Concarar o contemporizar

miércoles, diciembre 1, 2010 22:52
Publicado en la categoría purnas

José Luis Rodríguez Zapatero, de qui os papers de Wikileaks dicen que a CIA piensa que ye un “izquierdista trasnochado“, ha quiesto dixar por embusters a os espias norteamericans y ha tornau a retacular enta posicions, retalladas y decisions de dreitas. Concretament, as que li recomendaba o mercau u os mercaus, mas platerament dito. De feito, ha estau anunciar istas midas que a Bolsa ha tornau a puyar, y mesmo Rajoy ha saliu d’o silencio ta dicir que li parixeban prou bien.

Pero no quereba yo charrar d’as decisions de Zapatero, sino del feito que ixas decisions no son suyas, u no nomas son suyas. Totas istas decisions que prene en os zaguers tiempos son forzadas por os poders economicos que un diya zaga atro, menazan a os paises que s’acullen a os mercaus. No fa que Zp no siga responsable, tot lo contrario, pero ye verdat que son os mercaus os que prencipian a dictar as politicas economicas d’os estatos. A cada menaza, o gobierno ex-socialista ha decidiu responder dando razon a la menaza y fendo caso a las recomendacions. Pero cada vegada os predadors han queriu mas. Dimpues d’a reforma laboral, a de pensions, agora retallada de dreitos ta os aturaus, privatizacions…y dimpues? Dimpues atra cosa porque ye una corrida que no tien de fin.

Me remera ista situgacion que vive huei Zapatero y l’estau que gobierna a la que vivio fa no guaires anyos Chunta Aragonesista en o gobierno d’a ciudat de Zaragoza. Totz os poders facticos d’a ciudat se metion dende o primer inte a creticar tot o que CHA feba. As caxas, os meyos de comunicacion, as collas d’empresaires… Y en cuenta de concarar-se con ells, de continar con a suyas politicas (que yera  ta lo que bella chent lis eba votau) CHA retaculo. A la fin perdion os poders y nunca no dixaron d’atacar-lis.

A Zapatero li ye pasando o mesmo. Cada cosa que demanan os mercaus ye feita, y en cuenta de dicir “ah, vale, ya mos ha feito caso” ixos mercaus, que encara que parixcan anonimos no lo son pas, demanan mas y mas y mas y mas. A la fin, ZP tresbatira o suyo gobierno, abra traicionau a os suyos votanz (que parixen no escarmentar dende F. Gonzalez) y se quedara ta fer conferencias y entrevistas en El Pais dentro de 10 anyos. Y amas, abra feito tirar enta zaga 30 anyos de trangos entaban d’os dreitos socials y laborals. Bravo.

Puedes dejar una respuesta, o un trackback desde tu sitio.

3 Respuestas to “Concarar o contemporizar”

  1. Y si concaramos a os mercaus? | Purnas en o zierzo says:

    diciembre 2nd, 2010 at 16:57

    […] siguir una mica con o post d’ahiere sobre os trangos ta zaga de Zapatero quereba recuperar un post d’as primeras retalladas socials y laborals d’o gobierno de […]

  2. Zapatero, CO! « Aragón en el mundo, la izquierda aragonesa en el mundo says:

    diciembre 12th, 2010 at 16:59

    […] son invisibles? ¿Es qué no nos oye? ¿No entiende que esta estrategia, como bien explicaba Jorge Romance, lo lleva a recular permanentemente y a un callejón sin salida ante la insaciabilidad de los […]

  3. Yo no soy tonto (I): Las pensiones son un chollo « Aragón en el mundo, la izquierda aragonesa en el mundo says:

    febrero 15th, 2011 at 18:59

    […] FMI o el Banco Central Europeo en vez de su programa electoral, mucho se ha comentado. El continuo recular ante las demandas de estos agentes, la falta de hegemonía en el discurso o su alejamiento de la […]

Dixa un comentario