Diyas d’emocions

miércoles, septiembre 22, 2010 18:27
Publicado en la categoría purnas

He puesto sobre mi mesa todas las banderas rotas“.

Omenache d'un pueblo a o suyo cantor

Omenache d'un pueblo a o suyo cantor

O pueblo ha feito l’omenache a o suyo cantor. Ha pasau por devant d’o suyo cuerpo, gastau por o cancer, gastau por milenta barallas de rabia, mosica y parolas. Presonas de tot l’espectro sociopolitico aragones han quiesto dicir adios a Labordeta, y si a suya vida y cantas remaniran con nusatros, tamien remaniran istos diyas d’emocion que emos viviu totz chuntos. Me quedan os abrazos con chentz d’a cultura, d’a politica, as glarimas compartidas con companyers d’os meyos de comunicacion. Me queda cantar, una vegada mas, punyo en alto, o Canto a la Libertat devant d’as Cortes, mientres totz plens d’arguello d’aber compartiu o tiempo con Labordeta, yeranos conscientz de que a suya marchas nos dixa en erencio una luita, totas as luitas.

Han estau diyas d’emocion, de remerar anecdotas y trobadas con el, d’as vegadas que cantemos con el, tamien d’as vegadas que mos feba carranyar por dicir cosas con que no yeranos d’alcuerdo, pero totz coincidibanos que si bella presona eba feito que estase-nos aragoneses cabals y politicament conscientz, yera el. O pueblo ha charrato. O pueblo aragones y atros pueblos chirmans han remerato a suya vida y obra, as suyas cantas y o suyo refirme a luitas que de vegadas emos creyito tresbatitas.

Me quedan as emocions compartidas. Chentz que han veniu dende o norte y o sur d’o pais, de propio ta dicir adios a Labordeta. Chent que dica o zaguer inte s’enreligaba as mans ta cantar y dicir adios. Chent que ha feito que Labordeta conseguise mesmo chunir en cantas a chent que dica fa dos diyas no se charraba y que agora tornara a barallar-se. Chent que ha tornato a sentir que ye estar aragoneses. Chent arguellosa d’estar d’o mismo pais de qui ninvio a la mierda a qui l’insultaba y que metio en parolas o que totz sentibanos en ixos diyas que mos querian trescolar, ficar-nos en una guerra y dixar-nos, atra vegada, sin infrastructuras.

O cuerpo saliba d’as Cortes d’agora que estioron palacio d’os reis d’antis y a chent continaba chilando y cantando. Ixe ye l’esprito que ha feito radices en totz nusatros istos diyas d’emocion, pero agora, chirmans, chirmanas, companyers y companyeras…”Hay que seguir

Labordeta se'n va ta quedar-se

Labordeta se'n va ta quedar-se

No te quedes en el fuego
que no es cosa de dormir
átate las alpargatas
que sí, que sí es cosa de seguir.

Hay que defender la tierra
el agua, el ferrocarril
antes de que vengan otros
y los hagan producir.

Puedes dejar una respuesta, o un trackback desde tu sitio.

2 Respuestas to “Diyas d’emocions”

  1. Bitacoras.com says:

    septiembre 22nd, 2010 at 18:30

    Información Bitacoras.com…

    Valora en Bitacoras.com: “He puesto sobre mi mesa todas las banderas rotas“. Omenache d’un pueblo a o suyo cantor O pueblo ha feito l’omenache a o suyo cantor. Ha pasau por devant d’o suyo cuerpo, gastau por o cancer, gastau por milenta baral……

  2. torresburriel says:

    septiembre 26th, 2010 at 19:04

    Viva y bravo. Más posts así es lo que necesitamos, todos los días. Credibilidad en estado puro.

Dixa un comentario