O debate sobre l’estato d’Aragon: A charrada de Marcelino Iglesias

lunes, septiembre 13, 2010 18:35
Publicado en la categoría purnas

Marcelino Iglesias, encara que no lo parixca, president d’Aragon, ha feito huei o suyo zaguer parlament en un debate sobre l’Estato d’Aragon (u debate de politica chenaral que diz o nombre oficial). Tenetz o discurso entero d’o president penchato en a web d’o gobierno d’Aragon, asinas que podetz leyer, letra zaga letra lo que ha dito (fuera de bella error que ha tenito como dicir que bi eba 25.000 estudiantz d’aragones en cuenta de 250, que ye lo que mete o testo oficial).

O discurso d’o president ha estato, como ye de dar, prou bienmirato. L’anviesta que tiene d’o pais ye la d’un puesto maravielloso an vivir-ie, sin cuasi paro, a o ran d’as grans economias y paises, y que concara o futuro millor colocau que cualsiquier atro pais. Tamien ye de dar que ixa anviesta no ye, ni de luen, verdat. Os miners trancatos en Arinyo, a chent d’a OPEL penchando d’un filo, as infraestructuras agora aturatas, agora no, promesas nunca encetadas dende Espanya, leis nunca no feitas como a de montanyas u feitas y no desembolicadas como a de luengas, un ature que crexe y alacetando o desembolique d’o pais en o turismo d’ibierno (y a destruccion d’o pais), os circuitos de carreras u os proyectos cuasi imposibles como Gran Escala u Exponabo.

Por destacar bella coseta a comentar d’o discurso:

Una legislatura en la que hemos iniciado el desarrollo de nuestro Estatuto de Autonomía. Un Estatuto que ya ha demostrado sus enormes posibilidades. (…) El Estatuto es la herramienta que marca nuestra identidad, que fija el desarrollo de nuestra autonomía y que nos permite ir perfilando el Aragón del futuro.

Una identidat custionada sistematicament en os meyos de comunicacion, en os discursos, en o tratamient “rechional” de tot o que pasa en Aragon, atamas de que o testo diz de forma esclatera que somos, que ye Aragon. Un estatuto, amas, que ha dixato en mans foranas os recursos idricos, que no desembolica atros dreitos y que ha visto denguneato a o Gobierno d’Aragon en cualsiquier negociacion con o Gobierno d’Espanya. Ixe ye l’estatuto con “enormes posibilidades”.

En estos primeros años de aplicación ya hemos constituido la Cámara de Cuentas y el Consejo Consultivo de Aragón; aprobado la Ley del Presidente y del Gobierno; remitido a esta Cámara el proyecto de ley de Derecho Civil Patrimonial y el reciente proyecto de ley de convenios. Hemos asumido nuevas competencias en materia de formación profesional, conservación de la naturaleza, instalaciones radiactivas y hemos ampliado los medios en materia de administración de Justicia y protección de menores.

Son bellas leis aprebatas, ye cierto, y bellas d’ellas s’amenistaban, pero que dixan mas en evidencia as que no s’han feito y desembolicado, y mesmo as mancas d’ixas que s’han feito.

Por su parte, la Comisión de Asuntos económico-financieros nos ha permitido cerrar el acuerdo sobre mermas tributarias.

Meter como logro o trancamient d’ixe alcuerdo, en falso, con a cesion d’uns edificios sin emplego ni uso en cuenta de con diners, y que amas, ha obligau dimpues a Aragon a bosar a Espanya atras deudas, no ye que siga un gran logro. Trancar un alcuerdo no ha d’estar bueno “porque si”. Bi ha alcuerdos buenos y dolentz, y ye platero que iste alcuerdo ye dolent, muit dolent, y dixa a Aragon con una chicota capacidat de reyacion.

Por su parte, la Fundación BBVA destaca que Aragón es la 5ª autonomía más competitiva de España y la sitúa en índice de desarrollo humano en 4ª posición con valores cercanos a Alemania, Reino Unido o Francia.

Os datos d’ature por exemplo, son, de verdat, millors que en a mayoria d’as comunidatz d’Espanya, pero ixo no ye prou ta fer o farute. Os problemas de OPEL facion tremolar tot o sistema laboral aragones y pueden tornar a repetir-se. Confitar o creximient a las plataformas lochisticas o proyectos ilusorios como Gran Scala puede estar una gran error.

Ya se ha implantado en todos los centros de infantil y primaria la enseñanza de la primera lengua extranjera a partir de los cuatro años y la segunda lengua en tercer ciclo de primaria alcanza los 114 centros. Además 4.000 alumnos reciben la enseñanza de catalán en la zona oriental de Aragón  y otros 250 de aragonés.

Ista ye cuasi tota la referencia a la lei de luengas que ha feito lo president, y atamas que el mesmo ye catalanoparlant (y seguntes a lei de luengas ya se puede fer) no ha dito garra parola en “las lenguas propias de Aragon”. Amas, ha estato una d’as anecdotas d’o debate cuan ha dito que yeran 25.000 os estudiantz d’aragones. Tos prexinaz? Atra estaria a situgacion d’a luenga.

Si las energías, la agricultura y el medioambiente aprovechan los recursos endógenos, sucede otro tanto con el turismo. El sector que más y mejor ha resistido la crisis. Especialmente el turismo de invierno ha vivido, estos dos últimos años, cifras récord. Formigal es hoy el primer dominio esquiable de España. Hemos ampliado las estaciones turolenses de Valdelinares y Javalambre y trabajamos administrativamente en la futura ampliación de Cerler.

Aramon ye o verdadero Gobierno d’Aragon. U Sodemasa, u a combinacion d’os dos, sostenitas por os meyos de comunicacion (publicos y privatos). Cuasi dengún no custiona os proyectos que son esferrando as montanyas d’o pais por un turismo estacional que, amas, seguntes bells informes d’o propio sector, no continara por siempre.

Identidad que conforman nuestras acciones culturales. Esta Cámara ha aprobado la Ley de Lenguas. Estamos a punto de concluir la ampliación del Museo Pablo Serrano, está listo el proyecto de ampliación del Museo de Teruel para poder licitar las obras y en tramitación los proyectos del Espacio Goya y el Teatro Fleta.

Ista ye una mica de conya, a lei de luengas no ha prencipiau a desembolicar-se, o Museo de Teruel ye sin licitar, y l’Espacio Goya y o Teyatro Fleta levan aturatos dende o cabo lo tiempo.

Siempre he defendido que en sus relaciones con los diferentes gobiernos centrales, Aragón no debe caer en maximalismos, ni emular las posiciones nacionalistas más radicales, que provocan tensión hasta el límite con el Estado. Hay quienes critican a los que actúan de ese modo fuera de Aragón y a la vez exigen que aquí nos comportemos de forma extemporánea.

Soy firme partidario de que Aragón actúe con una lealtad exigente. No tenemos por qué plegarnos a decisiones venidas de Madrid, pero tampoco  hacer de la amenaza de la ruptura nuestro principal argumento. Aragón debe apostar por un Estado muy descentralizado, pero al mismo tiempo muy solidario y, sobre todo, muy cohesionado. Para conseguir esa cohesión, es requisito imprescindible la lealtad entre las grandes fuerzas políticas. Este acuerdo permitiría sacar del primer plano de la actualidad aquellos debates que fuerzan algunas minorías.

Ye dicir que Marcelino quiere sacar d’o debate a las minorias, que ye claro que no dicir cosa intresant, se veye. Amas apuesta por a postura aragonesa de siempre con Espanya. Dicir isto, que sinyala descentralizacion u mesmo federalismo y a la fin, rematar plegandose siempre a los deseyos de Madrid. Ya siga con gobierno d’o PSOE, d’o PP u mesmo d’o PAR con o refirme de bells d’ixos dos, Aragon siempre ha rematau dixando-se fer. Con ista postura Aragon ye an ye. Y no parixe que cambee guaire. Ista postura, por cierto, ye parellana a la que tiene Jose Angel Biel, y amas, ha estau un alacet d’o Gobierno aragones d’os zaguers anyos. No dar guaire la murga porque l’important, a la fin, ye que no mos creigan unos indepes periglosos.

Asinas que mos dixan as dos caras. Nacionalidat en l’estatuto, rechion en a vida cutiana. Federalismo cuan charramos dende Aragon, chusmision cuan charramos con Espanya. Prometer firmeza y valor de tigre cuan a cosa se mete fiera, y dimpues, dixarnos fer morisquetas como un mixin. Asinas ha estato lo gobierno d’Aragon de Marcelino Iglesias, asinas lo suyo zaguer debate de l’estato d’Aragon, y asinas, o piyor encara, estara lo siguient gobierno d’o pais.

Puedes dejar una respuesta, o un trackback desde tu sitio.

Una respuesta to “O debate sobre l’estato d’Aragon: A charrada de Marcelino Iglesias”

  1. Bitacoras.com says:

    septiembre 13th, 2010 at 18:38

    Información Bitacoras.com…

    Valora en Bitacoras.com: Marcelino Iglesias, encara que no lo parixca, president d’Aragon, ha feito huei o suyo zaguer parlament en un debate sobre l’Estato d’Aragon (u debate de politica chenaral que diz o nombre oficial). Tenetz o discurso en……

Dixa un comentario