A politica fa estranios companyers de leito y rarizos cambeos de discurso

jueves, noviembre 18, 2010 18:41
Publicado en la categoría purnas

Marcelino Iglesias, secretario d’organizacion d’o PSOE, tamien ye president d’Aragon. Como secretario d’organizacion d’o PSOE li pertoca refirmar a o candidato socialista a las primeras eleccions d’as que vienen, as catalanas.

Iglesia y Montilla en Terrassa

Iglesias y Montilla en Terrassa

En o mitin de Terrassa, Marcelino Iglesias, dicio y dixo esclatero lo sobrebueno que lo refeito estatut de Catalunya ye. Dicio que nunca no antis Catalunya eba teniu tanto d’autogobierno, y que ixo feba amas que Espanya estase un pais millor.

En a suya calidat de president d’Aragon no diz o mesmo, ye esclatero. O gobierno d’o president Iglesias facio un recurso en o Constitucional espanyol contra l’Estatut por esferents afers como l’Archivo d’a Corona u os recursos hidricos y a suya chestion.

No nomas ixo, o gobierno de Montilla, que agora refirma Iglesias, ye o mesmo gobierno d’o conseller Tresserras, contra qui o gobierno d’Aragon mantiene una guerra por os clamaus “Bienes de la Franja“. Montilla, d’o mesmo partiu que Maragall, de feito, ha seguiu a mesma politica que o gobierno d’antis d’o 2006 en Catalunya, igual que o conseller de Cultura ha feito como l’anterior. Atamas d’o refirme actual de Iglesias a Montilla, en 2006 Iglesias saco a Aragon d’a Eurorregion Pirineos-Mediterráneo, carranyau con o gobierno catalan y con o tema d’os “Bienes de la Franja“.

Y agora, y mientres que ye encara president d’iste pais nuestro, va dicindo as bondaz d’o gobierno catalan y d’a suya reforma estatutaria. Entalto a coderencia y o PSOE.

Puedes dejar una respuesta, o un trackback desde tu sitio.

3 Respuestas to “A politica fa estranios companyers de leito y rarizos cambeos de discurso”

  1. Bitacoras.com says:

    noviembre 18th, 2010 at 18:44

    Información Bitacoras.com…

    Valora en Bitacoras.com: Marcelino Iglesias, secretario d’organizacion d’o PSOE, tamien ye president d’Aragon. Como secretario d’organizacion d’o PSOE li pertoca refirmar a o candidato socialista a las primeras eleccions d’as que vienen, ……

  2. Rafel says:

    noviembre 18th, 2010 at 20:43

    Seguntes os nuevos regles d’ortografía creigo que ye menister escribir “esferents” y no pas “esferentz” seguntes me corrichió un en o foro de El Periódico fa uns diyas. Mira-te-lo.
    Yo escribo “esferens” que me parixe más fácil.

    Chorche: Razon tiens.

  3. Resumen d’o 2010 en purnas.com | Purnas en o zierzo says:

    marzo 15th, 2011 at 13:15

    […] 18: A politica fa estranios companyers de leito y rarizos cambeos de discurso (2) […]

Dixa un comentario