han feito d’ista crisis un fenomeno mundial continan en os suyos puestos. Demanoron proteccion y aduya y os gobiernos d’o mundo lis ne dioron d’ayudas. Millons y millons de dolars y euros ta tapar os foraus que ells heban dixau en os suyos propios bancos. Privatizar as ganancias y socializar as perdidas. Ixe ye o lema d’ells y o lema que han seguiu como borregos, os gobiernos d’o mundo. Mesmo demanoron mayor control en a lechislacion, quan yeran plens de medrana, y agora d’ixo no ha quedau cosa. O sistema contina dixando fer a os que mueven os diners. Ells meten os regles y ells las creban, pero os suyos foraus os bosamos totz.

D’ixo va Inside Job. Con entrevistas y de manera muit didactica mos amuestra a reyalidat d’ista crisis que qui la fabrico no bosara y d’a que totz somos vivindo as consecuencias. Entrevistas con bells responsables (os que querioron charrar), graficos, exemplos esclateros d’un modelo que parixeba acotolau y que nomas yera prenendo mas fuerza. Una muit recomendable pelicula documental que cal veyer y compartir, debatir y pensar, charrar, repensar y continar debatindo. Si querez descargar-la tos dixo l’enrastre a Peliculasyonkis.

Puedes dejar una respuesta, o un trackback desde tu sitio.

Una respuesta to “Inside job”

  1. Bitacoras.com says:

    abril 18th, 2011 at 17:31

    Información Bitacoras.com…

    Valora en Bitacoras.com: Tiempo de crisis. Tiempo de dubdas. Ature, baixada de sueldos, negocios trancaus. Qui tien a culpa de tot isto? Qui ha estau o responsable? Seguro que no os que somos bosando a crebadura en o sistema. Os que veyemos como se r…..

Dixa un comentario