O debate de politica cheneral (en o mundo 2.0)

martes, septiembre 14, 2010 18:51
Publicado en la categoría purnas

Ya han rematato as intervencions en o debate de Politica Cheneral que li dicen. Agora viene o tiempo en que as collas politicas presentan proposas, que no normalment, no plegan ta cosa. Pero iste anyo lo debate ha estato marcato tamien por a presencia en internet. Amas d’a transmision en directo por Aragon Tv, as Cortes, o Gobierno y bells politicos y partius politicos han quiesto fer present en internet o debate.

Dende a pachina oficial feita por as Cortes sobre o debate de Politica Cheneral se pueden ver totas as intervencions feitas, en radio, video y audio. En texto, en PDF, son as de Marcelino Iglesias, José Ángel Biel, Jesús Miguel Franco, Eloy Suárez, Nieves Ibeas y Adolfo Barrena. Mientres o debate Aragon Radio ha feito una retransmision en twitter, dende o canal d’Aragon Radio 2, tamien Heraldo u o Periodico d’Aragon han feito bella alportacion, encara que o Periodico nomas meteba articlos publicaus en a web. Aragon Radio, por cierto, ha prebato de estendillar o hashtag #debatearagon, pero me parixe que no ha teniu guaire exito.

Dentre os politicos nomas o canal de José Ángel Biel y o d’o gobierno d’Aragon han twitteyau en o debate. Juan Martin, por exemplo, ha trigau Facebook ta fer alportacions, pero no twitter. He trobato a faltar ixo si, que mas politicos y mesmo os politicos con perfil, comentasen en directo as intervencions. Meter un twitt de cabo cuan dende as Cortes, mientres as intervencions, no saca muito tiempo y puede fer mas partecipatiu lo canal, sobre tot si se contesta a las presonas que interactuan, ya sigan atros politicos, periodistas u atros ciudadantz.

De feito, istos diyas estie fendo una lista de twitter con os politicos aragoneses (politicos, no pas partius ni institucions). A lista se diz Politicos d’Aragon y os politicos que i son no son guaires. Dica agora son José Ángel Biel (PAR), Juan Martín (CHA), Luisa Fernanda Rudi (PP), Sebastián Contín (PP), Fernando Beltrán (PSOE), Roberto Fernández (PSOE). Cadagun tien una participacion esferent, y, profes, si tenetz bell politico mas que manque, agradeceria que lo escribises en os comentarios.

Por cierto, que dende Aragoneame fa tiempos ubrimos un adibidor de blogs de politicos aragoneses que se diz Blogliticos y an se pueden veyer os posts d’os politicos d’Aragon y fer comentarios sobre as suyas dentradas. Por ir ubrindo canals, con a vista ficada en que l’anyo venient tenemos eleccions ta lo gobierno d’Aragon y os concellos aragoneses.

Puedes dejar una respuesta, o un trackback desde tu sitio.

Una respuesta to “O debate de politica cheneral (en o mundo 2.0)”

  1. Bitacoras.com says:

    septiembre 14th, 2010 at 18:55

    Información Bitacoras.com…

    Valora en Bitacoras.com: Ya han rematato as intervencions en o debate de Politica Cheneral que li dicen. Agora viene o tiempo en que as collas politicas presentan proposas, que no normalment, no plegan ta cosa. Pero iste anyo lo debate ha estato marc…..

Dixa un comentario