Proposas de resolucion d’o debate sobre politica cheneral

miércoles, septiembre 15, 2010 16:22
Publicado en la categoría purnas

Dimpues d’o debate plega l’ora en que as collas parlamentarias fan proposas de resolucion sobre os temas debatius. As Cortes de Aragon han penchato as 222 proposas de resolucion trestallatas por colla parlamentaria. Encara que las tenez totas asti, m’ha bagau fer una chicota triga d’as que van una mica dilla d’as economicas u infraestructuras, que son a gran mayoria.

O PP ha presentato 101 proposas (por ixo de fer una mas que os 100 compromisos d’a coalicion de Gobierno). Muitas d’ellas por cierto, no son mas que peticions ta que as Cortes reclamen a lo “Gobierno de la Nacion” (sic) unas u atras cosas. Dentre atras destaco istas, con especial mencion a ixa que diz que ista luenga que soi escribindo no esiste:

  • Millor funcionamiento d’a comision bilateral Aragon-Estato
  • Demanar una chestion equilibrata d’o presupuesto d’a Corporacion Aragonesa de Radio y Television
  • Saldar a deuda con l’Estato tornando os biens y edificios que l’Estato boso como parti d’a suya deuda
  • Mas Policias Nacionals y Guardias Civils en Aragon
  • O castellan estara a unica luenga emplegata en o Sistema Aragones de Salud y as atras luengas no estaran valuratas en os curriculums
  • Creyar centros de inmersion lingüistica en castellan ta la integracion de inmigrantz
  • Satisfacer a necesidat de programas bilingües (en castellan y luengas foranas como l’angles u frances)
  • Derogar a lei de luengas por “imponer en Aragon una lengua que no se habla, el aragonés y otra el catalán que nunca ha sido propia
  • Acelerar a construccion de l’entibo de Yesa
  • Midas de refirme a la natalidat

CHA ha presentato 43 proposas dentre as que destaco:

  • Acelerar o desembolique de l’Estatuto, que no ha plegato a suyo maximo desembolique
  • Creticar l’actitut chusmesa d’o Gobierno d’Aragon devant lo Gobierno d’Espanya
  • Creticar a no presentacion d’a lei de Montanyas u la lei d’Educacion u d’Esportes
  • Creticar a no creyacion d’o Consello Audiovisual d’Aragon
  • Creticar l’incumplimient d’os trangos de desembolique d’a Lei de Luengas d’Aragon
  • Implantar programas d’aduya a la Hipoteca Choben
  • Refusar o recreximient de l’entibo Yesa

IU ha presentato 40 proposas de resolucion

  • Creyacion d’un proyecto d’I+D ta la cria d’insectos ta lo control de plagas
  • Demanar que a financiacion autonomica rispete l’Estatuto d’Autonomia d’Aragon
  • Buedar as Diputacions Provincials ta plenar de competencias a las Redoladas
  • Demanar mas informacion sobre lo recreximient de Yesa y atras obras hidraulicas
  • Refusar cualsiquier rilacion con o proyecto de Gran Scala
  • Presentar proyecto de Lei de Partecipacion Ciudadana

O PAR ha presentato 19 proposas propias, amas d’atras 11 de conchunta con o PSOE como Gobierno

  • Mayor numero de programas de prevencion d’o cancer
  • Mayor protagonismo d’a Comision Bilateral Aragon-Estato
  • Traspaso de competencias a las Redoladas
  • Modificacion de funcions y delimitacions d’as Diputacions Provincials
  • Equiparacion de profesors d’escuelas concertatas con os d’a escuela publica
  • Guaranciar a rigurosidat de l’estudio d’a Storia d’Aragon

O PSOE, antiparti d’as presentatas como Gobierno ha feito 8 proposas, dentre as que destaco istas

  • Guaranciar l’acceso d’a poblacion rural a los servicios de Fisioterapia
  • Creyacion d’un mapa de proteccion d’a montanya

A coalicion de Gobierno, PSOE-PAR ha presentato 11 iniciativas ta resolucion, dentre as cualas bi ha istas

  • Compromis d’estabilidat presupuestaria
  • Incrementar o numero de figuras de calidat esferenciata y a promocion interior y esterior d’as mesmas (?)
  • Demanar que s’incluya a la Comunidat Autonoma como beneficiaria d’os plans de restitucion d’as obras d’o Pacto de l’Augua

Istas, ye esclatero, son nomas bellas d’as resolucions, y muitas d’istas sisquia estaran aprebatas, pero m’aganaba centrar lo foco en custions como luengas y obras idraulicas que puestar que os meyos de comunicacion no en charren guaire.

Puedes dejar una respuesta, o un trackback desde tu sitio.

Una respuesta to “Proposas de resolucion d’o debate sobre politica cheneral”

  1. Bitacoras.com says:

    septiembre 15th, 2010 at 16:30

    Información Bitacoras.com…

    Valora en Bitacoras.com: Dimpues d’o debate plega l’ora en que as collas parlamentarias fan proposas de resolucion sobre os temas debatius. As Cortes de Aragon han penchato as 222 proposas de resolucion trestallatas por colla parlamentaria. Encar……

Dixa un comentario