Desaragonesizar Aragon

miércoles, abril 6, 2011 17:53
Publicado en la categoría purnas

Unatro anyo o gobierno d’Aragon (salient, en iste caso) preba de rebaxar o conteniu politico y mesmo festivo y ludico d’o diya d’Aragon. Cada anyo ye un trango mas en a desaragonesizacion d’iste diya que habria d’estar un diya d’arguello y reivindicacion, de borina y de luita, empentau por o gobierno de totz os aragoneses. En cuenta d’ixo, y como ya paso lo zaguer anyo, o gobierno preba de dixar en una data mas o diya d’Aragon.

No quiero dentrar en si ye o diya mas endicau ta reivindicar o pais. Bi’n ha de chent que s’aima mas de pensar en o 29 de chunio, quan Aragon tresbatio a suya independencia politica de facto, u lo 20 d’abiento, lo diya que un exercito forano dentro en o pais ta acotolar a lo Chusticia y estricallar de paso, as libertatz churidicas d’o pais. Convengamos que o diya d’Aragon ye o 23 d’abril. Pues si ixe ye lo diya d’Aragon o gobierno d’o pais habria d’estar qui fese d’iste diya un diya especial en o calandario y no una data mobil por cualsiquier desincusa.

Iste anyo a desincusa no ye una, si no que dos. Por una parti, que bi’n ha eleccions ¡un mes dimpues!. Por atra, cosa que ye mas grau encara, porque os miembros d’una relichion celebran bella cosa ixe diya. Senyors politicos, reivindicar que Aragon ye Aragon no habria d’influenciar as eleccions si totz os candidatos tenesen esclatero que as eleccions son ixo, d’Aragon. Senyors politicos, que os miembros d’una relichion celebren qualcosa no habria de fer que la resta d’aragoneses, y mesmo os que pertenexen a ixa relichion podesen celebrar en paz o diya d’Aragon. O pais ye de totz, y no nomas d’os cristians y as suyas creyencias peculiars.

Puedes dejar una respuesta, o un trackback desde tu sitio.

4 Respuestas to “Desaragonesizar Aragon”

  1. A politica, Aragon, Zaragoza y Dios | Purnas en o zierzo says:

    abril 7th, 2011 at 17:36

    […] por dios (o dios cristiano ye esclatero) y os suyos siguidors. Si ahiere parabamos cuenta que una fiesta catolica feba que o gobierno d’Aragon fe-se de menos o diya nacional d’Aragon, huei ha estau l’alcalde de Zaragoza, Juan Alberto Belloch qui ha decidiu que, como en […]

  2. Rafel says:

    abril 7th, 2011 at 18:48

    Nunca entendié a qué fin nos pensamos que o 23 d’abril ye o diya nacional d’Aragón. Belún remera lo suyo sinificau? superar l’aragonesismo politico sinifica tamién liberar-mos de os suyos simbolos, y uno ye lo 23 d’abril. Una republica aragonesa no aprecisa ni un santo patrono ni una mitolochía nacional, y menos d’orichen aristocratico y feudal como a de San Chorche.

  3. Chorche says:

    abril 7th, 2011 at 18:58

    “No quiero dentrar en si ye o diya mas endicau ta reivindicar o pais. Bi’n ha de chent que s’aima mas de pensar en o 29 de chunio, quan Aragon tresbatio a suya independencia politica de facto, u lo 20 d’abiento, lo diya que un exercito forano dentro en o pais ta acotolar a lo Chusticia y estricallar de paso, as libertatz churidicas d’o pais. Convengamos que o diya d’Aragon ye o 23 d’abril.”

  4. Dimpues d’o diya d’Aragon | Purnas en o zierzo says:

    abril 26th, 2011 at 9:58

    […] d’o diya d’Aragon. Iste anyo, aprofitando a coincidencia con una fiesta relichiosa, ha quitau totz os actos de carrera y ha dixau o diya en una custion […]

Dixa un comentario