Queremos vivir aqui! no a lo recreximient de Yesa!

lunes, agosto 23, 2010 17:19
Publicado en la categoría purnas

Iste ye o futuro

Iste ye o futuro

De conchunta con a chent d’Artieda tallemos a carretera no rematada dende Pamplona enta Lleida ta dicir bien altero que os lugars d’o costau de l’entibo quieren continar vivindo. A chent, mas chobena y mas viella tamien, baxo dende Artieda, Sigues, venio dende Uesca u Zaragoza, ta contrimostrar o refus social d’una obra que no s’amenista, que condena de muerte a la chent d’os lugars, que ye cara y que amas tien periglos prou importantz como ta dixar-los de banda.

Fendo mofla un d’os crios d’o lugar li deciba a atra nina: “Yesa, si! Yesa, si!”. A nina, tan seriosa como una nina de 8 anyos cuan se mete seriosa li dicio: “Yesa no, porque sino se te van a inundar todos tus juguetes“. Ixe ye o futuro que aspera a os ninos y viellos y chovens d’Artieda u Sigües si contina a sinrazon d’o recreximient de Yesa. S’inundaran totz os chuguetz, s’afogaran totz os suenios, se tresbatiran totas as remeranzas.

Ista chent que veyez en as fotos, istos ninos que encara chuegan y s’encorren por as carreras d’Artieda, istos viellos que filosofan en os bancos a la huembra d’o lugar, os chovens que treballan de sol a sol en os campos u que tornan t’o lugar dimpues de triballar en atros puestos…tota ista chent disparixera d’os suyos montz, d’as casas suyas, d’os bancals suyos. Por ixo chilan que no. Dicen que no. Suenian que no. Por ixo se comprometen con o patrimonio vital y cultural d’as suyas radices, d’o suyo pasau, d’o suyo mundo. Con ellos muitos atros continamos dicindo que si ellos quieren vivir asti, qui somos os demas ta fer-los marchar d’as suyas radices? Yesa no pas. Que no repitamos as errors de Chanobas u tiengamos que veyer atros lugars pantasmas baxo las auguas d’os entibos. O sieglo XXI planteya nuevas solucions.

Aqui tenetz, amas o manifiesto que se leyo en rematar a concentracion.

Puedes dejar una respuesta, o un trackback desde tu sitio.

Una respuesta to “Queremos vivir aqui! no a lo recreximient de Yesa!”

  1. Bitacoras.com says:

    agosto 23rd, 2010 at 17:22

    Información Bitacoras.com…

    Valora en Bitacoras.com: Iste ye o futuro De conchunta con a chent d’Artieda tallemos a carretera no rematada dende Pamplona enta Lleida ta dicir bien altero que os lugars d’o costau de l’entibo quieren continar vivindo. A chent, mas chobena y ……

Dixa un comentario