O patrimonio que lis bufa la pocha: l’aragonés

Jueves, diciembre 9, 2010 17:49
Publicado en la categoría de l'aragonés, purnas

Como cada anyo a Unesco ha quitau t’a carrera o suyo Atlas d’as luengas en periglo de disparixer. L’aragones contina en o segundo trango enta a suya muerte como luenga de comunicacion. Ista categoria se diz “definitely endangered” y la cualifica, dentre atras cosas, que os ninos no aprenden ya l’aragones como luenga de mai. No ye de raso cierto, porque si bi ha bells ninons que charran de cutiano l’aragones, pero de feito no ye una situgacion estendillada.

Pero no escribo iste post ta charrar d’a situgacion de l’aragones, que ya sabemos cuala ye, y que ya analice fa un anyo, mirando, punto por punto, cuals son os criterios d’a Unesco ta calificar as luengas y fer-los veyibles en o caso de l’aragones.

Escribo iste post ta fer una huellada a la situgacion d’o patrimonio cultural d’Aragon. A Unesco diz que una d’as luengas istoricas y propias d’Aragon contina en a muga d’a muerte y a television publica, ni os prencipals meyos de comunicacion, han dito ni brenca ni meya. Garra manifestacion s’ha convocau por os que son tan alticamaus por o patrimonio cultural aragones que ye en Catalunya. Garra diputau d’as Cortes ha dito cosa sobre ixe feito grau que mete a l’aragones una mica mas aman de morir mientres a lei que ha de desenvolicar a suya amostranza y emplego ye aprebada pero cuasi aturada.

Bi ha patrimonios culturals y patrimonios culturals ta os politicos d’o pais. Y ye esclatero que o patrimonio cultural d’a luenga, de l’aragones, lis bufa la pocha. Dimpues vendran con glarimas a dicir que l’arte aragones s’amorta, que os biens que tienen atros no mos lis tornan, que Goya, y la jota y Buñuel son o nuestro patrimonio. Y no digo que no, pero no me creyere cosa, nunca mas, d’o que me digan ells.

Puedes dejar una respuesta, o un trackback desde tu sitio.

3 Respuestas to “O patrimonio que lis bufa la pocha: l’aragonés”

  1. Bitacoras.com says:

    diciembre 9th, 2010 at 17:53

    Información Bitacoras.com…

    Valora en Bitacoras.com: Como cada anyo a Unesco ha quitau t’a carrera o suyo Atlas d’as luengas en periglo de disparixer. L’aragones contina en o segundo trango enta a suya muerte como luenga de comunicacion. Ista categoria se diz “definitel……

  2. Fokinfer says:

    diciembre 9th, 2010 at 18:55

    Plas, plas, plas. Norabuena.

  3. elbarzal says:

    diciembre 9th, 2010 at 19:43

    Cuánta razón!!!! Qué ciegos los políticos que renuncian a su patrimonio, lo ningunean y lo vapulean como hacen con el aragonés. Ni siquiera lo consideran patrimonio ( si no, ¿por qué no lo defienden?). ¡Qué ciegos, y qué inútiles!

Dixa un comentario