Historias d’almogavars

domingo, febrero 6, 2011 19:00
Publicado en la categoría purnas

Por custions laborals ista semana m’he visto ficau en a epopeya d’os almogavars en tierras de l’Orient. No ye custion agora de charrar sobre qui yeran os almogavars, u d’an veniban… como siempre que mos amanamos a l’historia gran, a os grans feitos, bi ha atra intrahistoria chicota. Y por ixo, repasando as cronicas que charran d’ells (alazetalment a de Muntaner y a revision de Montcada dos sieglos mas tardi) m’han trucau o ficacio d’os minihistorias presonals.

Una d’ellas puestar mas conoxita por estar o suyo protagonista un noble aragones, que plego a estar lugartenient de Chaime I en Valencia, Ferran Ximenez d’Arenos. Mainates d’una colla de guerrers indomables, as capezas veyibles d’os almogavars siempre tenion bells problemas d’entre ells. Influyencia, poder, privilechio…y a seguridat de que os almogavars que lis seguisen, lo ferian dica la fin. En una d’istas batallas d’influyencia, lo dito Ximenez d’Arenos marcho d’a colla prencipal, pero meses dimpues, cuan veyio a situgacion d’os suyos companyers en torno t’adibir-se a ells.

Como no podeba estar en a mesma ciudat que Berenguer d’Entenza, Ximenez d’Arenos decidio de conquerir una ciudat ta ell mesmo, Modico. Siete meses estio devant d’a ciudat fendo sitio. Y por a poca chent que con que contaba, no podio asaltar as murallas, pero si viedar o paso a os abitadors y soldaus que bi’n heba. Un diya sentindo rudio de borina dentro d’a ciudat comprebo que tota Modico, ya alcostumada a la presencia d’os aragoneses yera cilebrando bella fiesta. Asinas que ninvio a bells soldaus a asaltar a muralla y mientre ells, con os atros, trencaba a puerta prencipal, sin esfensa, dentrando en a ciudat y asesinando a os suyos abitadors.

A historia ye curiosa, pero tamien cal parar cuenta en o texto de Montcada, an queda esclatero que fa cincocientos anyos que os aragoneses ya yeramos como somos (u como mos quieren fer veyer que somos). A lo menos, Montcada ya teneba a imachen de “Don erre que erre” en o tozuelo.

Este fin tuvo el sitio de Modico, y la dichosa pertinacia de un aragones, en los ocho meses que duró este sitio

L’atra historia tamien aduya a desmitificar l’orichen d’as guerras meyevals i o caracter d’os almogavars, que ye luen de responder a l’ideyal caballeresco que as novelas y o cine han creyau ta bell tipo de guerre d’a Edad Meya. Un exemplo ye Pedro de Maclara, almogavar, que dimpues de bellas nueits dixandose os sueldos chugando con os companyers, ya teneba grans deudas. Una nueit, alcompanyau d’os suyos dos fillos, marcho camin de Constantinopla dende Gallipolli. Cuan plego, capturo a un pai y un fillo chenoveses por qui demano rescate. Una vegada que li bosoron 1500 escudos por ells, podio bosar as deudas de chuego y, no nomas ixo, que gano respeto dentre os companyers como hombre valient.

Puedes dejar una respuesta, o un trackback desde tu sitio.

2 Respuestas to “Historias d’almogavars”

  1. Bitacoras.com says:

    febrero 6th, 2011 at 19:05

    Información Bitacoras.com…

    Valora en Bitacoras.com: Por custions laborals ista semana m’he visto ficau en a epopeya d’os almogavars en tierras de l’Orient. No ye custion agora de charrar sobre qui yeran os almogavars, u d’an veniban… como siempre que mos amanamos a l……

  2. Tweets that mention Historias d’almogavars | Purnas en o zierzo -- Topsy.com says:

    febrero 7th, 2011 at 14:02

    […] This post was mentioned on Twitter by Jorge Romance, Jorge Romance. Jorge Romance said: En Purnas ahora: Historias d’almogavars http://bit.ly/gfuN0j […]

Dixa un comentario