No concarar suposa dixar fer. O Papa, l’embaxador espanyol y os neonazis

lunes, noviembre 8, 2010 20:09
Publicado en la categoría purnas

Encara fa ulor a incienso dende Galiza a Catalunya. L’avion d’o mainate d’a Ilesia catolica paso por o ciel d’o nuestro pais y mos dixo istas boiras y iste fredo, y l’ulor a incienso, sotana viella y polil. Os cristians han veyiu a o suyo lider y iste ha contestau dicindo-mos a totz o que emos de fer. Enzurizaus por isto, os cristians han respondiu mesmo con violencia a chent que no se dixa dicir o que fer, chent que se feba pochons por as carreras y que creyemos que l’estau ha d’estar de raso aconfesional.

Ignacio Escolar esplanica prou bien en o suyo blog porque ye mentira ixo que diciu Benedet XVII (XVI fuera d’Aragon) que Espanya yera en un proceso anticlerical radical. Y ixo que no charra d’a cobertura d’os meyos, a pleitesia d’os politicos y a buena ripa de diners que emos bosau dentre totz ta que iste senyor se faga una gambadeta por a Peninsula Iberica.

De l’articlo de Escolar tamien me quedo con una tesis: de vegadas, no concarar-se contra os dolentz y prebar d’arrozegar-los enta o sistema (ixo que el diz “apaciguamiento“) nomas fa que os dolentz se radicalicen. Escolar charra de que atamas d’as concesions infinitas de l’estau con una relichion, o suyo lider ha feito un discurso apocaliptico que contrimuestra que nomas una teocracia lis ne faria goyo. Y me pensaba yo allora en Javier Fernández, o delegau d’o Gobierno espanyol en Aragon y que leva dende o suyo nombramiento no concarando a os neonazis y premitindo-les fer actos, manifestacions, ubrir locals u fer conciertos, conseguindo que Zaragoza esdevienga un d’os centros d’a ultradreita europea, en cuentas de carriar a ramada enta la sociedat civilizada, cada vegada son mas y mas agresius.

Por tot ixo, cada vegada que s’amana o 20-N cuan tornaran a fer-se presentz con a complicidat d’a Delegacion d’o Gobierno espanyol en Aragon, a chent d’o Bloque Independentista de Cuchas y d’a Coordinadora Antifaxista ha parau unas intresantz chornadas antifaxistas.

Puedes dejar una respuesta, o un trackback desde tu sitio.

2 Respuestas to “No concarar suposa dixar fer. O Papa, l’embaxador espanyol y os neonazis”

  1. Bitacoras.com says:

    noviembre 8th, 2010 at 20:15

    Información Bitacoras.com…

    Valora en Bitacoras.com: Encara fa ulor a incienso dende Galiza a Catalunya. L’avion d’o mainate d’a Ilesia catolica paso por o ciel d’o nuestro pais y mos dixo istas boiras y iste fredo, y l’ulor a incienso, sotana viella y polil. Os crist……

  2. Aqui bi ha vida! Yesa no! | Purnas en o zierzo says:

    noviembre 9th, 2010 at 18:39

    […] delegau d’o gobierno espanyol en Aragon, amas de tot o que ya dicie ayer, tamien aprobeito una entrevista en o Periodico ta dicir que, textual, “el recrecimiento de […]

Dixa un comentario