Aqui bi ha vida! Yesa no!

martes, noviembre 9, 2010 18:37
Publicado en la categoría purnas

O delegau d’o gobierno espanyol en Aragon, amas de tot o que ya dicie ayer, tamien aprobeito una entrevista en o Periodico ta dicir que, textual, “el recrecimiento de Yesa ha cogido velocidad de crucero“. Asabelas son as razons por as que o recreximient de Yesa ye una error. Son prou anyos ya que as chentz d’a val y a chent que los refirmamos, levamos luitando contra a sinrazon, una mas, que destroza una parti d’o pais, metendo, amas en periglo a las suyas chentz y a o suyo territorio. Garra d’as razons d’os pro-Yesa parixe prou funda. Zaragoza ya bebe augua de Yesa. As Bardenas, as no ocupadas melitarment, ya no son rendibles por muitas auguas que lis leven, que ya en son prou. O rio Aragon ya ye prou “controlau” por atras presas y por o mesmo entibo de Yesa. Tot ixo, sin recreximient, un recreximient que amas de no amenistar-se suposa un periglo reyal, como dicen os tecnicos y que afoga una mica mas os territorios y chentz d’o norte d’o pais.

Dezaga d’ixa continada intincion de recrexer si u si l’entibo mas gran d’Aragon bi ha atros intreses. Interpresas de chestion d’augua, interpresas constructoras, equilibrios de poder en os partius politicos y ves a saber que atras cosas. Contra tot ixo, contra a “velocidad de crucero” que diz Javier Fernandez, iste cabo semana mos manifestare-mos en Zaragoza. T’amostrar o refirme a la chent d’Artieda, de Ruesta y tamien a la d’atros puestos amenazatos por os que encara quieren fer politicas idraulicas d’o sieglo pasau. Con a chent de Santaliestra, de Biscarrues, de Mularroya, con mas de 70 organizacions d’o pais y de difuera d’o pais, iste cabo semana chilaremos unatra vegada: Yesa, no pas!

Yesa, no pas!

Yesa, no pas!

Puedes dejar una respuesta, o un trackback desde tu sitio.

2 Respuestas to “Aqui bi ha vida! Yesa no!”

  1. Bitacoras.com says:

    noviembre 9th, 2010 at 18:43

    Información Bitacoras.com…

    Valora en Bitacoras.com: O delegau d’o gobierno espanyol en Aragon, amas de tot o que ya dicie ayer, tamien aprobeito una entrevista en o Periodico ta dicir que, textual, “el recrecimiento de Yesa ha cogido velocidad de crucero“. Asabelas son a……

  2. Fernando says:

    noviembre 9th, 2010 at 19:28

    Yo no i seré soi muit luén d’Aragón. Tos deseyo muita suarde.

Dixa un comentario