Endrezando vida

miércoles, marzo 30, 2011 17:06
Publicado en la categoría prexinando, purnas

Os libros son vida. As letras que forman parolas que forman frases que s’imprentan en fuellas blancas u de color y s’imprentan y se dixan leyer, pensar, soniar, repensar u criticar son vida. Dende chicorron a mia vida ha estau plena de libros. Son companyers de viache, d’aventuras, de suenios, d’ideolochia, de profesion, d’aimors, de conquistas, d’asperanzas. Y de vegadas cal reendrezar-los, como a vida mesma. Cal buedar os estantes an que se colocan y emplir o leito de libros, ta poder continar soniando dispierto.

Leito de libros

Leito de libros

Y parar ta ells casas nuevas, armarios nuevos, endreceras nuevas. Revisitar os presents que te’n facion. Remerar cuan estio a primer vegada que leyes ixe libro. Recuperar as sensacions de leyer parolas en tantas luengas como conoxes y mesmo meter as voces que t’aimas en as parolas que leyes.

Casa nueva ta libros viellos

Casa nueva ta libros viellos

Os libros son suenio y muito mas. Os libros son castiellos t’amagarse (si yes mixin), y pesas que emplegar ta fer mas cerenyos os musculos. Os libros tienen alma, y a suya alma ye parti d’o tuyo esprito. Son as letras que se fican por dentro, que fan camin por as tuyas venas, que fan interconectar as neuronas y que premiten que, siempre, dimpues d’o diya, atures o ritmo y te’n vaigas por o camin d’a fantasia, d’a historia, d’o futuro, d’atras vidas.

Castiello ta mixins

Castiello ta mixins

Os libros son vida. Os libros son parti d’a mia vida. Y agora, como fa ya tant de tiempo, levo diyas reendrezando a mia vida en volumenes de 20 a 1200 paxinas.

Quien lee mucho y anda mucho, vee mucho y sabe mucho

Puedes dejar una respuesta, o un trackback desde tu sitio.

3 Respuestas to “Endrezando vida”

  1. Bitacoras.com says:

    marzo 30th, 2011 at 17:11

    Información Bitacoras.com…

    Valora en Bitacoras.com: Os libros son vida. As letras que forman parolas que forman frases que s’imprentan en fuellas blancas u de color y s’imprentan y se dixan leyer, pensar, soniar, repensar u criticar son vida. Dende chicorron a mia vida ha ……

  2. Chuan Chusé Bielsa says:

    abril 9th, 2011 at 21:48

    Buenos libros, bel gato, bella persona aimada… ya no cal guaire más ta ser feliz. Felizidaz por o tuyo amor por os libros… y os gatos. M’han cuacau muito as fotos que metes, y ye que que do bi ha libros, suenios y… gatas/gatos (queda claro que en soi un enamorau) bi ha poesía. “Os libros tienen alma”, dizes, e i soi d’alcuerdo. Que os tuyos libros sigan felizes en os nuevos almarios y repalmars, y que sigaz felizes os que de cutio vos adentraz en os suyos mundos d’ensuenio.

  3. D’os libros como calaixo an que poder alzar l’alma | Purnas en o zierzo says:

    enero 12th, 2012 at 14:26

    […] fa guaire endrezaba os libros d’a mia biblioteca presonal, d’a mia vida. Menos d’un anyo dimpués y por […]

Dixa un comentario