En o periodismo no bi ha parolas inocents

martes, noviembre 23, 2010 20:36
Publicado en la categoría purnas

Se fa istos diyas en Zaragoza un Congreso entrenacional sobre presas y entibos. Congreso que ye dende l’anviesta de qui fa ixas construccions. Como o Gobierno d’Aragon y a CHE refirman ixe congreso de incheniers o que digan y fagan istos diyas tendran prou mas repercusion que no as actividatz que tot iste mes se’n son fendo con motiu d’a esposicion Agua, Rios y Pueblos an se huellan ixas obras dende l’anviesta d’os afectaus, d’a chent a qui afogan y menazan con as suyas presas y entibos.

Ixo ye asinas. En iste pais nuestro ixo, por l’inte, no tien solucion. O que si tien solucion ye trucar o ficacio sobre a profesionalidat u no d’os periodistas. Porque en o periodismo no bi ha parolas inocents. Profes que no. Trigar una u atra parola de vegadas demana una mica de profesionalidat, pero garra decision que prenemos como periodistas ye inocent, u abria de no estar inocent.

Por ixo, ista tardi cuan EFE ha pasau a nota sobre a primera chornada d’o Congreso sobre Presas m’he carranyau. A triga de parolas que fan o tetular no ye inocent.

Experto en presas descarta la existencia de problemas de seguridad en el recrecimiento de Yesa

O tal experto ye Moisés Rubín. O sinyor Rubin no ye un experto sin mas. Rubin ye o president d’a Sociedad española de presas y embalses y tamien estio parti d’o Ministerio de Medio Ambiente y Marino en a epoca d’a prebatina d’o PP de fer un trescole de l’Ebro y de construyir os entibos de Santaliestra u lo recreximient de Yesa. De feito, un d’os suyos informes estio amagau por Benigno Blanco, lo que levo a Blanco a o banquet d’os acusaus.

Dica 2007, a lo menos, Rubín estio Chefe de l’Area de Presas d’o Ministerio de Medio Ambient, como diz a propia web d’a sociedat que agora preside.

Asinas que l‘experto Rubín (y no tiengo duda de que tien conoximient sobre o tema, como el diz) en reyalidat ye una d’as partis implicadas en o recreximient de Yesa. No ye inocent no aludir a la suya implicacion en o proyecto ni en o titol ni en testo pasau por EFE. No ye lo mesmo un experto independient que un que ye ficau en o proyecto de Yesa dende lo cabo d’os anyos 90. Un que ye parti implicada, d’os d’a parti que si o si quieren recrexer l’entibo afogando mas ixa val de l’Aragon y pasando por dencima de cualsiquier consideracion tecnica, cheografica, cultural u mesmo sentimental.

Insisto, no dudo que o sinyor Rubín conoxca o suyo triballo, pero insisto tamien o periodismo ha de saber no nomas que diz una presona sino porque diz ixo y no diz atra cosa esferent. As parolas, ditas u escritas, no son pas inocents.

O teletipo orichinal no ye accesible gratuitament, por ixo enrastro a web d’o Periodico d’Aragon an podez veyer-lo.

Puedes dejar una respuesta, o un trackback desde tu sitio.

4 Respuestas to “En o periodismo no bi ha parolas inocents”

  1. Bitacoras.com says:

    noviembre 23rd, 2010 at 20:42

    Información Bitacoras.com…

    Valora en Bitacoras.com: Se fa istos diyas en Zaragoza un Congreso entrenacional sobre presas y entibos. Congreso que ye dende l’anviesta de qui fa ixas construccions. Como o Gobierno d’Aragon y a CHE refirman ixe congreso de incheniers o que dig……

  2. Fuina says:

    noviembre 24th, 2010 at 8:54

    No quedarba bien,
    no en tien de “tirón”
    y a Rubín no le ferba grazia:
    “Experto en presas y parte implicada en el recrecimiento de Yesa, afirma que no hay riesgo…”

    Yesa ye INseguro, INpreziso, INchusto…

  3. Asociación Río Aragón says:

    noviembre 24th, 2010 at 10:28

    Si son tan seguras las laderas de Yesa ¿por que en 9 años desde la primera piedra no han avanzado las obras y no han hecho más que gas tar dinero cemento para sujetar las ladreas? Si los estudios ya estaban hechos, ¿por qué en cuanto movieron un poco de tierra se les cayeron las laderas? ¿por qué ahora nos dicen que hay que duplicar el presupuesto y gastarse 100 millones de euros para intentar estabilizar las laderas? ¿Cómo sabemos que esto no va a ser una sangría sin fín?

  4. Fokinfer says:

    noviembre 24th, 2010 at 10:29

    Ye experto, sí, en afogar lugars. Isto me remera á l’AVE, os cheologos y o PP.

Dixa un comentario