O principe de Girona en ruta por l’Orient Mediterraneo

martes, abril 12, 2011 12:54
Publicado en la categoría purnas

Felipe de Borbon, posible sucesor d’o suyo pai como rey d’Aragon y d’Espanya, ye en viache oficial como representant d’a Casa Reyal espanyola en l’orient que dicen proximo. Por a situgacion dinastica y o dificil que ye a chustificacion d’una monarquia en pleno sieglo XXI, os medios de comunicacions espanyols son seguindo o viache con una mena d’arrobamiento indecoroso sobre os cenyos y as parolas de l’hereu Borbon.

Pero cal meter as cosas en contesto, fueras d’a publicidat que sobre a Casa Reyal y sobre o sucesor mos son metendo por os uellos agora que Chuan Carlos ye dixando amonico a suya vida publica. A mision que s’ha autoimposau a Casa Reyal espanyola ye fer a publicidat que calga ta que no bi haiga garra dubda d’a sucesion y a continuidat d’a monarquia quan Chuan Carlos, por naturaleza u decision, dixe d’estar rei.

Asinas que quan mos dicen que o Principe Felipe aconsello a Simon Peres reconoxer l’estau palestino, cal dicir que o que dicio estio que “s’amenistan dos estaus” y no pas garra consello directo a o president israeli. Consello, que, d’atra man, no se l’ha sentiu nunca dicir-lo o gobierno espanyol que tampoco no reconoxe a os palestinos como un estau. Por dicir mas, l’estau palestino por muito que Felipe de Borbon diga, no estara nunca posible en a situgacion actual, cada vegada mas afogau o territorio controlau por os palestinos (d’una y atra branca politica).

En a reunion con Benjamin Netanyahu mos recentan que s’ha charrau d’a colaboracion tecnolochica, una estupenda ideya, si no estase porque a colaboracion prencipal tecnolochica dentre Espanya y Israel ye precisament, a tecnolochia militar, que ye a que premite matar impunement palestins a l’exercito israeli, que risponde a codetes caseros con misils de zaguera tecnolochia, con un ratio de victimas prou superior en o bando palestin.

Ye dicir, que ye una buena ideya que a vesita d’o principe marque un antis y un dimpues en as rilacions con os palestins, pero ista vesita, con mas uembras que luces, ye en tot caso, una operacion de marketing que no acotraciara as rilacions dentre os dos pueblos y que, amas, y por a propia actuacion d’os medios de comunicacions dixa esclatera a estratechia publicitaria d’una Casa Reyal que ye, como ye de dar, alticamada por o suyo futuro.

Puedes dejar una respuesta, o un trackback desde tu sitio.

Una respuesta to “O principe de Girona en ruta por l’Orient Mediterraneo”

  1. Bitacoras.com says:

    abril 13th, 2011 at 12:13

    Información Bitacoras.com…

    Valora en Bitacoras.com: Felipe de Borbon, posible sucesor d’o suyo pai como rey d’Aragon y d’Espanya, ye en viache oficial como representant d’a Casa Reyal espanyola en l’orient que dicen proximo. Por a situgacion dinastica y o dificil que……

Dixa un comentario