As retalladas de Fomento en Aragon no son nomas numeros

lunes, agosto 2, 2010 17:33
Publicado en la categoría purnas

Istos diyas que charrabanos d’as retalladas de Fomento en Aragon uno nomas que leyiba que numeros. Fueras d’analisis identitarios o que amanixeba en os meyos cheneralistas d’o pais yeran numeros. Os numeros identificatius d’as carreteras que quedaban fuera d’o presupuesto y os millons d’euros que l’Estau espanyol ha decidiu dixar de emplegar en Aragon.

Obras en a N-232. Foto La Comarca

Obras en a N-232. Foto La Comarca

Por veyer a representacion d’a vesita d’os Calatravos que feban en Pena-Roja he estau iste cabo de semana en a redolada d’o Matarranya. Como ye natural en os lugars d’ixas redoladas no ye cosa nomas de numeros l’ature d’as obras d’a N-232. Fa 20 anyos que ya se aturoron as obras, y agora por tercena vegada, as maquinas, que encara remanen en as ribas d’a carretera, no se enchegan ni ta fer-las marchar d’aqui.

Ta la chent d’a redolada, que gosa tener rilacions en totz os lugars d’os arredols, tener una carretera segura por an circular y marchar de lugar en lugar. No ye custion de numeros cuan fa 20 anyos que asperas tener una millor carretera por an puyar y baxar lo puerto. Ye custion de seguridat, de vida u muerte, de no aber de chugar-se la piel cada vegada que vas a mercar a atro lugar, a chentar con a familia, a fer borina con os amigos.

Ixo son as retalladas de Fomento en o micro espacio an que se sufren, difuera d’os despachos d’os politicos. As declaracions institucionals no solucionan cosa cuan o que quiers ye que as maquinas que agora parixe que pastan dentre os pins faigan a la fin o suyo triballo y rematen una obra que prencipio fa mas de 20 anyos.

Puedes dejar una respuesta, o un trackback desde tu sitio.

3 Respuestas to “As retalladas de Fomento en Aragon no son nomas numeros”

  1. Bitacoras.com says:

    agosto 2nd, 2010 at 18:50

    Información Bitacoras.com…

    Valora en Bitacoras.com: Istos diyas que charrabanos d’as retalladas de Fomento en Aragon uno nomas que leyiba que numeros. Fueras d’analisis identitarios o que amanixeba en os meyos cheneralistas d’o pais yeran numeros. Os numeros identificati……

  2. As retalladas de Fomento se localizan | Purnas en o zierzo says:

    agosto 6th, 2010 at 17:07

    […] Huei ha veniu ixe que dicen que ye aragones Victor Morlan ta dicir a os politicos aragoneses que no s’alticamen que en setiembre, sin saber encara guaire bien con que diners, continaran as obras d’as dos autovias d’o norte d’o pais. No totz os tramos, ye esclatero, nomas os que tiengan problemas de seguridat. En Binefar, dende Caldearenas enta Lanau u dende Monrepos enta Arguis. Cosa ha dito de la resta de retalladas en Aragon, muitas muit fundas, de anyos de retardos y aturadas, como a que decibamos l’atro diya d’a N-232. […]

  3. Video promocional para el Fomento del autoempleo individual | Locutorios, Locutorios Madrid, Locutorios Barcelona, Llamadas internacionales says:

    agosto 30th, 2010 at 1:53

    […] As retalladas de Fomento en Aragon no son nomas numeros | Purnas … […]

Dixa un comentario