Sortu. U l’efecto Minority Report

jueves, marzo 24, 2011 11:54
Publicado en la categoría purnas

O Tribunal Supremo ha viedau que Sortu, o partiu d’a cucha abertzale vasca, pueda rechistrar-se como partiu politico. Lo fa o Supremo con tres votos particulars (os primers d’a suya historia, si no soi entivocau), y dando por buenas as opinions d’a policia pre-crimen. Abonaus a l’efecto Minority Report, o mesmo Fiscal cheneral de l’Estau dicio que Sortu cumpliba la lei de partius, pero ta “defraudarla“.

Ye curiosa ista manera de pensar y d’actuar de l’Estau. S’ha demanau a la cucha abertzale que condene a violencia d’ETA (y nomas a violencia d’ETA) y cuan, a la fin, fan ixo, se lis demana limpieza de pensamiento anterior y/o futuro. Ye aplicar l’estau de dreito nomas quan mos vaga de fer-lo (u quan lis ne vaga a ells, ye esclatero). No se puede reclamar bella cosa a bell un si quan la cumple lis decimos que no ye prou, que cal fer mas. No se puede reclamar bella cosa a bell un quan no se lis reclama a atra chent que encara para actos, ye legal y mesmo se presenta a las eleccions con un dubdoso comportamiento democratico. No se puede aplicar l’estau de dreito d’una manera tant parcial que encara que cumplan as nuestras condicions lis viedamos l’acceso desixindo nuevas condicions. Ixo no ye democracia, ixo no ye la democracia de totz.

Soi capable d’entender as dubdas de qui ha estau menazau por a violencia d’ETA. Soi capable de plegar a entender as reticencias. Pero no soi capable de refirmar que ixas dubdas y reticencias creben l’estau de dreito d’un estau que se diz democratico a si mesmo. Si os regles son uns, son uns ta totz, y no nomas ta qui queramos, porque allora no yes en una democracia.

Puedes dejar una respuesta, o un trackback desde tu sitio.

Una respuesta to “Sortu. U l’efecto Minority Report”

  1. Bitacoras.com says:

    marzo 24th, 2011 at 11:58

    Información Bitacoras.com…

    Valora en Bitacoras.com: O Tribunal Supremo ha viedau que Sortu, o partiu d’a cucha abertzale vasca, pueda rechistrar-se como partiu politico. Lo fa o Supremo con tres votos particulars (os primers d’a suya historia, si no soi entivocau), y dando……

Dixa un comentario