A eslampada d’o gobierno d’Aragon dixa sin diners d’a Eurorrechion a la cultura aragonesa

viernes, abril 15, 2011 17:43
Publicado en la categoría purnas

En 2004 naxio a Eurorrechion Pirineos Mediterranea arroclada arredol d’a cordillera pirinenca y a Mediterranea, y con os territorios de Languedoc, Midi Pyrenèes, Catalunya, Aragon y Balears. O “terrible” conflicto d’os Biens d’a Franja, facio que en 2006 Aragon dixa-se de fer parti d’ista iniciativa europea no se sape bien ta castigar a qui.

Huei, cinco anyos dimpues, Aragon encara no forma parti d’iste espacio europeo, o a lo menos, no de plen dreito, que amas arroclaba territorios totz de l’antiga Corona d’Aragon, fueras de Valencia. Un espacio de colaboracion en materia economica, meyoambiental, politica y cultural en que Aragon paso d’estar una d’as prencipals esfensora, siguindo a iniciativa catalana, a estar difuera y mesmo escar por atras proposas como la nunca no formada Eurorrechion de l’Ebro (que nomas ye empentada, y no guaire, por Navarra, La Rioja y Aragon).

Un anyo mas, dende o prencipie d’ista iniciativa, han surtiu as aduyas economicas ta prochectos culturals. Profes, como Aragon no ye miembro de plen dreito, a cultura aragonesa no esta incluyita, pero en a convocatoria (PDF) si que remeran a cultura d’iste pais dixando esclatero que pueden colaborar en atros prochectos pero en garra caso  recibir de diners.

Un agent cultural de l’Aragó pot ser membre associat d’un projecte però en cap cas cap de fila i no pot rebre subvenció euroregional

Visto isto y sapendo que o “conflicto” d’os biens d’a Franja contina sin solucion agora cal preguntar-se a qui prechudica que Aragon no contine en a Eurorrechion? Ha suposau bella solucion ta o dito “conflicto” d’os Biens d’a Franja que Aragon dixe de colaborar con atros territorios autonomos europeos? No suposa mas prechudicios que beneficios no aprofitar a colaboracion con ixos atros territorios con que compartimos no nomas historia, que tamien intreses culturals, economicos, d’infraestructuras, hidraulicos?

2 A 
 )     

       ,
 5
  


 1         


         (

72     ,
             *  




Puedes dejar una respuesta, o un trackback desde tu sitio.

Una respuesta to “A eslampada d’o gobierno d’Aragon dixa sin diners d’a Eurorrechion a la cultura aragonesa”

  1. Bitacoras.com says:

    abril 15th, 2011 at 17:47

    Información Bitacoras.com…

    Valora en Bitacoras.com: En 2004 naxio a Eurorrechion Pirineos Mediterranea arroclada arredol d’a cordillera pirinenca y a Mediterranea, y con os territorios de Languedoc, Midi Pyrenèes, Catalunya, Aragon y Balears. O “terrible” conflicto d’……

Dixa un comentario